Apa 5:9 - The Keyagana NT and 25 OT books

⁹ Pitaʼa hunoʼaeʼmo, Na kava higetana aigofe gemo huguʼae, hutana hu maleʼnetana Goti Aunemeʼaeʼmo amalageka hutana neʼataʼae. Anaukamoʼmo faliʼnigeʼa alini uʼa kiʼa ateʼnaya vayaʼmo kipate neʼayanageʼa hiyopa alini uʼa kiʼa kategae, huno ha nepaigenoʼaeʼmo

Apa 5:9 ပူးပေါင်းရင်းမြစ်များ

Aepa Gemae 20:13

Gotiʼa alino he tino nateʼniyaʼmofeʼmo afoʼnimoʼmo ataleʼna alu vayaʼai kotegamo umenitata huʼna neʼmauvanageʼna Selafeʼmo huʼnaeʼmo, Nagaemo alagepa huka naha maesanafeʼmo laʼagaemo haiya haopalegamo visuʼafi kagaemo muki vayaʼaifeʼmo, Emalehamuʼmo nasaʼnimoʼae, huka hapa paiyo, huʼna ha paiʼnove, huno ha paiʼniye.

2 Kini 6:32

Ilaisaʼmo avalelino esiyafeʼmo mago vekamo alino ateʼnigeno uʼniye. Ani afinaʼmo Ilaisaʼmo noʼafiʼmo maiʼnigeʼapaeʼmo mago vayatama vayaʼmo eʼa agaeʼeʼmo magokepiʼmo maiʼnae. Kini vekamoʼmo ani alino ateʼnigeno eʼniya vekamo eno avaʼyi osuʼnigenoʼaeʼmo Ilaisaʼmo vayatama vayaʼaifeʼmo hapa painoʼaeʼmo, Ani kamitimo neʼapamagiya vekamoʼmo nagaemo lugoʼnimo hatagausiyafeʼmo mago vekamo alino ateʼnigeno neʼe. Neʼeyaʼmonanafa ani vekamo eno avaʼyi hisigetapaeʼmo kitamo kitapa alagi hu maleʼnigenoʼa agaemo nopiʼmo afaʼa eno haino meno. Kini vekageʼmo ani vekamo akame huno neʼe, huno hapa paiʼniye.

Samu 50:18

Lapakaemo kumaya neʼaliya vayaʼmo apaketetapaeʼmo magoke lapaipa lapakesamo aliʼnae. Kumai kavaʼmo nehaya vayaʼai apafaluʼapimogitapamo maiʼnae.

Samu 78:56

Ani kavaʼmo huʼniyaʼmonanafa hogote anaga vekamo Gotiʼa amalageka huteʼa himuʼnamu kavaʼmo huteʼa ani kavaʼmo hiyo, huno huʼniya gemo ago amagiʼa ataleʼnae.

Hatu maeno apate'niya gemae 17:2

Ohaneʼniyaʼmofeʼmo Isaleli vayaʼmogi Moseseʼmo ge hauʼapaeʼmo, Kagaemo aniʼmo malage huka lamigeta neno, huʼa huʼnageno Moseseʼa hapa painoʼaeʼmo, Na kava higetapa nagaefeʼmo ge nahauʼnae. Na kava higetapaeʼmo Ala kava neʼmo amalageka hisayafeʼmo nehae, huno huʼniye.

Hatu maeno apate'niya gemae 17:7

Moseseʼa ani kotefeʼmo agiʼamo Masa kone huno atete Melima kone huno atete huʼniye. Masa kone huno ateʼniya agimo aepaʼamo amalageka huʼnaya kone, huno ateʼniye. Melima kone agimo aepaʼamo geletiʼmo kaveta huʼnaya kone, huno ateʼniye. Apakaemo geletiʼmo kavetamo huge Ala kava neʼmo lagaeʼeʼmo magokepi lokaeno maiʼnifi oʼmaiʼnifi huʼa huteʼa amalageka huge huʼnayaʼmofeʼmo ani magoke kotefeʼmo lole agimo ateʼniye.

