Apa 5:42 - The Keyagana NT and 25 OT books

⁴² Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Apa 5:42 ပူးပေါင်းရင်းမြစ်များ

Luki 21:37

Muki afinaʼae afinaʼaeʼmo alopa mono nopiʼmo alino apaya malege malege huno maiʼnigeno haniʼmo nehigenoʼaeʼmo Alifiʼaepa avefiʼmo uno haino havaete havaete huno maiʼniye.

Luki 22:53

Nagaemo lapakaeʼeʼmo muki afinaʼae afinaʼaeʼmo alopa mono nopiʼmo maiʼnogetapaeʼmo oʼnatafauʼnayaʼmonanafa hemenimo lapakaemo ani kavaʼmo hisayafeʼmo hani nehiya kavateʼmo neʼyagaiya vekamo himamuʼaletiʼmo hisiya afinaʼmo ago afole aiʼnigetapaeʼmo nehae, huno hapa paiʼniye.

Apa 11:20

Hapa paiʼnayaʼmonanafa mago vayaʼmo Saipalasi kotegati vayaʼe Sailini kotegati vayaʼeʼmo uʼa Atiyoki taonifiʼmo Galiki apakemo neʼaiya vayaʼaifeʼmo Yesuʼa Ala kava neʼmo ava gemo aeʼa hakalo huʼa hapa paiʼnae.

Apa 13:32

Laʼagaemo alagepa faigoko gemo lapa paitaʼaeʼmo, Gotiʼa laginago vayaʼaifeʼmo polomasi gemo hapa paiʼniya gemo Yesuʼmo ago alino he tino ateʼniya kavatetiʼmo alino afole aino ateʼniye. Ani kavafeʼmo Goti mukufiʼmo napa tu Samu gemoʼa hunoʼaeʼmo, Hemeni afinaʼmo aliʼna kateʼnogeka mafaʼneʼnimo maiʼnane, huno huʼniye, huno Samu mukufiʼmo avoʼmo kae maleʼniye.

Apa 17:18

Mago Epikuliya gemo akame nehaya vayaʼe Sitoʼiki gemo akame nehaya vayaʼmogiʼeʼmo eʼa Poloʼeʼmo ge huge afige huʼa maiʼnae. Mago vayaʼmogi huʼapaeʼmo, Ani negi nagi tisa vekamoʼmo haiya agufa gemo hugiye, huʼa huʼnageʼapaeʼmo, Alu nofi vayaʼai gotiʼapimogifeʼmo apava gemo aeno hakalo huno hapa nepaiya vekae, huʼa huʼnae. Poloʼa Yesufeʼmo ava gemo hunoʼaeʼmo, faliʼniyatetiʼmo ago he tiʼniye, huno aeno hakalo huno hapa paiʼniyaʼmofeʼmo ani gemo huʼnae.

Apa 17:3

Ani gemo aepaʼamo aeno hakalo huno hapa painoʼaeʼmo, Goti geʼamo alino afole aino atesiyafeʼmo Mesaiya vekamo Gotiʼa alino ateʼnigeno emineʼniya vekamo faliteno ago he tiʼniye, huno Goti Mukufi haneʼniya geletiʼmo alino apaya maleʼniye. Poloʼa hunoʼaeʼmo, Ani ava gemo aeʼna hakalo huʼna hapa nepauva vekamo Yesuʼa Mesaiya vekamo maiʼniye, huno hapa paiʼniye.

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 20:20

Nagaemo muki geʼamoʼmo lapa maesiya agufa gemo lapa paisuvafeʼmo maiʼna halove huteʼna mago gemo fala okiʼnovaʼmonanafa alita anupa hutapa maiʼnayategaʼe notapifi notapifiʼeʼmo ago aliʼna lapaya maleʼnove.

Apa 4:20

Ageʼnoʼa kavaʼe afiʼnoʼa geʼeʼmo hapa paitaʼa hano huguʼae, huʼana hapa paiʼnaʼae.

