Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 6:1 - The Keyagana NT and 25 OT books

1 Yesu geʼamo neʼafiya vayaʼmo magoʼe huʼa asole vayaʼmo afole aiʼnageʼapaeʼmo Galiki apakemo neʼaiya Yu vayaʼmogimo Himulu apakemo neʼaiya Yu vayaʼaifeʼmo huʼapaeʼmo, Kogu aʼnetimo muki afinaʼae afinaʼaeʼmo aliʼa fako huʼa neʼapamiya monifatiʼmo noʼapamiye, huʼa ge hapauʼnae.

အခန်းကိုကြည့်ပါ။ ကော်ပီ




Apa 6:1
38 ပူးပေါင်းရင်းမြစ်များ  

Himamukaletiʼmo aliʼyaʼmo alisana afinaʼmo vayakamogimo apaipamo kaliteʼa apakufamo kamiteʼa apaote konali kukenamo aliʼa vaiteʼa kakame hugae. Aʼnemogimo mafaʼnemo apaipafatiʼmo aliʼa neʼapataya kava huno netepiʼmo laoʼyaʼmo nelamiye. Ani kava huno Gotiʼa neya vayakamo alino apatesigeʼa laoʼyakana huʼa afole aiteʼa kagaetegamo ugae.


Avina yaʼmo apayapiʼmo neʼaliya agufa kava huno ma mopafiʼmo mago anaga aveleʼmo hakalegaiye. Hagetenoʼaeʼmo asole neʼyaʼmo aesigenoʼaeʼmo Lemani avefatiʼmo alopa yosamoʼmo uti uti neʼaiya agufa kavaʼmo hugiye. Asole kahaumo alagepa huno nelagiya kava huʼa taonifiʼmo maiʼnaya vayaʼmo lusi kava huʼa asole vayaʼmo afole aigae.


Alagepa kavaʼmo hisayafeʼmo aliʼna lapaya malesuva gemo afiyo. Alagepa hutapa agoti hisayafeʼmo he tita lokiya vaitapa maiyo. Aliʼa afepiʼmo neʼapataya vayaʼaifeʼmo ge hapaiyo. Megusa mafaʼnemo hapa maeyo. Lapakaemo hutapaeʼmo, Lahapao ke hone, Kogu aʼnemo alagepa huʼa maisayafeʼmo hapa maeyo, hutapa hapa paiyo.


Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.


Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.


Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.


ageteno avalelino Atiyoki taonifiʼmo eʼniye. Anakaemo mago kafugamo siosi vayaʼeʼmo aliʼana anupa huʼana maiʼneʼanaeʼmo asole vayaʼmo aliʼana apaya maleʼnaʼae. Atiyoki taonifi vayaʼmogimo geʼamo neʼafiya vayaʼaifeʼmo apakiʼapimo Kalisitini vayane huʼa hogote afinaʼapimo apakimo apateʼnae.


Geʼamo neʼafiya vayaʼmogimo ani gemo afiteʼapaeʼmo, Yutiya kotega maiʼnaya konagatimogi hapa maeta na magi monimo maleʼnopigeta ani kavaʼmo huta magoke magoke huta apamigune, huʼa huʼnae.


Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.


Kagemi yaʼapiʼe mopaʼapiʼeʼmo maketi huʼa moni aliteʼa apakae vayapatiʼmo mago yaʼapimo ohaneʼniya vayaʼmo ani aliʼnaya monimo apamiʼnae.


Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.


Apamiʼnayaʼmofeʼmo ani vayapatiʼmo mago vayaʼamogimo kafu osuʼnae.


Ani kavaʼmo huʼnayaʼmonanafa asole vayaʼmogimo geʼamo afiteʼapaeʼmo apakesamo afiʼa fatago huʼnageno vayaʼe ani afinaʼmo apakesamo afiʼa fatago huʼnaya vayaʼeʼmo napaʼapimo faefu tauseniʼa vayaʼmo maiʼnae.


Magoʼe magoʼe huʼa lusi ve aʼnemogimo Ala kava nefeʼmo apakesamo afiʼa fatago huʼnageno Gotiʼa magokepi alino anupa huno apateʼnigeʼapaeʼmo aliʼa anupa huʼa maiʼnae.


Ani vekamo agiʼalefeʼmo alita apaya oʼmaleyo, huta lokiya gemo huta lapa opaiʼnopiye. Ago lapa paiʼnonaʼmonanafa ani getapimoʼmo aino atagu faeno uneno huno Yulusalemu taonifiʼmo havai teʼniye. Lapakaemo aigofe gemo hutapaeʼmo, apakaemo ani vekamo amagiʼnae, hutapa lagaepikeʼmo alita faita nelatae, huno hapa paiʼniye.


