Apa 7:52 - The Keyagana NT and 25 OT books

⁵² Lapakinago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼaifeʼmo muki vayaʼmogi apaini huʼa apateʼnae. Goti aliʼyaʼamo neʼaliya vayaʼmogi, Alagepa kavaʼageʼmo nehiya vekamo eminegaiye, huʼa huʼnageʼapaeʼmo lapakinago vayaʼmogi apamagiʼnageʼa ago faliʼnae. Hemenimo lapakaeʼeʼmo kutulu yaʼmo alitetapa ava gemo huʼnaya vekamo ago amagiʼnageno faliʼniye.

Apa 7:52 ပူးပေါင်းရင်းမြစ်များ

1 Kini 19:10

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege ofalinimo hisaya yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

1 Kini 19:14

Nagaemo Ala kava neʼmo asole vayaʼaiteʼmo yagaino neʼapateya Gotitefeʼmo naya mukiki huʼna aliʼyaʼamo neʼaluve. Isaleli vayaʼmogimo hu maleʼnana kotalakemo atalege yafa hiʼyalamukamo aliʼa naku paege kagaetegati gemo alini eʼa aeʼa hakalo nehaya vayaʼmo naipeletiʼmo kamitimo apaige huʼnageʼnaeʼmo nagaiʼnimo magokeʼageʼmo maiʼnogeʼapaeʼmo hemenimo nagaeʼeʼmo kamitimo namagisageʼna falisuvafeʼmo nehae, huno huʼniye.

2 Sitoli 36:15

Ala kava neʼmo apakinago vayaʼmogi Gotiʼapimoʼmo vayaʼaʼeʼmo maiʼniya mono noʼaeʼmo hauʼniyaʼmofeʼmo vayaʼmo gotilamiyapiʼmo he tiʼa aliʼyaʼmo neʼaliya kava huno Gotiʼa malage huno he tino apa vayaʼamo alino apateʼnigeʼa ute ute huʼa ehetapiye, huʼa hapa paiʼnae.

2 Sitoli 36:16

Hapa paiʼnayaʼmonanafa apa vayaʼaina huʼa apami maleteʼa kigi yokalo geʼmo huʼa apatege Goti geʼaeʼmo ina agufa gee huʼa huge Polofeti vayaʼaifeʼmo huʼa faipa huʼa apatege hume hume neʼagenoʼaeʼmo Ala kava neʼmoʼa vayaʼaeʼmo lusi kava huno aipamo leno neʼapateyanageno hapa maesiya yaʼmo alagi ohanegaiye.

Matiyu 5:12

Alopa miyatapimo kokuʼnapiʼmo lapateʼniya miyatapimo aligayaʼmofeʼmo lapaipafiʼmo alagepa huta lapamogaga aiyo. Apakaemo hogoteʼa ani agufa kavaʼmo huʼa maiʼnaya vayaʼmogimo Gotitegati gemo alini eʼa aeʼa hakalo huʼa hapa nepaiya vayaʼaifeʼmo apaini huʼa apateʼnayaʼmofeʼmo lapamogaga aiyo.

Luki 6:23

Ani agufa kavaʼmo lapakaetegamo hisaya afinaʼmo lapamogaga aitetapa lapavayagunagu nehutapaeʼmo aeta hailo hiyo kokuʼnapatiʼmo alopa miyatapimo aligae. Lapakaetegamo hisaya agufa kavaʼmo huʼa apakinago vayaʼmogi ani kavaʼmo huʼa Gotitegati gemo alini eʼa aeʼa hakalo huʼa hapa nepaiya vayaʼaitegamo huʼnayaʼmofeʼmo lapamogaga aiyo.

Yoni 16:10

Nagaemo Afoʼnimotega uʼna haisugetapaeʼmo alagi oʼnagegayaʼmofeʼmo fatago kavaʼnimo alino apave lisigeʼa agegae.

