Apa 5:16 - The Keyagana NT and 25 OT books

¹⁶ Asole vayaʼmo Yulusalemu haopalega muki taoniʼafatiʼmo kaita hapauʼniya vayaʼe hosu apaune vayaʼmo apaipafiʼmo maiʼniya vayaʼeʼmo apavaleli ete ete huʼa apateʼnageno muki alu kaita alu kaitaʼapimo hapageʼnigeʼa he tiʼnae.

Apa 5:16 ပူးပေါင်းရင်းမြစ်များ

Matiyu 2:16

Helotiʼa agesamo afiʼniyana, ageteʼa afiʼnaya vayaʼmogimo humi nateteʼa nagesasi huʼa uʼnae, huno huteno lusi kava huno aipamo leʼniye. Agaemo, Metelehamu taonifiʼe Metelehamu haopalegaʼeʼmo uteta hutapa muki ve mafaʼne anagaʼmo lole kafugamo oʼmaiʼnisaya ve mafaʼne anagaʼmo apamagigeʼa faliyo, huno hapa paiʼniye. Agaemo ageteʼa afiʼnaya vayaʼmogimo ani afinaʼmo kanefiʼmo afole aiʼnigeta ageʼnone, huʼa ha paiʼnaya geʼapieʼmo agesamo afiʼniyaʼmofeʼmo ani gemo huʼniye.

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Matiyu 8:16

Uneʼamo Yesutegamo asole hosu apaune vayaʼmo vayaʼai apaipafiʼmo maiʼnaya vayaʼmo apavaleliʼeʼa apateʼnae. Yesuʼa geʼaletiʼmo hosu apaune vayaʼmo vayaʼai apaipafatiʼmo alino hapa faino apatalegeʼa uʼnagenoʼaeʼmo muki alu kaita alu kaitaʼmo hapauʼniya vayaʼeʼmo alino hapageno apateʼniye.

Luki 5:17

Mago afinaʼmo Yesuʼa mago nopiʼmo uno haino alino apaya neʼmalegeʼapaeʼmo Falasi vayanagi keʼaepa gemo avoʼmo kaeʼa aliʼa apaya neʼmalaya vayanagi huʼa Galeliya kotegatiʼmo muki taoniʼafatiʼmo ege Yutiya kotegatiʼmo muki taoniʼafatiʼmo ege Yulusalemu taonifatiʼmo ege huʼa eʼa Yesu haopaleʼmo aliʼa anupa huʼa maiʼnae. Yesuʼa Ala kava neʼmo himamuʼamo aliʼnenoʼaeʼmo alino hapageno apateʼniye.

Luki 6:18

Hosu apaune vayaʼmo vayaʼai apaipafiʼmo maiʼneʼa aliʼa hosu huʼa neʼapataya apaune vayaʼmo alino hapafaino apataleʼniye.

Luki 9:11

Asole vayaʼmogimo afiteʼapaeʼmo Yesuʼa akame huʼa eʼa avaʼyi huʼnagenoʼaeʼmo alino falu fala huno apateteno Gotiʼa yagaino neʼapateya kavafeʼmo ava gemo huno hapa paige kaita hapauʼniya vayaʼmo alino hapageno apatege huʼniye.

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

Apa 5:15

Maiʼnayaʼmofeʼmo kaita hapauʼniya vayaʼmo apavaleliʼuʼa kateʼmo apateʼneʼa hipaleʼmo havaeʼa apatege yakaikonamo aiteʼa havaeʼa apatege huʼneʼapaeʼmo, Pitaʼa uneno nehisigenoʼaeʼmo yege auneʼamoʼmo apakufaleʼmo visigeno kaitaʼapimo alino hapagegaiye, huʼa apakesa afiʼnae.

Apa 5:17

Ani kavaʼmo nehageʼapaeʼmo hogote vekamo mono huʼa neʼapataya vayaʼaiteʼmo yagaino neʼapateya vekaʼe Satiyusi mono vayapati vayaʼmogiʼeʼmo apa vayaʼaifeʼmo apaipa kafamo hapaeʼnae.

1 Kolitiyani 12:9

Magoke Aunemeʼamo maiʼneno ani Aunemeʼamokeʼmo mago vayaʼamogimo magoʼe huʼa apakesamo afiʼa fatago hisayafeʼmo lokiyaʼamo apamige mago vayaʼamogimo kaita hapauʼnisiya vayaʼmo aliʼa hapageʼa apatesayafeʼmo lokiyaʼamo apamige nehiye.

Yemisi 5:16

Lapakaemo konagatapimogifeʼmo hosu kavatapieʼmo aeta hakalo hutapa hapa paigeʼa apakaemo ani kava huʼa hosu kavaʼapieʼmo aeʼa hakalo huʼa lapa paisagetapa nunumuʼmo hutapa apategeʼa ani kava huʼa nunumuʼmo huʼa lapatenagetapa higenoʼao Gotiʼa alino alagepa huno lapateno. Fatago vayaʼmogimo lokiya vaiʼa nunumu huʼa ge huʼa afi nekagenoʼaeʼmo Gotiʼa himamu lokiyaʼaletiʼmo aliʼyaʼmo aliteno alino afole aino neʼate.