Apa 4:29

Ala kava nene, huʼa, Hemenimo lokiya gemo lamagisaya kavafeʼmo laha paiʼnaya gemo afiyo. Afiteka lokiya vaika lategetao aliʼyakamo neʼaluna vayaʼmogita gekamo aeta hakalo huta hapa paino.

Apa 8:35

Filipiʼa lekana paiʼniya gefatiʼmo Yesufeʼmo ava gemo aeno hakalo huno ha paiʼniye.

Apa 8:5

Filipiʼa Sameliya kotega taonifiʼmo uno Kalaisife ava gemo aeno hakalo huno hapa paiʼniye.

Apa 9:20

Soloʼa Goti geʼamo neʼafiya vayaʼeʼmo Namasakasi taonifiʼmo mago afinaʼmo maiʼniye. Malage huno Yu vayaʼai mono noʼale noʼaleʼmo uneno huno Kalaisifeʼmo hunoʼaeʼmo, Ani vekamo Goti mafaʼneʼamo maiʼniye, huno aeno hakalo huno hapa paiʼniye.

1 Kolitiyani 2:2

Hogoteʼna naipafiʼmo, apakaeʼeʼmo uʼna magokepi lokaeʼna maiʼneʼnaeʼmo muki kavafeʼmo nage kaniʼna ataleʼneʼna Yesu Kalaisifekeʼmo nagesamo afiʼneʼna Yesu Kalaisiʼmo malipu yosaleʼmo nili aiteʼa aliʼa he tiʼa ateʼnaya kavafekeʼmo nagesamo afiʼneʼna aeʼna hakalo huguve, huʼna lokiya vaiʼna nagesamo afiʼnove.

Galesiya 1:16

Agaemo Mafaʼneʼaeʼmo ava gemo malaga nofi vayaʼaifeʼmo aeʼna hakalo huʼna hapa paisuvafeʼmo Gotiʼa hauʼniya afinaʼmo Mafaʼneʼamo naipafiʼmo alino nave liʼnigeʼna ageteʼnaeʼmo uʼna mago vayaʼeʼmo ge huge afige huʼna oʼmaiʼnove.

Galesiya 6:14

Nehayaʼmonanafa nagaemo mago kavatefeʼmo nagiʼnileʼmo aliʼna asaga huʼna nateteʼna namogaga aisufiye. Haʼao, alagi atalegeno hano hino. Nagaemo Ala kava netimo Yesu Kalaisiʼa malipu yosaleʼmo faliʼniya kavafekeʼmo naipafatiʼmo namogaga aiʼninageʼna hapa paisuva gegeʼmo haneʼniye. Gotiʼa malipu yosaleʼmo faliʼniya kavatetiʼmo atafa naipamo ago amagino ataleʼnigeʼna ma mopafi yaʼe amega apakufale kavaʼefeʼmo huʼnaeʼmo, ina agufa kavaʼmo malipu yosaleʼmo faligekana huno haneʼniye, huʼna nagesamo neʼafugeʼapaeʼmo ma mopafi vayaʼmogimo nagaefeʼmo huʼapaeʼmo, ina agufa vekamo malipu yosaleʼmo nili aiteʼa aliʼa he tiʼa ateʼnaya agufa vekagana huno maiʼniye, huʼa nehae.

2 Timoti 4:2

Goti geʼamo aeka hakalo huka hapa paiyo. Muki afinaʼmo gekamo afigefe hisaya afinaʼe oʼafigefe hisaya afinaʼeʼmo alo huka maiʼnekaeʼmo, aise afinaʼmo haneʼniyanagi malage hutapa gemo afiyo, huka hapa paiyo. Apakesamo alika hapa paigeʼapao. Lapakaemo hosu kavaʼmo osiyo, huka hapa paiyo. Goti geʼamo akame hisayafeʼmo alika he tika apato. Ani kavaʼmo nehukaeʼmo yagu yaga kavaʼmo huka maime maime neʼukaeʼmo oʼataleka alika apaya malo.