Apa 5:5 - The Keyagana NT and 25 OT books

⁵ Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.

Apa 5:5 ပူးပေါင်းရင်းမြစ်များ

2 Kini 2:24

Huʼnagenoʼaeʼmo Ilaisaʼmo aino afe leno lokiya auluʼmo apaketenoʼaeʼmo Ala kava neʼmo agiʼaletiʼmo lifana huno apateʼnigeʼanaeʼmo lole a meyalaʼmo yahaofilagatiʼmo malage huʼana eʼana ani foti tuʼa neya mafaʼne anagaʼmo apakufamo hanige atalagauge huʼnaʼae.

Samu 119:120

Nagaemo kagaefeʼmo koli nehugenoʼaeʼmo nagufamoʼmo atete nehiye. Alika fako nehana kavakaeʼmo koli nehuve.

Samu 64:9

Muki vayaʼmogimo ageteʼapaeʼmo koli hugae. Apakaemo Gotiʼa huʼniya kavafeʼmo apakesamo afime afime uʼa afiʼa alagepa huteʼa ageteʼapaeʼmo Gotiʼa aliʼyaʼamo neʼaliya kavafeʼmo ava gemo aeʼa hakalo hugae.

Apa 13:11

Ala kava neʼmoʼa hemenimo kamagisigeno kaulagalaʼmo ali hisigeka mago afinaʼmo ha le yaʼmo oʼageka afaʼa maigane, huno ha nepaigenoʼaeʼmo aulagalaʼmo ago ali huʼnigeno hiyakana huno hani yaʼmoʼa aulagalapiʼmo aino ati kaeʼniye. Agaemo uno mago vekaeʼmo ge hisigeno ayate alinino visiyafeʼmo kahauya hisiyafeʼmo uʼniye.

Apa 2:43

Ani kavaʼmo huʼa maiʼnageʼapaeʼmo muki vayaʼmogimo hapau aiteʼa koli huʼnageʼapaeʼmo apa vayaʼmogimo muki noʼagaya agufa lokiya kavaʼmo huʼnae.

Apa 5:13

Muki malaga vayaʼmogimo Goti mafaʼnemogi apakiʼapileʼmo aliʼa asaga huʼa apateʼnayaʼmonanafa eʼa magokepi aliʼa anupa huʼa maisayafekeʼmo koli huʼnae.

1 Kolitiyani 4:21

Nagaemo kayoʼmo aliniʼna visufi nahau nayamopafiʼmo nahauʼninageʼna yuna naipamo aliniʼna visufigi na agufa kavafeʼmo lapauʼniye.

2 Kolitiyani 13:10

Lapakaemo alagepa kavaʼmo nehisageʼna lapakaetegamo uʼnaeʼmo Ala kava neʼmoʼa namiʼniya himamuʼaletiʼmo lokiya gemo osisuvafeʼmo lapakaeʼeʼmo magokepi lokaeʼna oʼmaiʼneʼnaeʼmo mani gemo avoʼmo nekaove. Aliʼna hosu huʼna lapatesuvafeʼmo himamuʼamo oʼnamiʼnifa aliʼna lokiya vaiʼna lapatesuvafeʼmo himamuʼamo namiʼniye.

2 Kolitiyani 13:2

Nagaemo napa tu afinaʼmo lapakaetegamo uʼna lapakaeʼeʼmo lokaeʼna maiʼneʼnaeʼmo hogoteʼna hosu kavaʼmo huʼnaya vayaʼaifeʼmo, ehetapiye, huʼna lapa paiʼnove. Lapa paiʼnovanageʼna hemenimo lapakaeʼeʼmo uʼna lokaeʼna oʼmaiʼneʼnaeʼmo halate hogoteʼna muki hosu kavaʼmo huʼnaya vayaʼaifeʼmo, uʼnaeʼmo afaʼa lapakegeʼna olapategauve, huʼna lapa paino.

2 Kolitiyani 7:11

Afiyo, huʼna, Gotiʼa hauʼniya agufa lapaipa kana huʼniya kavaʼmoʼa lapaipafiʼmo malage huno aliʼyaʼmo aliʼnigetapaeʼmo lapakaemo huʼnaya kavafeʼmo he titapa ava ge hutetapa lapakaitapieʼmo ge lapautetapa koli lapaipamo kaliʼnigetapaeʼmo hosu kavatapimo alitapa atalesayafeʼmo lusi kava huno lapauʼnigetapa lapayamukiki hutapa kayoʼmo amisayafeʼmo huʼnae. Alu alagepa kava alu alagepa kavaʼmo nehutapaeʼmo alagi alagepa hutapa alita api aita ateʼnae.

Yasuva 22:20

Ekaniʼmo Yila mafaʼnemoʼmo Ala kava neʼmoʼa lifana hu maleʼniya yatetiʼmo hosu kavaʼmo huʼnigeno Ala kava neʼmoʼa mukiʼamogitaeʼmo aipamo leno lateʼnigeʼa mago Isaleli vayaʼe agaeʼeʼmo faliʼnae. Agaiʼageʼmo ofaliʼniye, huʼa hapa paiʼnae.

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.

Leveleseni 11:5

Mago vayaʼmogimo kame huʼa anatesayafeʼmo nehisagenoʼaeʼmo anavayafatiʼmo atamoʼmo leno pasaga ligiye. Ani kava huʼa kame huʼa anatesayafeʼmo nehisaya vayaʼeʼmo faligae.