Apa 7:2 - The Keyagana NT and 25 OT books

² Sitiveniʼa hunoʼaeʼmo, Naganaʼnimogitapaʼe afoʼnimogitapaʼeʼmo afiyo, huno, Akeyaʼvilaga laginago vekamo Emalehamuʼa Mesopotemiya kotegamo maiʼnenoʼaeʼmo Helani kotegamo oʼuʼnigenoʼaeʼmo aulagaleʼmo ha le konali yaʼaʼe vekamo Gotiʼa afole aitenoʼaeʼmo,

Apa 7:2 ပူးပေါင်းရင်းမြစ်များ

Aepa Gemae 11:31

Telaʼmo ve mafaʼneʼamo Emalemiʼagi agiyoʼamoʼmo Lotiʼagi Emalemi aʼmo anofeloʼamoʼmo Selaʼagi huno A taonimo Kalatiya kotegatiʼmo ataleʼa Kenani kotegamo visayafeʼmo apavalelino uʼniye. Apakaemo Halani taonifiʼmo uʼa avaʼyi huteʼa ani taonifiʼmo maiʼnae.

Aepa Gemae 12:1

Ala kava neʼmoʼa Emalemifeʼmo ina ge huno ha paiʼniye. Kagaemo kokamo atalege konagakamogimo apatalege muki vayakamo apatalege huteka nagaemo aliʼna kave lisuva mopaleʼmo uvo.

Aepa Gemae 12:5

Emalemi aʼamo Selaiʼagi aganaʼamo mafaʼnemo Lotiʼagi muki aliʼniya kagemiyaʼaʼeʼmo aliteno apavalelino uʼniye. Muki aliʼyaʼamo neʼaliya vayaʼeʼmo apavaleʼnigeʼa muki yaʼapimo aliteʼa Halani taonifatiʼmo Kenani kotegamo uʼnae.

Aepa Gemae 15:7

Gotiʼa ha painoʼaeʼmo, Nagaemo Ala kava neʼmoʼnamo A taonimo Kalatiya kotegatiʼmo mani mopamo fikumo kamisuvafeʼmo kavaleliʼna eʼnove, huno ha paiʼnigeno

Aepa Gemae 29:4

Inagi Yekopuʼa hunoʼaeʼmo, Nao vayane, huno, Lapakaemo haiya kotega vayane, huno ge huno apafi geʼnigeʼapaeʼmo, Lagaemo Halani taonifi vayaʼmo maiʼnone, huʼa ha paiʼnae.

Samu 24:10

Ani ha le konali kini vekamo ina laʼae. Asole ami vayaʼaiteʼmo yagaino neʼapateya kini vekamo ha le konali kini vekamo maiʼniye.

Samu 24:7

Yafa lafi kegiʼya kate kitamo yakitapa ateyo. Hanege hanege huno nehaneya mono note kitamo yakitapa ateyo. Yakitapa atesagenoʼaeʼmo ha le konali kini vekamo eno haineno.

Samu 29:3

Ala kava neʼmoʼa ge nehigenoʼaeʼmo agemoʼmo solovala aniʼmo agotofuleʼmo aino atagu nefae. Ha le konali Goti agemoʼmo hakalu hakalu huge muki solovala haopalegamo hakalu hakalu huge nehiye.

Aiyeya 51:2

Lapakaemo afotapimo Emalehamuʼe alino lapateʼniya a kanomo Selaʼefeʼmo lapakesamo afiyo. Nagaemo Emalehamuʼamo lekana paiʼna ateteʼna agaefekeʼmo keya aeʼna ge huteʼna huʼna auleʼna ateteʼnaeʼmo asole kaginago vayaʼmo maigae, huʼna ha paiʼnogeʼa afole aiʼnae.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Matiyu 6:13

Lamalageka hisiya kavategamo lavalelikuka olateka hosu kavategatiʼmo alika atagineka lategeta eno. Kagaika himamukaletiʼe ha le konali yakaletiʼeʼmo yagaika neʼapatane. He, lama ge.

