Apa 6:9 - The Keyagana NT and 25 OT books9 Mago vayaʼmo Yu vayaʼai mono nopiʼmo aliʼa anupa huʼa maiʼnae. Ani mono noʼmo agiʼamo vayaʼmo kalavusi aliʼyaʼmo neʼaligeʼapaeʼmo hatu maeʼa apateʼnageʼa afaʼa uʼnaya vayaʼai mono none, huʼa agi ateʼnae. Ani vayaʼmo Yu vayapatiʼmo Sailini kotega vayaʼe Alekasani kotega vayaʼeʼmo maiʼnae. Apakaegi Silisiya kotega vayanagi Esiya kotega vayanagi huʼa Sitiveniʼa huʼniya geletiʼmo he tiʼa ge vaiʼnae. အခန်းကိုကြည့်ပါ။ |
Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.
Ani kavaʼmo afole oʼaiʼnisigeʼapaeʼmo hogoteʼa apaini huʼa lapatege kalavusi huʼa lapatege mono nokopiʼmo agoti huʼa lapateteʼa kalavusi huʼa lapatege hugae. Apakaemo nagiʼnilefeʼmo lapavaleli eʼa alaʼapimo yagaiʼa neʼapataya vayaʼaitegaʼe gamani vayaʼaitegaʼeʼmo aliʼa he tiʼa lapatesagetapaeʼmo nagae nava gemo huta faigoko geʼnimo hapa paigae.
Atiyoki kotega siosileʼmo mago Gotitegati gemo alini eʼa aeʼa hakalo huʼa hapa nepaiya vayaʼe aliʼa apaya neʼmalaya vayaʼeʼmo maiʼnae. Ani vayaʼai apakiʼapimo Manamasiʼagi anupa vekae huʼa agi neʼaya vekamo Simiyoniʼagi Sailini kotega vekamo Lusiʼagi Maneyeniʼagi Soloʼagi huʼa maiʼnae. Maneyeni afaluʼamoʼmo Helotiʼa vayaʼaleʼmo yagaino neʼapateya vekamae.
Lapakaemo Poloʼa nehiya kavaʼmo agetetapa agae kavafeʼmo ava gemo ago afiʼnae. Agaemo mani Efasasi taonifiʼmo maiʼnaya vayaʼageʼmo alino aino atagineno noʼapatefa muki Esiya kotega maiʼnaya vayaʼeʼmo alino aino atagineno apatetenoʼaeʼmo, Vayaʼmogi apayatetiʼmo alo nehaya yaʼmo gotiʼapimogi oʼmaiʼnae, huno hapa paiteno apakesa magoʼe huno alino hapa nepaiye.
Poloʼa hunoʼaeʼmo, Yu vekamo maiʼneʼna Silisiya kotega taonimo agiʼamo Tasasi taonifiʼmo itaʼnimoʼmo alino natetegeʼnaeʼmo eʼna mani Yulusalemu taonifiʼmo ko siteʼna maiʼnove. Maiʼnogeno Gameliyeloʼa muki laginago vayaʼai keʼaepa gemo alino naya maleʼnigeʼna alagepa huʼna afiʼnove. Lapakaemo hemenimo nehaya agufa kavaʼmo huʼna Goti kateʼmo nayamukiki huʼna uʼnove.
Alopa mono nopiʼmo uʼna haiʼna mono kavaʼmo huʼna nagufamo aliʼna alagepa huʼna ateteʼna mono kavaʼmo huʼnogeʼa nageʼnae. Ani afinaʼmo nagaeʼeʼmo asole vayaʼmo magokepi lokaeʼa oʼmaige apano oʼaege huʼnageta afaʼa maiʼnone. Mono nopiʼmo maiʼnogeʼapaeʼmo mago Yu vayaʼmo Esiya kotegatiʼmo eʼnaya vayaʼmogimo nageʼnae.
Hu maleʼniyaʼmofeʼmo afiteʼa ageʼnaya vayaʼmo hemenimo haiyatega maiʼnae. Avoʼmo kae maleʼnaya gemo afiteʼa ageʼnaya vayaʼmo hemenimo haiyatega maiʼnae. Vayaʼmogi geʼapileʼmo ge huʼa aeʼa ati nekaya vayaʼmo hemenimo haiyatega maiʼnae. Gotiʼa ma mopafi vayaʼmogi afiteʼa ageʼnaya kavaʼmo alino lave linoʼaeʼmo negi nagi kavaʼmo haneʼniye, huno ago alino lave liʼniye.