Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 5:13 - The Keyagana NT and 25 OT books

13 Muki malaga vayaʼmogimo Goti mafaʼnemogi apakiʼapileʼmo aliʼa asaga huʼa apateʼnayaʼmonanafa eʼa magokepi aliʼa anupa huʼa maisayafekeʼmo koli huʼnae.

အခန်းကိုကြည့်ပါ။ ကော်ပီ




Apa 5:13
19 ပူးပေါင်းရင်းမြစ်များ  

Faliʼnigenoʼaeʼmo a kanomoʼmo Ilaiyafeʼmo hunoʼaeʼmo, Goti vekamogae, huno, na kava higekaeʼmo nagaetegamo ani kavaʼmo huʼnane. Nagaemo hosu kavaʼnieʼmo nagesamo afisugeka mafaʼneʼnimo amagisanafeʼmo eʼnapiye, huno ha paiʼniye.


Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.


Huʼnayaʼmonanafa muki afa vayaʼmogiʼeʼmo geʼamo afisayafeʼmo hapauʼniyaʼmofeʼmo amagisaya kaʼmo oʼageʼnae.


Ani gemo huʼniyaʼmonanafa asole vayaʼmo yagaiʼa neʼapataya vayaʼmogimo Yesufeʼmo apakesamo afiʼa fatago huʼnayaʼmonanafa Falasi vayaʼmogimo mono nopatiʼmo aliʼa laha faiʼa latalegae, huʼa apakesa afiʼnayaʼmofeʼmo agiʼamo aeʼa hakalo huʼa hapa opaiʼnae.


Ani kavaʼmo hutageno Yosefeʼa Alamatiya taonifi vekamoʼa uno Pailatifeʼmo hunoʼaeʼmo, Yesu agufaʼamo alininuʼna kiʼna ategesuve, huno afi geʼnigenoʼaeʼmo, he, huno ha paiʼniye. Yosefeʼa Yesu geʼamo neʼafiya vekamo maiʼniyaʼmonanafa Yu vayaʼaifeʼmo koli huʼniyaʼmofeʼmo aeno hakalo huno hapa opaiʼniye.


Itaʼafoʼalaʼmoganimo Yu vayaʼaifeʼmo koli huʼnaʼaʼmofeʼmo ani agufa gemo huʼnaʼae. Apakaemo hogoteʼa vege huʼapaeʼmo, ina lagimo Yesufeʼmo, Kalaisi vekamo maiʼniye, huʼa hisafigeta mono nopatiʼmo alita hapafaita apatalegaune, huʼa ge hu maleʼnae.


Muki vayaʼmo Efasasi taonifiʼmo maiʼnaya Yu vayanagi alu nofi vayanagi huʼa ani kavafeʼmo ava gemo afiteʼapaeʼmo lusi kava huʼa koli huteʼa Ala kava neʼmo Yesu agiʼaleʼmo aliʼa asaga huʼa ateʼnae.


Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.


Kanisole vayaʼmogi ani gemo afiteʼapaeʼmo anamagisayafe huʼnayana muki vayaʼmogi afole aiʼniya kavafeʼmo Goti agiʼaleʼmo aliʼa asaga huʼnayaʼmofeʼmo anakufaleʼmo mago hosu hanageke yaʼmo anamisaya kaʼmo oʼageʼa anataleʼnageʼana uʼnaʼae.


Ati vayaʼaiteʼmo yagaino neʼapateya vekaʼe ati vayaʼaʼeʼmo uʼa apa vayaʼmo apavaleliʼa eʼnae. Apakaemo huʼapaeʼmo, fiku yanageʼa vayaʼmogimo yafa kayotetiʼmo lamagigae, huʼa apakesamo afiteʼa oʼapamagiʼa afaʼa vase huʼa apavaleliʼa eʼnae.


Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.


Lagaemo hakutimo haneʼniyana malaga vayaʼai aliʼyaʼapilefeʼmo, alagepa aliʼyaʼmo aliʼnone, huta nosune. Lapakesa afita fatago nehaya kavaʼmoʼa kosime kosime uno haisigetapaeʼmo aliʼyatimo magoʼe hutapa alita ala hutapa latesagetaeʼmo aeta lapakaseta visunafeʼmo lavayagunagu huta lapakava maiʼnone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