Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 8:1 - The Keyagana NT and 25 OT books

1 Sitiveniʼa faliʼniya afinaʼmo Yulusalemu taonifiʼmo maiʼnaya siosi vayaʼmo lusi hanageke yaʼmo apamiʼnae. Apamiʼnageʼapaeʼmo muki siosi vayaʼmo atagu faeʼa apaune heʼa Yutiya kotegaʼe Sameliya kotegaʼeʼmo uʼeʼa huʼnageʼa apa vayaʼageʼmo Yulusalemu taonifiʼmo maiʼnae.

အခန်းကိုကြည့်ပါ။ ကော်ပီ




Apa 8:1
35 ပူးပေါင်းရင်းမြစ်များ  

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.


Kini vekamo lusi kava huno amogaga aiteno vayaʼaifeʼmo ge huʼnigeʼa laiyonimogi kelifatiʼmo avayu huliʼa hai eʼnae. Neniyoʼa Gotiʼamofeʼmo agesamo afino fatago huʼniyaʼmofeʼmo ageʼnayana mago agufa hanageke yaʼmo alagi oʼaliʼniye.


Mago vayaʼamogi ala vekamo aliʼyaʼamo neʼaliya vayaʼmo apatafauʼa huʼa faipa huʼa apateteʼa kamiti apamagiʼnae.


Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.


Lapakaemo ma mopafi vayaʼai hageʼapigana hutapa maiʼnae. Maiʼnayaʼmonanafa hagemoʼmo haga nehiya yaʼamo hano hisiyana haiya kava huno halate haga nehiya yaʼamo alino hamalegaiye. Aliʼyaʼamo ohanegaiyaʼmofeʼmo aliʼa yaga auʼa ataleʼnageʼa ani hageleʼmo apaiyaletiʼmo aeʼa umenitata nehae.


Nagaemo, mago aliʼyaʼamo neʼaliya vekamoʼmo aliʼyaʼmo afoʼamoʼmo aeno noʼagase, huʼna lapa paiʼnova geeʼmo lapakesamo afiyo. Apakaemo apaini huʼa natesaya agufa kava huʼa lapakaeʼeʼmo apaini huʼa lapategae. Apakaemo geʼnimo afiʼnisayana getapimo afigae.


Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.


Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo


Atiyoki kotega siosileʼmo mago Gotitegati gemo alini eʼa aeʼa hakalo huʼa hapa nepaiya vayaʼe aliʼa apaya neʼmalaya vayaʼeʼmo maiʼnae. Ani vayaʼai apakiʼapimo Manamasiʼagi anupa vekae huʼa agi neʼaya vekamo Simiyoniʼagi Sailini kotega vekamo Lusiʼagi Maneyeniʼagi Soloʼagi huʼa maiʼnae. Maneyeni afaluʼamoʼmo Helotiʼa vayaʼaleʼmo yagaino neʼapateya vekamae.


Neviniʼa Goti geʼamo akame huteno ma mopafiʼmo agaeʼeʼmo lokaeʼa maiʼnaya vayaʼmo hapa maeteno au kaleʼnigeʼa aginago vayaʼeʼmo kiʼa ateʼnageno agufaʼamo ago kasaliʼniye.


Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.


Mago vayaʼmogimo kava gemo aeno hakalo huno hapa nepaiya vekamo agiʼamo Sitiveniʼa amagiʼnaya afinaʼmo apakaeʼeʼmo magokepi maiʼneʼna, he, kanalene, huteʼna amagiʼnaya vayaʼai kukena yaʼapileʼmo yagaiʼna maiʼnove, huʼna ha paiʼnogenoʼaeʼmo


Ani agufa kavaʼmo Yulusalemu taonifatiʼmo huʼnove. Mono huʼa neʼapataya vayaʼaiteʼmo yagaiʼa neʼapataya vayaʼmogi mago lokiya gemo huʼa himamuʼnimo alisuva agufa avoʼmo kaeʼa namiʼnageʼna aliteʼna asole apaote vayaʼmo apavaleliʼneʼna kalavusi huʼna apateʼnove. Kanisole vayaʼmogimo, kamitimo apamagigune, huʼa huʼnageʼnaeʼmo nagaeʼeʼmo, he kanalene, huʼnagekeʼmo huʼnove.