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Yoni 1:14

Ani vekamo agiʼamo Goti Geʼamoʼmo emineno agufamo aliteno nata neno emineno lagaeʼeʼmo magokepi lokaeno maiʼniye. Lagaeʼeʼmo lokaeno maiʼnigeta ageʼnonana ha le konali yaʼamo Afoʼamoʼmo aiya magoke mafaʼneʼamo aeto agufa kumani mafaʼneʼamo ha le konali yaʼamoʼa aeno ha leʼnigeta ageʼnone. Fiku laha maeno lamisiya kavaʼaʼe lama geʼaʼeʼmo aipafiʼmo havai teʼnigeno aeno ha leʼnigeta ageʼnone.

Yoni 12:41

Aiyeyaʼa Yesu ha le konali yaʼamo ageʼniyaʼmofeʼmo ani agufa gemo huno ava gemo huʼniye.

Apa 22:1

Poloʼa hunoʼaeʼmo, Nafaluʼnimogitapaʼe afoʼnimogitapaʼeʼmo geʼnimo afiyo. Nagaefeʼmo huʼapaeʼmo, ani kava nehiye ina kava nehiye huʼa nehaya gelefeʼmo mago gemo hugesuve, huno hapa paiʼniye.

Apa 23:7

Falasi vayaʼe Satiyusi vayaʼmogiʼeʼmo ani gemo afiteʼapaeʼmo aliʼa fako huʼa ge vaiʼnae.

Apa 7:1

Hogote vekamo mono huʼa neʼapataya vayaʼaiteʼmo yagaino neʼapateya vekamoʼmo Sitivenifeʼmo loka hunoʼaeʼmo, Kagaefeʼmo ina hosu gemo nehiye, huʼa huʼnaya gemo lama gemo nehafiye, huno ge huno afi geʼnigenoʼaeʼmo

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

Efasasi 1:17

Nagaemo Ala kava netimo Yesu Kalaisi Gotiʼamo ha le konali yaʼaʼe vekaeʼmo nunumuʼmo huʼnaeʼmo, Kaunekameʼmo apamigeʼapao alagepa apaipa apakesamo aliʼneʼa kageʼa alagepa huteʼa apakesamo afiʼa fatago hiyo.

Taitasi 2:13

Ani kavaʼmo nehutaeʼmo ala vekamo Gotitimoʼmo lagufamo alino katino nelateya vekamo Yesu Kalaisiʼa ha le konali yaʼaʼeʼmo alino auleno atesiya afinaʼmo afole aisiyafeʼmo lamogaga aita agava neʼmaune.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.

Himulu 11:8

Gotiʼa Emalehamuʼmo amiʼniya kotegamo visiyafeʼmo keya aeno ge huʼnigeno Emalehamuʼa agesamo afino fatago huʼniya kavatetiʼmo ani gemo afiteno koʼamo ago ataleno oʼageʼniya kotegamo uʼniye.

Yemisi 2:1

Konagaʼnimogitapae, huʼna, lapakaemo Ala kava netimo Yesu Kalaisiʼa ha le konali agi vekaeʼmo lapakesamo afita fatago nehutapaeʼmo ala apaki vayaʼaitegaʼe aise apaki vayaʼaitegaʼeʼmo magoke aiyaya kavaʼmo hiyo.

Yasuva 24:2

Yasuvaʼa muki vayaʼaifeʼmo ina gemo huno hapa painoʼaeʼmo, Ala kava neʼmo Isaleli vayaʼmogi Gotiʼapimoʼmo hunoʼaeʼmo, Akeyaʼvilagamo lapakinago vayaʼmo Yufaletisi aniʼmo mugagayaga faligamo maiʼneʼapaeʼmo alu gotigitefeʼmo monoʼmo huʼnae. Ina kava huno Tilaʼmo Emalehamuʼe Nehaʼeʼmo afoʼanimoʼmo maiʼniye.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.