Apa 5:19 - The Keyagana NT and 25 OT books

¹⁹ Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

Apa 5:19 ပူးပေါင်းရင်းမြစ်များ

Samu 146:7

Agaemo vayaʼai apaiyafiʼmo maiʼnaya vayaʼaitegamo fatago kavaʼmo nehiye. Ala kava neʼmoʼa apaka neteya vayaʼaina neʼyaʼmo apamige kalavusi huʼa apateʼnaya vayaʼmo hatu maeno apatege nehiye.

Samu 34:7

Ala kava neʼmo enisole vekaʼamoʼmo Ala kava nefeʼmo koli nehaya vayaʼaiteʼmo yagaino vego huno apateteno apakufamo alino katino neʼapate.

Aiyeya 61:1

Ala kava neʼmoʼa kagemi yaʼapimo ohaneʼnisiya vayaʼaifeʼmo alagepa faigoko gemo aeʼna hakalo huʼna hapa paisuvafeʼmo nagenopafiʼmo uvelimo ago lakino nateʼniyaʼmofeʼmo Ala kava neʼmo Aunemeʼamo emineno nagaeteʼmo maiʼniye. Agaemo alino nateʼnigeʼna eʼna hosu kavaʼapieʼmo apaipamoʼmo kana nehiya vayaʼaina aliʼna hapageʼna apatege kalavusifi maiʼnaya vayaʼaifeʼmo huʼnaeʼmo, hatu maeʼna lapateʼnove, huʼna hapa paige seli nofitetiʼmo kino apateʼniya vayaʼaifeʼmo huʼnaeʼmo, kalavusifatiʼmo afaʼa ugae, huʼna hapa paige hisuvafeʼmo alino nateʼnigeʼna eʼnove.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 1:24

Yosefeʼa aupatiʼmo he tino enisole vekamoʼmo ha paiʼniya gemo akame huno uno Maliyaʼmo aliʼniyaʼmonanafa

Matiyu 2:13

Apakaemo utagenoʼaeʼmo Yosefeʼa alagamuna ageʼniyana Ala kava neʼmo enisole vekaʼamoʼa hunoʼaeʼmo, he tika mafaʼneʼaʼe itaʼamoʼeʼmo anavalelika kaune heka Isipi kotegamo uvo. Helotiʼa ani mafaʼnemo amagisiyafeʼmo kahauya nehiyanagi anavalelikuka Isipi kotegamo nagava maiʼnegeʼnao kaha paiguve, huno ha paiʼniye.

Matiyu 2:19

Helotiʼa ago falitegenoʼaeʼmo Yosefeʼa Isipi kotegamo maiʼnenoʼaeʼmo alagamuna ageʼniyana Ala kava neʼmo enisole vekaʼamo afole aiʼnigeno ageʼniye.

Matiyu 28:2

Ala kava neʼmo enisole vekaʼamo kokuʼnapatiʼmo emineno avayale yafaʼmo alino heleve hulinuno maleteno ani yafateʼmo fai maiʼniyaʼmofeʼmo lusi imimamo aliʼniye.

Luki 1:11

Sekalaiyasiʼmo haino ageyana Ala kava neʼmo enisole vekaʼamoʼmo alagepa atumo neʼaiya yaʼmo maleʼneʼa ata nekaya hiʼyalamuteʼmo lamaga haopaleʼmo he tino maiʼnigeno ageʼniye.

Luki 2:9

Ala kava neʼmo enisole vekaʼamo afole aiʼnigeno Ala kava neʼmo ha le konali yaʼamoʼmo aeno ha leʼnigeʼapaeʼmo lusi kava huʼa apamoʼyamo aiʼnae.

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Apa 16:26

Maiʼnagenoʼaeʼmo malage huno lusi imimaʼmo aliteno noʼmo faiʼa ateʼnaya yafaʼmoʼa lusi kava huno uti uti aiʼnigeno muki kitaʼamo malage huno ago aino yakiʼnigenoʼaeʼmo kalavusi huʼa apateʼnaya vayaʼai seli nofiʼmo aino hatu maeʼniye.

Apa 27:23

Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 8:26

Mago Ala kava neʼmo enisole vekaʼamoʼa Filipifeʼmo, Kagaemo he tika Yulusalemu kotegatiʼmo mago kaʼmo uno lamino Gasa taoni haopalegamo kaʼme kotegamo vayaʼmo oʼmaiʼnaya kotega uno lamino uʼniya kateʼmo uvo, huno ha paiʼnigeno