He tiʼa apa vayaʼmo apavaleli uʼa gamani kalavusifiʼmo kalavusi huʼa apateʼnae.


Utapa alopa mono nopiʼmo uta haitapa he tita maiʼnetapa ani saufa kavafeʼmo ava gemo aetapa hakalo hutapa hapa paiyo, huno hapa paiʼniye.


Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigenoʼaeʼmo apaipamo lusi kava huno leʼnigeʼapaeʼmo, ani vayaʼmo apamagigune, huʼa huteʼa ge huge afige huʼnae.


Kanisole vayaʼmogimo ani gemo afiteʼapaeʼmo akame huʼa apa vayaʼaifeʼmo keya aeʼnageʼa eʼnageʼapaeʼmo nofi kayotetiʼmo apamagiteʼapaeʼmo, Yesu agiʼalefeʼmo gemo osiyo, huʼa hapa paiteʼa aliʼa apataleʼnageʼa uʼnae.


Ani vekamo Moseseʼa Isaleli vayaʼeʼmo kaʼme kotega aliʼa anupa huʼa maiʼnae. Moseseʼa Sainai avefiʼmo uno haino maiʼnigeno mago enisole vekamoʼmo apauneʼapameʼmo neʼapamiya gemo ha paiʼnigeno afiteno emineno laginago vayaʼaifeʼmo hapa paiʼnigeʼa lagaefeʼmo laha paiʼnae.


Kanisole vayaʼmogimo ani gemo afiʼnagenoʼaeʼmo apaipafiʼmo faiʼnigeno lusi kava huno apaipamo leʼnigeʼapaeʼmo apavepiʼmo haniʼa alagi huʼnae.


taonifatiʼmo heʼa halauliʼuʼa yafa kayotetiʼmo amagiʼnae. Agoti huʼa ateʼnaya vayaʼmogi kukenaʼapimo asagiʼa neya vekamo Soloʼmo yagaino maisiyafeʼmo aiyafiʼmo maleʼnae.


Mago vayaʼmogi huʼapaeʼmo, Sameliya vayaʼmogimo Goti geʼamo alagepa huʼa afiteʼa aliʼnae, huʼa apava gemo huʼnageʼa apa vayaʼmogi afiteʼapaeʼmo Pitaʼe Yoniʼeʼmo aliʼa anateʼnageʼana apakaetegamo uʼnaʼae.


Mago mono neʼafiya vayaʼmogi Sitiveniʼmo aliniʼuʼa kiʼa ateteʼapaeʼmo lusi kava huʼa yulagefa aiʼnae.


Ataleʼa atagu faeʼa uʼeʼa huʼnaya vayaʼmogimo muki haopalegamo Goti geʼamo aeʼa hakalo huʼa hapa paiʼnae.


Filipiʼa Sameliya kotega taonifiʼmo uno Kalaisife ava gemo aeno hakalo huno hapa paiʼniye.


Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.


Gotiʼa fatago kavaʼaletiʼmo ani agufa kavaʼmo nehaya vayaʼmo agoti huno apatetenoʼaeʼmo, anonatapilefeʼmo lapamisugetapa alagi falisaya agufa kavaʼmo hutapa maiʼnae, huno ago hu maleʼniye. Apakaemo ani gemo ago afiʼnayaʼmonanafa ani hosu kavaʼageʼmo nosayaʼmonanafa magoʼe huʼa hosu kavaʼmo nehayana hosu kavaʼmo nehaya vayaʼaifeʼmo amuse huʼa neʼapatae.


Konagaʼnimogitapae, huʼna, mani hisuva gemo afisayafeʼmo nahauʼniyanagi alagepa hutapa afiyo. Mani hanageke yaʼmo nagaeteʼmo afole aiʼniyaʼmofeʼmo alagepa faigoko gemoʼmo magoʼe huno aino atagu faeno uneno nehiye.


Kini vekamoʼmo aipamo leno ateʼniyaʼmonanafa Moseseʼa agesamo afino fatago huʼniya kavatetiʼmo koli osuno Isipi kotegatiʼmo ataleno uʼniye. Agaemo noʼagaya vekamo agetenoʼaeʼmo geʼaleʼmo oʼataleno atafauno alagi huno maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