Mai'naya kavane 11:21

Hosu vayaʼmo magokepi aliʼa anupa huʼa maiʼnisayana kayoʼmo aligayaʼmonanafa fatago nofi vayaʼmo hanageke yapatiʼmo apakufamo alino katino apategaiye.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Maika 7:3

Lole apayatalatetiʼmo hosu kavaʼmo nehayaʼmonanafa alagepa kavaʼmo hisayafeʼmo apakesamo noʼafiye. Yagaiʼa apateʼnaya vayaʼmogimo fikumo lamiyo, huʼa hapa nepaiye. Agoti gemo neʼafiya vayaʼmogimo kutulu monimo alisayafeʼmo nehae. Ala apakimo haneʼniya vayaʼmogimo apakaiʼapimo hapauʼniya yaʼmo alisayafeʼmo alu hosu vayaʼaifeʼmo hapa paiʼnageʼapaeʼmo magokepiʼmo maiʼneʼa vegemo nehae.

Napa 14:22

Muki mani vayaʼmogimo ha le konali yaʼnimo agege Isipi kotegaʼe kaʼme kotega hau huʼniya kotegaʼeʼmo noʼagaya agufa naune kavaʼmo huʼnogeʼa agege huʼnayaʼmonanafa naya loleʼa afinaʼmo geʼnimo oʼafiʼa namalageka huʼnae.

Matiyu 4:7

Ha paiʼniyaʼmonanafa Yesuʼa, magoʼe huno mukufiʼmo avoʼmo kae maleʼniya gemoʼmo hunoʼaeʼmo, Ala kava neʼmo Gotitapimofeʼmo amalageka osiyo, huno avoʼmo kae maleʼniye, huno ha paiʼniye.

Luki 16:2

agaefeʼmo ge huʼnigeno eʼnigenoʼaeʼmo, na agufa kavaʼmo huʼnana kavafeʼmo kava gemo afiʼnove. Huʼnisana kavafeʼmo kagesamo afika avoʼmo kaeka namiyo. Kagemi yaʼnileʼmo magoʼe huka yagaika oʼnategane, huno ha paiʼnigeno

Apa 15:10

Gotiʼa ani kavaʼmo nehiyaʼmofeʼmo na kava higetapa Gotiʼmo amalageka hugefe nehae. Mosese keʼaepa gemo akame hisaya kavaʼmo lusi kava huno kana huʼniya gemo haneʼniye. Laginago vayaʼmogiʼe lagaeʼeʼmo afaʼa akame osuʼnone. Fiku yanageta kana huʼniya gemo geʼamo neʼafiya vayaʼaifeʼmo hapa paigune.

Apa 5:6

Faliʼnigeʼapaeʼmo mago neya vemogi eʼa aliʼa hayaeteʼa hiʼyopa maleʼa alini uʼa kiʼa ateʼnae.

Lomu 10:15

Mago vekamoʼmo alino apatesigeʼa oʼvisayana haiya kava huʼa uʼa aeʼa hakalo huʼa hapa paigae. Ani kavatefeʼmo avoʼmo kae maleʼniya gemoʼa hunoʼaeʼmo, alagepa faigoko geʼaletiʼmo alino nanu aeno neʼapateya gemo aliniʼeʼa aeʼa hakalo huʼa hapa nepaiya vayaʼmogi apaiyamo kanale apaiyamo haneʼnigeʼa aliniʼa neʼae. Apakaemo alagepa kavafeʼmo ava gemo afiteʼa apamogaga aisayafeʼmo ani gemo aliniʼa neʼae.

Lomu 3:19

Ago afiʼnonana Gotiʼa keʼaepa geʼaletiʼmo keʼaepa geʼamo afeʼalumelagamo maiʼnaya vayaʼaifeʼmo hapa nepaiye. Apakaemo geʼaleʼmo aeʼa atagaina huʼa ge osuʼa ani gemo huʼa ha paiʼapaeʼmo, Goti aulagaleʼmo hosu kavaʼmo huʼnonanageno kayoʼmo lamigiye, huʼa hisayafeʼmo hapa nepaiye.

1 Kolitiyani 10:9

Apakaepatiʼmo magoʼamogimo Ala kava nefeʼmo apakesamo afiʼa fatago osuʼnayaʼmofeʼmo amalageka huʼnagenoʼaeʼmo nagaloʼyave anagaʼmogimo hapaeʼnageʼa faliʼnae. Mani agufa kavaʼmo huta lagaeʼeʼmo Ala kava neʼmo afaʼa amalageka osigetao.