Apa 7:56 - The Keyagana NT and 25 OT books

⁵⁶ Agetenoʼaeʼmo, Ageyo, huno, Kokuʼnaʼmo halo aiʼnigeʼna ageʼnovana Vemo Mafaʼnemo Goti lamaga haopaleʼmo he tino maiʼnigeʼna ageʼnove, huno hapa paiʼniye.

Apa 7:56 ပူးပေါင်းရင်းမြစ်များ

Matiyu 25:31

Vemo mafaʼnemoʼa ha le konali yaʼamo aliteno enisole vayaʼaʼeʼmo emineno yagaino apatesiyafeʼmo kini siyateʼmo fai maigiye.

Matiyu 3:16

Yoniʼa Yesuʼmo aniʼmo faleno atetegenoʼaeʼmo Yesuʼa anipatiʼmo haineneʼegenoʼaeʼmo kokuʼnaʼmo aino akaka vaeʼnigeno ageyana Goti Aunemeʼamo kaugoʼyave namagana huno agaeteʼmo emineʼnigeno ageʼniye.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Maki 1:10

Yesuʼaanipatiʼmo eno haineno ageyana kokuʼnaʼmo halo aiʼnigeno Goti Aunemeʼamo kaugoyavegana huno agaetegamo emineʼnigeno ageʼniye.

Luki 3:21

Yoniʼa kalavusi osuʼnenoʼaeʼmo hogoteno muki vayaʼmo aniʼmo faleno apateteno Yesuʼeʼmo aniʼmo faleno ateʼnigeno Yesuʼa nunumuʼmo nehigenoʼaeʼmo kokuʼnaʼmo halo aiʼnigeno aote Aunemeʼamo agufaʼamo mago namamo kaugoʼyavegana huno agaetegamo emineʼniye. Kokuʼnapatiʼmo mago gemo ha painoʼaeʼmo, nahau nayamopafiʼmo neʼnahaiya mafaʼneʼnimo maiʼnanaʼmofeʼmo naipamoʼmo kanale huʼna nekatove, huno ha paiʼniye.

Yoni 1:51

alagi lama gemo kaha nepauve, huno, kagaemo ageganana kokuʼnaʼmo halo aisigeʼapaeʼmo Goti enisole vayaʼamogi Vemo mafaʼneletiʼmo uʼa haiteʼa emiʼeteʼa hisageka apakegane, huno ha paiʼniye.

Apa 10:11

Ageʼniyana kokuʼnaʼmo halo aiʼnigeno alopa latapa kenamo mopa afafaleʼmo emineʼniye. Loleʼe loleʼe atupaleʼmo nofi aeteno ataleʼnigeno emineʼniye.

Apa 10:16

Loleʼe magoʼe afinaʼmo ani kavaʼmo afole aiʼnigeno agetegenoʼaeʼmo kokuʼnapiʼmo alino vayu hulino uno haiʼniye.

Apa 7:57

Apakaemo alopa gefatiʼmo huteʼa apakesaleʼmo aliʼa akaniliʼa Sitivenitegamo nagu nagu huʼa uʼa

Leveleseni 11:19

Goti aote mono noʼamo kokuʼnapiʼmo haneʼniya noʼmo yakiʼnigeʼa ageʼnayana ani mono nopiʼmo kotalakemo yafateʼmo avoʼmo kae maleʼniya keʼaepa gemo kesifiʼmo haneʼnigeʼa ageʼnae. Hafosa lamiʼnigeno alino alave alave huteno hakalu hakalu huʼnigeno imimaʼmo aliʼnigeno lusi ko mopa koʼmo aiʼniye.

Leveleseni 19:11

Ageʼnovana kokuʼnaʼmo halo aiʼnigeno naulagaleʼmo yaveyave hosimo maiʼnigeno ani hosileʼmo fai maiʼniya vekamo agiʼamo aliʼyaʼmo alagi oʼataleno alige gemo oʼataleno huge nehiya vekamae. Mago alu agiʼamo alagi lama geʼageʼmo nehiya vekamae. Agaemo fatago kavaʼaletiʼmo vayaʼai kavaʼapimo alino fako huno apatege kame huno apatege nehiye.

Leveleseni 4:1

Ani gemo afiteʼna ageʼnovana kokuʼnapi kitamo naulagaleʼmo yaki maleʼnigeʼna ageʼnove. Hogoteʼna afiʼnovana pikuli huʼnageno age aigekana agufa gefatiʼmo naha painoʼaeʼmo, Manileʼmo haikeno. Henagaʼamo afole aisiya kavaʼmo aliʼna kaveliguve, huno naha paiʼniye.