Inagi tuolofuʼa apa vayaʼmogi muki geʼamo neʼafiya vayaʼaifeʼmo ge huʼnageʼa eʼnageʼapaeʼmo, Lagaemo fiku Goti geʼamo aeta hakalo huta hapa nepauna aliʼyatimo ataleta monimo alita fako huta apamisunana kanale osugiye.


Inagi Goti geʼamoʼmo muki haopalegamo aino atagu faeno uneno huʼniye. Yulusalemu taonifiʼmo maiʼnaya vayapatiʼmo Yesu geʼamo neʼafiya vayaʼmo magoʼe magoʼe huʼa afole aiʼnae. Mono huʼa neʼapataya vayaʼmo asole vayaʼmogimo apakesamo afiʼa fatago huteʼa akame huʼnae.


Soloʼa koli osuno lokiya gemo huno Ala kava neʼmo Yesu agiʼalefeʼmo aeno hakalo huno hapa paiʼniye. Galiki apakemo neʼaiya Yu vayaʼeʼmo ge huge afige huʼa maiʼneʼa hapa paiʼnigeʼapaeʼmo amagisayafeʼmo huʼnae.


Pitaʼa ani gemo afitenoʼaeʼmo anakaeʼeʼmo uno avaʼyi huʼnigeʼapaeʼmo avaleliʼuʼa anaga aeno hanagi maleʼniya nopiʼmo uʼa haiʼnae. Muki kogu aʼne anagaʼmogimo eʼa Pita haopaleʼmo lokaeʼa maiʼneʼa aviʼyaʼmo nehuʼapaeʼmo Nokasiʼa apakaeʼeʼmo magokepi lokaeno maiʼniya afinaʼmo alo huʼniya siotiʼe kukenaʼeʼmo aliʼa ave liʼnae.


Pitaʼa ayateʼmo alino he tino ateʼnigeno he tiʼniye. Pitaʼa apaote vayaʼe kogu aʼne anagaʼeʼmo ge huʼnigeʼa eʼa hai eʼa maiʼnagenoʼaeʼmo Pitaʼa hunoʼaeʼmo, afaʼa maiʼniye, huno alino apaveliʼnigeʼa ageʼnae.


Hapa maetapa aliʼyaʼmo alisayafeʼmo lapamiʼnisiyana ani kavaʼmo hutapa hapa maetapa aliʼyaʼmo aliyo. Alitapa apaya malesayafeʼmo lapamiʼnisiyana ani kavaʼmo hutapa alita apaya maleyo.


Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.


Apakaemo Himulu nofi vayaʼmo maiʼnafiye. He, nagaeʼeʼmo Himulu nofi vekamo maiʼnove. Isaleli vayaʼmo maiʼnafiye. He, nagaeʼeʼmo Isaleli vekamo maiʼnove. Apakaemo Emalehamu aginago vayaʼmo maiʼnafiye. He, nagaeʼeʼmo Emalehamu aginago vekamo maiʼnove.


Naha maegaiye, huʼna nagesamo afuvesina agufa kavaʼmo haneʼniyana itaʼnimoʼmo alino nateʼnigeno magoke salemo utegeʼapaeʼmo nagufamo lagauʼnae. Nagaemo Isaleli vekamo maiʼneʼna Menisameni nofi vayapati vekamo maiʼnove. Muki naginago vayaʼmo Himulu vayaʼageʼmo maiʼnae. Hogoteʼna Falasi mono vekamo maiʼneʼna Yu vayaʼai keʼaepa gemo akame huʼnove.


Kogu aʼne anagaʼmo yagaiʼa apatesaya vayaʼmo oʼmaiʼnisayana siosi vayaʼmogimo alagepa huʼa yagaiʼa apategae.


Magoke vekaleʼmo maiʼneʼapaeʼmo sigisitiʼa kafugamo aeʼa agaseʼa maiʼnisaya kogu aʼne anagaʼmogi apakiʼapimo avoʼmo kae maleyo.


Konagatapieʼmo nelapaiya kavaʼmo oʼataletapa magoʼe huno lapau lapayamopafiʼmo lapaino.


Gotiʼa muki yaʼmo afoʼamo aulagaleʼmo alagepa monoʼmo nehaya kavaʼmo haneʼniyana kogu aʼnemogiʼe megusa mafaʼne anagaʼmogiʼeʼmo kana yaʼmo neʼaliya afinaʼmo uʼa hapa maege ma mopafi vayaʼmogimo aliʼa hosu huʼa oʼapatesayafeʼmo apakaiʼapileʼmo alagepa huʼa yagaiʼa apatege nehaya kavaʼmo haneʼniye.


Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.


Konagaʼnimogitapae, huʼna, konagatapieʼmo ge ohapaiyo fiku yanageno Gotiʼa hosu gemo nehae, huno hugiye. Afiyo, huʼna, alino fako huno apatesiya vekamo kipateʼmo he tino maiʼniye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