Apa 7:50 - The Keyagana NT and 25 OT books

⁵⁰ Nagaiʼnigeʼmo muki yaʼamo alo huʼnove, huno huʼniye, huno avoʼmo kae maleʼniye.

Apa 7:50 ပူးပေါင်းရင်းမြစ်များ

Hatu maeno apate'niya gemae 20:11

Ala kava neʼmoʼa sigisiʼa afinaʼmo kokuʼnanagi mopagi solovala aninagi muki alu ya alu yaʼmo haneʼniya yanagi huno alo huno hano huteno seveni afinaʼmo maino haga leʼniyaʼmofeʼmo Ala kava neʼmoʼa Sapati afinaʼmo alagepa huno aoteʼmo haneno, huno hu maleʼniye.

Aiyeya 40:28

Lapakaemo afiʼnafi oʼafiʼnae. Mago vayaʼmogimo lapa paiʼnagetapa oʼafiʼnafiye. Ala kava neʼmo maige maige huno neʼmaiya Gotiʼa muki ma mopamo aluga aluga atupalenagi huno alo huʼniya Gotiʼa aunena oʼaige alaga ohaege huʼnigeno neʼmaiye.

Aiyeya 45:12

Nagaekeʼmo ma mopamo alo huteʼna ani mopaleʼmo maisaya vayaʼeʼmo alo huʼna apateʼnove. Nagaemo nayatetiʼmo kokuʼnaʼmo aliʼna api aiʼna aliʼna yatala huteʼna kokuʼnate yaʼmo yegelenagi kailenagi kanefi anagatenagi huʼna yagaiʼna apateʼnove.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Apa 14:15

Alopa gefatiʼmo huʼanaeʼmo, Na kava higetapa ani agufa kavaʼmo hugefe nehae. Laʼagaemo lapakaekana hutaʼa vayalafatalaʼmo maiʼnoʼae. Laʼagaemo lapa paitaʼaeʼmo, Ani agufa kavaʼmo ina agufa kavaʼmo haneʼniyanageno lapa oʼmaegaiyanagi ataletapa Gotiʼa afaʼa maiʼniya vekamoʼmo kokuʼnanagi ma mopagi solovala aninagi muki ma mopafiʼmo haneʼniya yanagi kokuʼnate haneʼniya yanagi huno alo huʼniya Gotitegamo viyo, hutaʼa lapa paitetaʼa alagepa faigoko gemo aetaʼa hakalo hutaʼa lapa nepauʼae.

Apa 17:24

Gotiʼa ma mopaʼe muki ma mopafi haneʼniya yaʼeʼmo alo huteno kokuʼnate haneʼniya yateʼe ma mopafi haneʼniya yateʼeʼmo neʼyagaiye. Vayaʼmogi muki ki maleʼnaya mono nopiʼmo noʼmaiye.