Apa 2:23

Hogoteno Gotiʼa agesa afitenoʼaeʼmo, ani kavaʼmo afaʼa afole aigiye, huno ge hu maleʼnenoʼaeʼmo ago alino lapayapiʼmo ateʼniye. Ateʼnigetapa avalelitutapa hosu vayaʼmo keʼaepa gemo akame nosaya vayaʼai apayapiʼmo ateʼnae. Lapakaemo ani vayaʼai apayapatiʼmo Yesuʼmo malipu yosaleʼmo nili aitetapa alita he tita atetetapa kamitimo amagiʼnae.

Apa 22:14

Agaemo hunoʼaeʼmo, Laginago vayaʼai Gotiʼapimoʼa lekana paino kateʼniye. Gotiʼa hogoteno hunoʼaeʼmo, ani kavaʼmo huguve, huno agesamo afiʼniya kavafeʼmo ava gemo afiteka alagepa kavaʼmo nehiya vekamo ageteka agaiʼa avayafatiʼmo huʼniya gemo afisanafeʼmo lekana paino kateʼniye.

Apa 3:18

Amagiʼnayaʼmonanafa Gotiʼa akeyaʼvilaga agaetegati gemo alini eʼa aeʼa hakalo huʼa hapa nepaiya vayaʼmo muki agaiʼa vayaʼai apavayafatiʼmo hunoʼaeʼmo, Kalaisi vekamo agafu kisigeno faligiye, huno huʼniya gemo hemenimo ago afole aiʼniye.

Apa 3:24

He, muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Samiyoʼe Samiyo akamelegatiʼmo eʼnaya vayaʼmogiʼeʼmo hemenimo afole aiʼniya kavafeʼmo hogoteʼa ava gemo huʼa hapa paiʼnae.

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

1 Tesaloniyani 2:15

Yu vayaʼmogimo akeyaʼvilagamo Gotitegati gemo alini eʼa aeʼa hakalo huʼa hapa nepaiya vayaʼapimo kamitimo apamagige Ala kava neʼmo Yesuʼa kamitimo amagige huteʼapaeʼmo hemenimo lagaefeʼmo apaini huʼa nelatae. Apakaemo Gotiʼa alagi ohauʼniya agufa kavaʼmo nehuʼapaeʼmo muki vayaʼaifeʼmo kame huʼa neʼapatae.

2 Timoti 3:4

Apakaemo kutulu yaʼmo nege apakesamo oʼafiʼneʼa malage huʼa hosu kavaʼmo huge ala vayaʼmo maiʼnone, huʼa himuʼnamu gemo huge huteʼa Gotifeʼmo ohapauʼnisigeʼa apakufamoʼmo hauʼniya kavafekeʼmo apamogaga aigae.

1 Pita 1:11

Kalaisi Aunemeʼamo apaipafiʼmo maiʼniya Aunemeʼamoʼmo hogoteno hunoʼaeʼmo, Kalaisiʼa kana yaʼmo alitenoʼaeʼmo ala agiʼe ha le konali yaʼeʼmo aligiye, huno hapa paiʼnigeʼapaeʼmo, hainu afinaʼmo afole aisifi, huʼa huge haiya katetiʼmo afole aisifi, huʼa huge huteʼapaeʼmo agesayafeʼmo kahauya huʼnae.

1 Yoni 2:1

Aise mafaʼneʼnimogitapae, huʼna, lapakaemo hosu kavaʼmo osisayafeʼmo mani gemo lapakaefeʼmo avoʼmo nekaove. Mago vekamoʼmo hosu kavaʼmo hisiyaʼmoʼmo laha maeno muki yaʼmo Afoʼamofeʼmo ge huno nelateya vekamo maiʼniye. Ani vekamo Yesu Kalaisiʼa fatago vekamo maiʼniye.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.

Leveleseni 3:7

Kagaemo Filatefiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Nagaemo naote vekamo lama geʼageʼmo nehuva vekamoʼnamo Neviniʼa yagaino neʼapateya kava huʼna yagaiʼna apatesuva kiʼmo aliʼnova vekamoʼnamo mani gemo lapa nepauve. Kitamo yakiʼna apateʼnisugeʼapaeʼmo mago vayaʼmogi eʼa kitamo kiʼa oʼapategae. Kitamo ki maleʼnisugeʼapaeʼmo mago vayaʼmogi eʼa kitamo yakiʼa oʼapategae.