Apa 5:20 - The Keyagana NT and 25 OT books

²⁰ Utapa alopa mono nopiʼmo uta haitapa he tita maiʼnetapa ani saufa kavafeʼmo ava gemo aetapa hakalo hutapa hapa paiyo, huno hapa paiʼniye.

Apa 5:20 ပူးပေါင်းရင်းမြစ်များ

Hatu maeno apate'niya gemae 24:3

Inagi Moseseʼa uno muki vayaʼaifeʼmo Ala kava neʼmoʼa muki ha paiʼniya gemo hapa paige keʼaepa gemo hapa paige huʼnigeʼapaeʼmo magoke apaipa apakesamo aliteʼa geʼaleʼmo aeʼa atagaina huʼapaeʼmo, Ala kava neʼmoʼa muki huʼniya geʼamo afaʼa akame hugune, huʼa huʼnae.

Aiyeya 58:1

Ala kava neʼmoʼa hunoʼaeʼmo, Kagaemo oʼataleka alopa gefatiʼmo keya ao. Kagaemo pikulimoʼmo age neʼaiya agufa gemo huka alopa gefatiʼmo keya aeka ge huvo. Kagaemo vayaʼnimo Yekopu nofi vayaʼaifeʼmo geʼnimo amagiʼa neʼatalaya hosu kavaʼapieʼmo hapa paiyo.

Matiyu 10:27

Hanipiʼmo lapa nepauva gemo ha le yateʼmo aeta hakalo huta hapa paiyo. Lapakaemo vase hutapa afiʼnaya gemo nokatoʼmuleʼmo uta haita maiʼnetapaeʼmo muki vayaʼaifeʼmo alopa gefatiʼmo aeta hakalo huta hapa paiyo.

Matiyu 21:23

Yesuʼa halate alopa mono nopiʼmo uno haino alino apaya neʼmalegeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼai vayatama vayaʼeʼmo agaetegamo eʼapaeʼmo, haiya agufa yakamo yagaisana yaʼmo aliʼnekaeʼmo mani kavaʼmo nehane. Ina laʼmo mani kavaʼmo huvo, huno kaha paiʼniye, huʼa ge huʼa afi geʼnageno

Yoni 12:50

Afoʼnimoʼmo mani gemo huvo, huno naha paiʼniya gemo ago afiʼnovana alagepa huʼa maige maige huʼa maisaya yaʼmo neʼapamiya gemo haneʼnigeʼna afiteʼnaeʼmo hapa nepauve.

Yoni 17:3

Kagaemo lama geʼageʼmo nehana Gotigaʼe Yesu Kalaisiʼmo alika ateʼnanageno emineʼniya vekaʼeʼmo anakeʼa alagepa huʼnaya vayaʼmogimo maige maige huʼa maisaya yaʼmo ago aliʼnae.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 18:20

muki afinaʼmo vaya apaulagaleʼmo maiʼneʼnaeʼmo aeʼna hakalo huʼna hapa paiʼnove. Nagaemo aliʼa anupa huʼa maiʼnayategamo uʼna alopa mono nopinagi muki asole mono nopinagi huʼna aliʼna apaya maleʼnove. Mago gemo fala okiʼna muki geʼamo huʼna afole aiʼna hapa paiʼnove.

Yoni 6:63

Nauneʼnameʼmoʼa afaʼa maisaya yaʼmo neʼapamiye. Nagufafati nameʼamoʼmo lapa oʼmaegaiye. Lapa nepauva gefiʼmo aunemeʼamo haneʼniyanageno afaʼa maisaya yaʼmo neʼapamiya gemo haneʼniye.

Yoni 6:68

Saimoni Pitaʼa hunoʼaeʼmo, Ala kava nene, huno, ina lategamo ugune. Kagae gemoʼa afaʼa maisaya yaʼmo neʼapamiya gemo haneʼniye.

Apa 11:14

Eno mago gemo lapa paisigetapa kagaeʼe muki konaga vayakaʼeʼmo ani gemo afisageno Gotiʼa geʼaletiʼmo lapakufamo alino katino lapategaiye, huno naha paiʼniye, huno naha paiʼniye.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.