Apa 7:38 - The Keyagana NT and 25 OT books

³⁸ Ani vekamo Moseseʼa Isaleli vayaʼeʼmo kaʼme kotega aliʼa anupa huʼa maiʼnae. Moseseʼa Sainai avefiʼmo uno haino maiʼnigeno mago enisole vekamoʼmo apauneʼapameʼmo neʼapamiya gemo ha paiʼnigeno afiteno emineno laginago vayaʼaifeʼmo hapa paiʼnigeʼa lagaefeʼmo laha paiʼnae.

Apa 7:38 ပူးပေါင်းရင်းမြစ်များ

Aiyeya 63:9

Apakaemo muki kana yaʼmo aliʼnagenoʼaeʼmo ani kana yaʼmo aipafiʼmo asagauno aiʼnigeno agaeʼeʼmo aliʼniye. Goti aulagaleʼmo maiʼniya enisole vekamoʼmo apakufamo alino katino apateʼniye. Hau ayamopafiʼmo hauʼnigeno hau huno apateteno miya faino hatu maeno apateʼniye. Akeyaʼvilagamo muki afinaʼae afinaʼaeʼmo apasagauno apavalelino uʼniye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 6:63

Nauneʼnameʼmoʼa afaʼa maisaya yaʼmo neʼapamiye. Nagufafati nameʼamoʼmo lapa oʼmaegaiye. Lapa nepauva gefiʼmo aunemeʼamo haneʼniyanageno afaʼa maisaya yaʼmo neʼapamiya gemo haneʼniye.

Apa 7:30

Fotiʼa kafugamo utegeno Moseseʼa mago avemo agiʼamo Sainai avefiʼmo kaʼme kotega maiʼnigeno aise yosafatiʼmo atamo nelegenoʼaeʼmo Ala kava neʼmo enisole vekamo ani ata vaipiʼmo afole aiʼniye.

Apa 7:35

Ani gemo ha paiʼniyaʼmonanafa Isaleli vayaʼmogimo Mosesefeʼmo huʼapaeʼmo, Ina laʼmo lagaeteʼmo yagaika lateʼneka agoti getimo afiteka alika fako huka latesana vekamo maigane, huno lekana paino kateʼniye, huʼa ha paiteʼa huʼniya geeʼmo ohapauʼniye. Huʼnayaʼmonanafa Gotiʼa ata vaipatiʼmo enisole vekamo avayafatiʼmo hunoʼaeʼmo, yagaika apateteka hapau vaisana vekamae, huno lekana paino ateʼniye.

Apa 7:53

Enisole vayaʼmogimo Goti keʼaepa geʼamo alini emiʼeʼa lapamiʼnayana akame osuʼnae, huno hapa paiʼniye.

Lomu 3:2

Muki kavatefeʼmo hapa maesiya yaʼmo ago aliʼnae. Hogote yaʼmo hapa maesiya yaʼmo haneʼniyana Gotiʼa geʼaleʼmo yagaiʼa atesayafeʼmo geʼamo ago apamiʼniye.

Lomu 9:4

Apakaemo Goti vayaʼamo Isaleli nofi vayaʼmo maiʼnagenoʼaeʼmo, mafaʼneʼnimo maiʼnae, huno huteno agaiʼamo ha le konali vekamoʼmo apakaeʼeʼmo magokepi lokaeno maiʼniye. Gotiʼa apakaefeʼmo kotalakeʼamo hapa paime hapa paime ege keʼaepa geʼamo apamige mono kavaʼmo alino apave lige lapa maegauve, huno hapa paiʼniya polomasi geʼamo hapa paige huno maiʼniye.

Galesiya 3:19

Gotiʼa mani keʼaepa geʼamoʼmo na agufa aliʼyaʼmo alisiyafeʼmo apamiʼniye. Gotiʼa keʼaepa geʼaletiʼmo kaʼmo akani maleʼnisigeʼa Yu vayaʼmogimo hosu kavaʼmo osisayafeʼmo polomasi geʼeʼmo alino magokepi lokaeno maleʼniye. Keʼaepa geʼamo haneme haneme neʼesigeno Emalehamu aginago vekamo emiʼnegaiye, huno agesamo afiʼniye. Gotiʼa ani aginago vekaeʼmo, fikumo kaha maeʼna kamiguve, huno polomasi gemo huno ha paiʼniye. Goti keʼaepa geʼamo enisole vayaʼai apavayafatiʼmo Moseseʼa folagapi vekaeʼmo ha paiʼnageno Yu vayaʼaifeʼmo hapa paiʼniye.

Himulu 2:2

Gotiʼa enisole vayaʼai apavayafatiʼmo laginago vayaʼaifeʼmo huno hapa paiʼniye. Ani gemo asagauno oʼaino lokiya vaino haneʼnigeʼapaeʼmo muki vayaʼmogi akame osuʼa ago amagiʼa ataleʼnaya vayaʼai anonaʼapileʼmo alagepa huno alino fako huno apateteno kayoʼmo apamiʼniye.

Himulu 4:12

Goti geʼamo aunemeʼe gemo haneʼneno himamuʼaletiʼmo aliʼyaʼmo neʼaliye. Ani gemoʼa aluga alugaʼamo aveʼmo neʼneya naipemo ago aeno agaseno aveʼmo lusi kava huno neʼne. Agaemo geʼaletiʼmo apagupi mafaʼnefinagi apauneʼapamepinagi apayamufafinagi apatupinagi huno aeteno alino fako nehiye.

Himulu 5:12

Yatala afinaʼmo Goti geʼamo ago afiʼnayaʼmofeʼmo aliʼa apaya neʼmalaya vayaʼmo maisaya yaʼmo haneʼniyaʼmonanafa Gotiʼa geʼamo aepa faiʼniya gemo magoʼe huʼa aliʼa lapaya malesaya kavaʼmo haneʼniye. Lapakaemo lokiya neʼyaʼmo afaʼa oʼnetapa nuʼageʼmo nesaya agufa kavaʼmo haneʼniye.

1 Pita 4:11

Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.