Apa 6:3 - The Keyagana NT and 25 OT books

³ Vayatimogitapae, huʼa, Lapakaitapigeʼmo lapakaepati mago seveniʼa vayaʼmo lekana paitapa apateyo. Kanale vayaʼmo Goti Aunemeʼamoʼmo apaipafiʼmo havai teʼnisiya vayaʼmogi alagepa huʼa apakesa neʼafiya vayaʼmo lekana paita apateteta aliʼa fako huʼa apamisaya aliʼyaʼmo apamigune.

Apa 6:3 ပူးပေါင်းရင်းမြစ်များ

Hatu maeno apate'niya gemae 18:21

Kagaemo muki vayapatiʼmo alagepa huʼa aliʼyaʼmo alisaya vayaʼmo maige Gotifeʼmo koli huge lama gemo huge hapaʼye osuge huʼa maiʼnisaya vayaʼmo lekana paika apato. Magoʼamogimo vani tauseniʼa vayaʼaiteʼmo yagaiʼa apatege magoʼamogimo vani hataletiʼa vayaʼaiteʼmo yagaiʼa apatege magoʼamogimo fifitiʼa vayaʼaiteʼmo yagaiʼa apatege magoʼamogimo teniʼa vayaʼaiteʼmo yagaiʼa apatege hugae.

Matiyu 23:8

Nehapaiyaʼmonanafa lapakaefeʼmo, ala tisa nene, huʼa lapaki aesaya agufa kavatapimo ohaneʼniye. Ala tisa netapimo magoke vekatapimo maiʼnigetapaeʼmo lapakaemo magoke aiyaya konaga vayaʼmo maiʼnayaʼmofeʼmae.

Yoni 21:23

Yesuʼa ani gemo huʼniyaʼmofeʼmo ani konaga vayaʼmogi apakaiʼapimo ge huʼapaeʼmo, ani vekamo ofalisiyafeʼmo huʼniye, huʼa huʼnae. Huʼnayaʼmonanafa Yesuʼa hunoʼaeʼmo, ofaligiye, huno osuʼnifa afaʼa maiʼnisigeʼna emiʼnegauve, huʼna hisuvana kagae yaʼmo ohaneʼniye, huno huʼniye.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 1:21

Avoʼmo kae maleʼniyaʼmofeʼmo lagaepatiʼmo mago vekamoʼmo Yesuʼa faliʼniyatetiʼmo he tiʼniya kavafeʼmo faigoko geʼamo huno aeno hakalo huno hapa paisiyafeʼmo lekana paita ategaune. Yoniʼa aniʼmo faleno apateʼniya afinatetiʼmo maime maime eno Yesuʼa kokuʼnapiʼmo avalelino uno haiʼniya afinaʼmo maiʼniya vekamo Yesuʼe lagaeʼeʼmo magokepi lokaeno umenitata huno maiʼniya vekamo lekana paita ategaune, huno hapa paiʼniye.

Apa 10:22

Ami ati vayaʼaiteʼmo yagaino neʼapateya vekamo agiʼamo Koniliyasiʼa kagaetegamo alino lateʼnigeta neʼone. Agaemo kanale vekamo Gotifeʼmo mono nehiya vekamo maiʼniye. Muki Yu vayaʼmogimo huʼapaeʼmo, kanale vekae, huʼa nehaya vekamo maiʼnigeno Goti enisole vekaʼamoʼmo agaefeʼmo hunoʼaeʼmo, Pitafeʼmo ge hugenoʼao eno kaha paisigeka geʼamo afigane, huno ha paiʼniye, huʼa ha paiʼnagenoʼaeʼmo,

Apa 15:23

Ani gemo avoʼmo kaeʼapaeʼmo, Konagatimogitapae, huta, Alu nofi vayane. Atiyoki taonifiʼmo maiʼnaya vayaʼe Silisiya kotegamo maiʼnaya vayaʼmogitapaʼeʼmo ge lapamamaeʼnone. Lagaemo konagatapimogitamo apa vayaʼmogitaʼe yagaita neʼapatona vayatama vayaʼmogitaʼeʼmo avoʼmo kaeʼnone.

