Apa 5:17 - The Keyagana NT and 25 OT books

¹⁷ Ani kavaʼmo nehageʼapaeʼmo hogote vekamo mono huʼa neʼapataya vayaʼaiteʼmo yagaino neʼapateya vekaʼe Satiyusi mono vayapati vayaʼmogiʼeʼmo apa vayaʼaifeʼmo apaipa kafamo hapaeʼnae.

Apa 5:17 ပူးပေါင်းရင်းမြစ်များ

Mai'naya kavane 14:30

Kaita ohauʼnigeno alagepa huno afaʼa haneʼniya aipamoʼmo agufamo alino lokiya vaino ategaiyaʼmonanafa aipa kafa nehaeya aipamoʼmo mago kaita haugekana huno haneʼniyanageno agufamo alino hosu huno ategaiye.

Mai'naya kavane 27:4

Apaipamo neleya vayaʼmogimo hapau huʼa oʼapateʼa apaipa nelegeʼa apaya mukiki huʼa vayaʼmo aeʼa neʼapaka sayaʼmonanafa aeʼa apaka seʼnaya vayaʼaifeʼmo hosu apaipamo nekaliya kavaʼmoʼa magoʼe huno aeno agaseʼniye.

Matiyu 27:18

Apaipa kafamo haeʼnagenoʼaeʼmo avaleli eʼa nayapiʼmo ateʼnae, huno ago ageʼniyaʼmofeʼmo ani ge huno ge huno apafi geʼniye.

Matiyu 3:7

Asole Falasi mono vayanagi Satiyusi mono vayanagi huʼa aniʼmo faleno apatesiyafeʼmo agaetegamo eʼnageno apaketenoʼaeʼmo, Nagaloʼyave vayaʼmogitapae, huno, Gotiʼa aipamo leno lapatesiya afinaʼmo ago afole aigefeʼmo nehiyanagi ina laʼmo, afaʼa faita kasalo paegae, huno lapa paiʼniye.

Yoni 12:10

Layosiʼmo afaʼa maiʼnigeʼa ageteʼa muki Yu vayaʼmogi Yesufeʼmo apakesa afiʼa fatago huʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼmogimo huʼapaeʼmo, Layosiʼeʼmo anamagigune, huteʼa vegemo huʼnae.

Yoni 12:19

Falasi vayaʼmogi apakaiʼapimo huʼapaeʼmo, Lapakaemo ani vekamo aetapa oʼagaseʼnae. Ageyo, huʼa, muki ma mopafi vayaʼmogi akame nehae, huʼa huʼnae.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 15:5

Hapa paiʼnaʼageʼa afiteʼapaeʼmo mago Falasi vayapatiʼmo apakesamo afiʼa fatago huʼnaya vayaʼmogi he tiʼa huʼapaeʼmo, Haʼao, huʼa, Lapakufamo lagauʼa lapatetesagetapaekeʼmo Mosese keʼaepa gemo akame hiyo, hutapa hapa paiyo, huʼa hapa paiʼnae.

Apa 17:5

Afiʼnayaʼmonanafa apakesa afiʼa fatago osuʼnaya Yu vayaʼmogimo apaipa kafa hanaeteʼa hosu vayaʼmo aliʼyaʼmo oʼaliʼa afaʼa maiʼneʼa maketilegamo umenitata huʼa neʼmaiya vayaʼmo apavaleʼa aliʼa anupa huteʼa apavaleliʼa uʼnageʼapaeʼmo muki taonifiʼmo maiʼnaya vayaʼmogiʼeʼmo apano aeteʼa apavamusa valeʼa Yesoni notegamo uʼnae. Apakaemo huʼapaeʼmo, lole vekalaʼmo nopatiʼmo anayate heta anavayu hulita egaune, huʼa huteʼa eʼnayana

Apa 4:26

Ala vayaʼe kini vayaʼapiʼeʼmo Ala kava netegaʼe uveliletiʼmo lekana paino ateʼniya vekalegaʼeʼmo kame huʼa anatesayafeʼmo aliʼa anupa huʼa maiʼnae, huno huʼniye.

Apa 4:6

Apakaegi Anasiʼa mono huʼa neʼapataya vayaʼaiteʼmo yagaino neʼapateya vekagi Kaiyafasiʼagi Yoniʼagi Alekasanaʼagi magoʼe vayanagi mono huʼa neʼapataya vayaʼaiteʼmo yagaiʼa neʼapataya vayanagi huʼa aliʼa anupa huʼa maiʼnae.

Apa 5:16

Asole vayaʼmo Yulusalemu haopalega muki taoniʼafatiʼmo kaita hapauʼniya vayaʼe hosu apaune vayaʼmo apaipafiʼmo maiʼniya vayaʼeʼmo apavaleli ete ete huʼa apateʼnageno muki alu kaita alu kaitaʼapimo hapageʼnigeʼa he tiʼnae.

Apa 7:9

Henagaʼamo ani nofi vayaʼai aepa vayaʼmogimo Yosefefeʼmo apaipa kafamo haeteʼapaeʼmo avaleʼa maketi huʼa alu kotega vayaʼmo apamiʼnageʼa miya faiʼa avaleliʼuʼa Isipi kotegamo ateʼnageno afa aliʼyaʼmo alino maiʼniye.

Galesiya 5:21

Hosu apaipa kalige kamitimo apamagige lusi aniʼmo neteʼa negi nagi gemo huge lusi kava huʼa ogefage huʼa apavamusa valeʼa negi nagi huge magoʼe huʼa ani agufa hosu kavaʼmo huge nehae. Hogoteʼna lapa paiʼnovanageʼna hemenimo halate magoʼe gemo huʼnaeʼmo, ehetapiye, huʼna lapa nepauve. Afole oʼaiʼniya afinaʼmo hogoteʼna lapa paiʼnaeʼmo mani agufa hosu kavaʼmo nehaya vayaʼmogimo Gotiʼa yagaino neʼapateya kopiʼmo uʼa haiʼa mafaʼneʼapimogimo afoʼapimogi yaʼmo neʼaliya kava huʼa Gotitegatiʼmo hetamaʼapimo afaʼa oʼaligae.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

1 Pita 2:1

Huʼniyaʼmofeʼmo lapakaemo vayaʼaitegamo hosu kavaʼmo osuge aigofe gemo osuge ala lapakitapimo alisayafeʼmo amega lapakufale alagepa kavaʼmo osuge lapaipa kafa ohapaege huta faipa huta oʼapatege hiyo.