Apa 5:11 - The Keyagana NT and 25 OT books

¹¹ Muki siosi vayaʼmogiʼe ani kavafeʼmo ava gemo afiʼnaya vayaʼmogiʼeʼmo lusi kava huʼa koli huʼnae.

Apa 5:11 ပူးပေါင်းရင်းမြစ်များ

Samu 89:7

Apaote vayaʼmo aliʼa anupa huʼa maiʼnayategamo Gotifekeʼmo lusi kava huʼa koli huʼnae. Gotiʼeʼmo magokepi lokaeʼa maiʼnaya vayaʼmogi agaefeʼmo koli huʼnae.

Apa 19:17

Muki vayaʼmo Efasasi taonifiʼmo maiʼnaya Yu vayanagi alu nofi vayanagi huʼa ani kavafeʼmo ava gemo afiteʼapaeʼmo lusi kava huʼa koli huteʼa Ala kava neʼmo Yesu agiʼaleʼmo aliʼa asaga huʼa ateʼnae.

Apa 2:43

Ani kavaʼmo huʼa maiʼnageʼapaeʼmo muki vayaʼmogimo hapau aiteʼa koli huʼnageʼapaeʼmo apa vayaʼmogimo muki noʼagaya agufa lokiya kavaʼmo huʼnae.

Apa 5:5

Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.

Apa 9:31

Ani afinaʼmo Goti mafaʼneʼamo aliʼa anupa huʼa maiʼnaya vayaʼmo Yutiya kotegagi Galeliya kotegagi Sameliya kotegagi huʼa maiʼnaya siosi vayaʼmogimo apaipamoʼmo falu huʼnigeʼa apayamufa huʼa maiʼnae. Gotifeʼmo koli huʼa maiʼnagenoʼaeʼmo Goti Aunemeʼamoʼmo alagepa huno hapa maeʼnigeʼa alagepa huʼa maiʼnageʼapaeʼmo magoʼe magoʼe huʼa asole vayaʼmo Goti mafaʼneʼamo hamaleʼnae.

Filipai 2:12

Gotiʼa agaiʼamo hauʼniyanageno amogaga aisiyafeʼmo lapaipafiʼmo aliʼyaʼmo neʼaliye. Lapakaemo alagepa kavafeʼmo lapaipa kalige huge hisayafeʼmo lapaipafiʼmo himamuʼaletiʼmo aliʼyaʼmo neʼaliyaʼmofeʼmo koli hutetapa atete nehutapaeʼmo aliʼyaʼmo aliyo. Nahauʼniya vayaʼnimogitapae, huʼna, Gotiʼa ani aliʼyaʼmo neʼaliyaʼmofeʼmo lapakufamo alita katita lapatetapa hano hiyo. Nagaemo lapakaeʼeʼmo magokepiʼmo lokaeʼna maiʼnova afinaʼmo lapakaemo akame huʼnaya agufa kavaʼmo hutapa hemenimo lapakaeʼeʼmo oʼmaiʼnovanagi magoʼe hutapa akame hiyo.

Himulu 11:7

Gotiʼa muki vayaʼmogimo oʼageʼnaya kavafeʼmo Noafeʼmo hunoʼaeʼmo, ehekae, huno, hosu vayaʼmo alagi aliʼna hano huʼna apatalegauve, huno ha paiʼnigeno Noaʼa lusi kava huno amoʼyamo aliʼnigeno agesamo afino fatago huʼniyaʼmofeʼmo afamo anagaʼamogi apakufamo alino katino apatesiyafeʼmo mago alopa sipimo alo huʼniye. Ani kavaʼmo huʼniya kavatetiʼmo ma mopafi vayaʼaifeʼmo, lapakaemo hosu kavaʼmo nehayanagetapa faligae, huno alino apave liʼniye. Agaemo Gotitegatiʼmo fatago kavaʼmo apakesamo afiʼa fatago nehageno neʼapamiya agufa fatago kavaʼmo aliʼniye.

Himulu 12:15

Fiku yanageʼa mago konagatapimogimo Gotiʼa fikumo hapa maeno neʼapamiya kavateʼmo uʼa haiʼa metalegayanagi kava yagaitapa maiyo. Fiku yanageno hafuʼyafatiʼmo ausisi aeteno hosu atu neheya yaʼmo afole aiteno hanageke yaʼmo alino lapamiteno asole vayaʼmo alino hosu huno apategaiyanagi yagaitapa maiyo.

Himulu 12:28

Lagaemo yagaiʼnaya kini vayaʼmogi nehaya kavaʼmo lateʼnigeta aliʼnonanageta alagepa huta maige maige huta maigune. Ani kavaʼmoʼa kanage kanage osugiyaʼmonanafa hanege hanege huno haneʼneno haneno hano osuno afaʼa hanegaiye. Ago lamiʼniyaʼmofeʼmo hao ke heteta Goti aiyafiʼmo maiʼneta koli huʼneta mono higetao.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.

Leveleseni 15:4

O Ala kava nene, huʼa, kagaikageʼmo kaote vekamo maiʼnanaʼmofeʼmo ina lagimo kagaefeʼmo koli osuʼa kagikaleʼmo aliʼa asaga osugae. Kagaemo anonaʼapilefeʼmo alagepa huka alika fako huka apateteka neʼapamina kavakamo ago afole aiʼniyaʼmofeʼmo muki alu nofi vaya alu nofi vayaʼmogimo eʼa kaulagaleʼmo kagaetefeʼmo mono hugae, huʼa huʼnae.