Apa 16:2

Lisitiya taonifi konaga vayaʼe Aikoniyamu taonifi konaga vayaʼmogiʼeʼmo huʼapaeʼmo, kanale vekamo maiʼniye, huʼa huʼnae.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 22:12

Mago vekamo agiʼamo Ananayasiʼa mono vekamo lagae keʼaepa gemo akame nehiya vekamo maiʼnigeʼa muki Namasakasi taonifiʼmo maiʼnaya Yu vayaʼmogi agiʼaleʼmo aliʼa asaga huʼa ateʼnae.

Apa 28:14

Ani taonifiʼmo maiʼnaya konagatimogimo lagaefeʼmo huʼapaeʼmo, lagaeʼeʼmo maiyo, huʼa huʼnageta magoke salemo apakaeʼeʼmo maiteta apataleta Lomu taonifiʼmo visunafeʼmo uʼnone.

Apa 6:2

Inagi tuolofuʼa apa vayaʼmogi muki geʼamo neʼafiya vayaʼaifeʼmo ge huʼnageʼa eʼnageʼapaeʼmo, Lagaemo fiku Goti geʼamo aeta hakalo huta hapa nepauna aliʼyatimo ataleta monimo alita fako huta apamisunana kanale osugiye.

Apa 6:5

Hapa paiʼnageʼapaeʼmo muki vayaʼmogimo amuse huteʼapaeʼmo, kanalene, huʼa huteʼa Sitiveniʼa Gotifeʼmo alagepa huno agesamo afino fatago huʼnigeno Goti Aunemeʼamoʼmo aipafiʼmo havai teʼniya vekagi Filipiʼagi Polokolasiʼagi Naikenaʼagi Taimoniʼagi Pamenasiʼagi Nikolasiʼagi huʼa lekana paiʼa apateʼnae. Nikolasiʼa Atiyoki kotega vekamo Yu vayapati vekamo oʼmaiʼniyaʼmonanafa Yu mono gemo afiteno Yu vayapiʼmo eno maiʼniya vekamae.

Apa 6:6

Apakaemo apavaleliʼeʼa apa vayaʼai apaulagaleʼmo he tiʼnageʼa apakufaleʼmo apayaʼmo maleʼneʼa nunumuʼmo huʼa apateʼnae.

Apa 9:30

Konagaʼamogi ani gemo afiteʼapaeʼmo Sisaliya kotegatiʼmo avaleli uʼa Tasasi kotegamo aliʼa ateʼnageno uʼniye.

1 Kolitiyani 12:8

Goti Aunemeʼamoʼmo mago vayaʼamogimo alagepa faigoko geʼamo aeʼa hakalo huʼa hapa paisayafeʼmo lokiyaʼamo apamige mago vayaʼamogimo alagepa geʼamo aliʼa apaya malesayafeʼmo lokiyaʼamo apamige nehiye.

1 Kolitiyani 16:3

Nagaemo lapakaetegamo uʼna avaʼyi huteʼnaeʼmo lekana paitapa apateʼnisaya vayaʼmo avoʼmo kaeʼna apamiteʼna aliʼna apatesugeʼa ofalini monimo aliniʼa Yulusalemu taonifiʼmo ugae.

Efasasi 5:18

Lusi aniʼmo netetapa negi nagi gemo osigenoʼao lapakufamo alino hosu huno olapateno. Osutapa Goti Aunemeʼamoʼmo lapaipafiʼmo havai teno.

1 Timoti 5:10

Apakaefeʼmo, alagepa kavaʼmo nehae, huʼa hisageʼa maiʼneʼa mafaʼneʼapileʼmo yagaiʼa apatege nata vayaʼaiteʼmo yagaiʼa apatege apaote vayaʼai apaiyamo sese huʼa apatege kana yaʼmo aliʼnisaya vayaʼmo hapa maege muki alagepa kavatefeʼmo apayamukiki huge nehisaya kogu aʼne anagaʼmogi apakiʼapimo avoʼmo kaeyo, Siosi vayaʼmogi yagaiʼa apategaiyanagi.

Yemisi 1:17

Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

3 Yoni 1:12

Muki vayaʼmogimo Nemitiliyasi agiʼaleʼmo aliʼa asaga huʼa neʼatae. Goti lama geʼaeʼmo ani kavaʼmo huno agiʼaleʼmo alino asaga huno neʼate. Lagaeʼeʼmo ageteta ha maeta faigoko gemo nehune. Kagaemo faigoko getieʼmo lama gemo nehae, huka afiʼnane.