Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 7:60 - The Keyagana NT and 25 OT books

60 Neʼamagigenoʼaeʼmo aleʼya faiʼneno alopa gefatiʼmo hunoʼaeʼmo, Ala kava nene, huno, mani hosu kavaʼapimo anonaʼapileʼmo apamisanafeʼmo kagesamo oʼafiyo, huno huteno au kaleʼniye. Soloʼa amagiʼnageno faliʼniya kavafeʼmo aipafiʼmo kanalene, huno agesamo afiʼniye.

အခန်းကိုကြည့်ပါ။ ကော်ပီ




Apa 7:60
23 ပူးပေါင်းရင်းမြစ်များ  

Ani ofalini nehaya afinaʼmo afole aiʼnigeʼnaeʼmo inagi nagaemo nagufamo aliʼna afepiʼmo ateʼnova kavapatiʼmo he tiʼna naleʼyamo faiʼna maiʼneʼnaeʼmo Ala kava neʼmo Gotiʼnimofeʼmo nunumuʼmo hisuvafeʼmo lole nayatalaʼmo aliʼna asagauʼnove. Ani aliʼna apake aiʼnova kukena yaʼnimo vaiteʼna maiʼnove.


Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.


Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.


Yafa kapiʼmo kiʼa apateʼnaya vayaʼmo yafa kaʼmo aino apalo atiʼnigeno Gotiʼa apaote asole vayaʼmo alino he tino apateʼniye.


Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.


apatalenuno yafa kayoʼmo yaga aunageno uno nehaneya agufa afafaleʼmo uno aleʼya faiʼneno nunumuʼmo hunoʼaeʼmo,


Yesuʼa hunoʼaeʼmo, Afo, huno, na agufa kavaʼmo nehupi huʼa oʼageʼnayaʼmofeʼmo hosu kavaʼmo anonaʼapimo afaʼa alika atalo, huno nunumuʼmo huʼniye. Kukenaʼamo aliʼa fako hu maleʼneʼa yafatetiʼmo yokalo leʼnae.


Lifana huno neʼapataya vayaʼaifeʼmo hutapaeʼmo, Gotiʼa alino auleno lapateno, hutapa hiyo. Huʼa faipa huʼa lapatesaya vayaʼaifeʼmo nunumuʼmo huta apateyo.


Lao vekamo Layosiʼmo ago au kaleno maiʼniyaʼmofeʼmo uʼna aupatiʼmo hauneʼna ategauve, huno hapa paiʼnigeʼapaeʼmo,


Neviniʼa Goti geʼamo akame huteno ma mopafiʼmo agaeʼeʼmo lokaeʼa maiʼnaya vayaʼmo hapa maeteno au kaleʼnigeʼa aginago vayaʼeʼmo kiʼa ateʼnageno agufaʼamo ago kasaliʼniye.


Ani gemo hapa paitenoʼaeʼmo apakaeʼeʼmo magokepi aleʼyamo faino maiʼnenoʼaeʼmo nunumuʼmo huʼniye.


Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo


Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.


Lapakaepatiʼmo mago vayaʼmogi ani kavaʼmo huʼa fikumo aliʼa neʼnayaʼmofeʼmo lokiya oʼvaige kaita hapauge huʼnigeʼa mago vayaʼamo ago faliʼnae.


Ani kavaʼmo huʼa Kalaisipiʼmo maiʼneʼa faliʼnaya vayaʼmo afela heʼnaesine.


Ani gemo nehuvaʼmonanafa lama gemo haneʼniyana Kalaisiʼa ago he tiʼniye. Agaemo hoyafatiʼmo hogoteno leʼniya neʼyakana huno he tiʼniyaʼmofeʼmo agae akamelegamo asole vayaʼmo he tigae.


Inagi afiyo, huʼna, nagaemo mago fala kiʼniya gemo lapa paigesuve. Mukiʼamogitamo ofaligunaʼmonanafa Gotiʼa mukiʼamo saufa lagufamo alino hamaleno latesigetaeʼmo saufa lagufamo aligune.


Afole aitenoʼaeʼmo faefu hataletiʼa konaga vayaʼmo ago aeno agaseno magoʼe konaga vayaʼeʼmo magokepi lokaeʼa maiʼnaya konaga vayaʼai apaulagaleʼeʼmo afole aiʼniye. Ani vayapatiʼmo asole vayaʼmo hemenimo afaʼa maiʼnayaʼmonanafa mago vayaʼamo ago faliʼnae.


Falitesunageno eminesifi afaʼa maiʼnisunageno eminesifigeta agaeʼeʼmo magokepi lokaeta maisunafeʼmo falino lateʼniye.


Lomu gamani vayaʼmogimo hogote afinaʼmo agotimo huʼa nateʼnageʼnaeʼmo naha maesiya gemo huʼnogenoʼaeʼmo mago vekamoʼmo eno naha oʼmaeʼnifa muki vayaʼamo ago nataleʼa uʼnae. Inagi Gotiʼa hosu kavaʼapimo anonaʼapilefeʼmo oʼapamisiyafeʼmo nahauʼniye.


Apakaemo huʼapaeʼmo, agaemo emiʼnegauve, huno huʼniyana hemenimo haiyatega maiʼniye. Ma mopamo alo huʼniya afinatetiʼmo muki yaʼamo afaʼa haneme haneme eno haneʼnigeʼa afotimogi ageteʼa falitageno hemeniʼeʼmo magoke agufa yakeʼmo haneʼniye, huʼa hugae.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