Apa 6:4 - The Keyagana NT and 25 OT books

⁴ Lagaemo magoke aliʼyaʼageke alita maiʼnetaeʼmo muki afinaʼmo nunumuʼmo huge Goti gemo aeta hakalo huta hapa paige huta maigune, huʼa hapa paiʼnae.

Apa 6:4 ပူးပေါင်းရင်းမြစ်များ

Luki 1:23

Henagaʼamo mono nopiʼmo aliʼyaʼmo alino hano huteno noʼalegamo uʼniye.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Apa 2:42

Apa vayaʼmogimo Goti geʼamo alagepa huʼa aliʼa apaya maleʼnageʼa afige apakaeʼeʼmo afalu afalu kavaʼmo huʼa alagepa huʼa magokepi lokaeʼa maige Ala kava neʼmo kaveʼmo nege nunumuʼmo huge huteʼapaeʼmo atafauʼa alagi huʼa maiʼnae.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

1 Kolitiyani 9:16

Alagepa faigoko geʼamo aeʼna hakalo huʼna hapa nepauvaʼmofeʼmo amuse hisuva kavaʼmo afaʼa ohaneʼniye. Alagepa faigoko geʼamo aeʼna hakalo huʼna hapa paisuvafeʼmo Gotiʼa kalavusi huno nateʼniyaʼmofeʼmo alu katetiʼmo afaʼa faiʼna kasalo paeʼna visuva kaʼmo alagi ohaneʼniye. Vaehae, huʼna, alagepa faigoko geʼamo aeʼna hakalo huʼna hapa opaisuvana nagaetegamo hosu kavaʼmo afole aisigeʼna alagepa huʼna oʼmaiguve.

Filipai 1:4

Lapakaemo hogote afinatetiʼmo Kalaisifeʼmo alagepa faigoko gemo aino atagu faesiyafeʼmo nagaeʼeʼmo afalu afalugana huta lokaeta maiʼnonaʼmofeʼmo muki afinaʼmo nunumuʼmo huʼna nelapateʼnaeʼmo namogaga neʼauve.

Kolosi 2:1

Nagaemo lapakaeʼe Leyotisiya taonifiʼmo maiʼnaya vayaʼe oʼnageʼnaya vayaʼefeʼmo naipafiʼmo nahausoli huʼneʼna nayamukiki huʼna aliʼyaʼmo neʼaluva aliʼyafeʼmo nava gemo afisayafeʼmo nahauʼniye.

Kolosi 4:12

Epafalasiʼa lapakaepati vekamoʼmo Kalaisi aliʼyaʼmo neʼaliya vekamoʼmo ge lapamamaeʼniye. Lapakaemo alopa Kalisitini vayaʼmo hamaletetapa oʼataleta lokiya vaita maiʼnetapa Gotiʼa hauʼniya kavaʼmo agetetapa akame hisayafeʼmo lusi kava huno nunumuʼmo huno nelapate.

Kolosi 4:17

Lapakaemo Akipasifeʼmo Ala kava neʼmoʼa kamiʼniya aliʼyakamo alika hano huvo, hutapa ha paiyo.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.