Apa 5:39 - The Keyagana NT and 25 OT books

³⁹ Inagi Gotiʼa alino aepa faiʼnisiyaʼmoʼmo lapakaemo alitapa hano hutapa oʼatalegae. Fiku yanagetapa lapakaemo Goti kameʼamo maigae. Mago kavaʼmo apakaetegamo osutapa afaʼa apataleyo, huʼna lapa nepauve, huno hapa paiʼniye.

Apa 5:39 ပူးပေါင်းရင်းမြစ်များ

Aepa Gemae 24:50

Inagi Lepaniʼe Metuveliʼeʼmo geʼaleʼmo aeʼana atagaina huʼanaeʼmo, Ala kava netegatiʼmo ani kavaʼmo eʼniyaʼmofeʼmo laʼagaemo alagepa geʼe hosu geʼeʼmo afaʼa osuguʼae.

Mai'naya kavane 21:30

Vayaʼmogimo afiteʼa ageʼnaya kavaʼapiletiʼmofi afiʼa aeto nehaya kavaʼapiletiʼmofi vege nehaya kavaʼapiletiʼmofi huʼa Ala kava neʼeʼmo kamemo hugayana huʼa aeʼa aga osegae.

Aiyeya 43:13

Akeyaʼvilagamo hogote afinaʼmo Gotiʼnamo maiʼnovanageʼna Gotiʼnamo maige maige huʼna maiguve. Nagaemo apatafauʼnisuva vayaʼmo mago vekamoʼmo nayapatiʼmo afaʼa alino hapa faino oʼapatalegaiye. Nagaemo aliʼyaʼnimo neʼaluvanageno haiya vekamoʼmo aliʼyaʼnimo afaʼa atafauno ateteno alu aliʼyaʼmo aligiye.

Aiyeya 45:9

Mago vekamoʼmo alo huno ateʼniya vekaeʼmo ge nehaisiyaʼmoʼmo ani vekaleʼmo kage kage kavaʼmo afole aigiye.

Neniyo 4:35

Agae aulagaleʼmo muki ma mopafi vayaʼmo afaʼa ina agufa vayaʼmo maiʼnae. Agaemo muki kokuʼnapi vayaʼaitegaʼe ma mopafi vayaʼaitegaʼeʼmo hauʼniya kavaʼmo afaʼa nehiye. Mago vayaʼmogi agaemo mago kavaʼmo osisiyafeʼmo atafauʼneʼa, kagaemo na kava nehane, huʼa afaʼa osugae.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Apa 11:17

Lagaemo Yesu Kalaisi Ala kava nefeʼmo lagesamo afita fatago huʼnonagenoʼaeʼmo Gotiʼa Aunemeʼamo lamiʼniya kava huno alu nofi vayaʼmo apamiʼniyaʼmofeʼmo nagaemo ina agufa vekamogeʼna Goti kaʼmo afaʼa akaniʼna oʼategauve, huno hapa paiʼniye.

Apa 23:9

Alopa gefatiʼmo magoʼe magoʼe gemo huʼa ge vaiʼnae. Mago Falasi vayaʼmo keʼaepa gemo aliʼa apaya neʼmalaya vayaʼmogimo he tiʼa lokiya gefati huʼapaeʼmo, Ani vekamo hosu kavaʼamo oʼageʼnone. Mago auneʼamoʼa eno ha paiʼnifi enisole vekamoʼmo eno ha paiʼnifigi kanalenagi Gotifeʼmo kame huta oʼategetao, huʼa hapa paiʼnae.

Apa 6:10

Goti Aunemeʼamoʼmo alagepa agesa afi yaʼmo amiʼnigeʼa Sitiveniʼa huʼniya geleʼmo ge huʼa aeʼa oʼagaseʼnae.

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.

Apa 9:5

Ala kava nene, huno, kagaemo ina lagae, huno afi geʼnigenoʼaeʼmo, Nagaemo Yesuʼnamo kaini huka neʼnatana vekamo maiʼnove.

1 Kolitiyani 1:25

Na kava higenoʼaene. Mago vayaʼmogimo Gotiʼa ageteno afiʼniya geʼaeʼmo negi nagi gemo haneʼniye, huʼa apakesamo neʼafiyaʼmonanafa Gotiʼa mani negi nagi geʼaletiʼmo vayaʼmogi afiteʼa ageʼnaya geʼapimo ago aeno agaseʼniye. Ani kavaʼmo huʼa mago vayaʼmogi Gotiʼa nehiya kavafeʼmo huʼapaeʼmo, lokiya noʼvaiya kavaʼmo nehiye, huʼa apakesamo neʼafiyaʼmonanafa Gotiʼa lokiya noʼvaiya kavaʼaletiʼmo vayaʼmogi nehaya lokiya kavaʼapimo ago aeno neʼagase.

1 Kolitiyani 10:22

Lagaefeʼmo Ala kava neʼmoʼa aipa kana huno lateteno kaino faisiyafeʼmo alita he tita atesunafeʼmo nehupiye. Lagaemo lokiyatimoʼa Ala kava neʼmo lokiyaʼamo aeno agasesifiye.