Apa 4:36 - The Keyagana NT and 25 OT books

³⁶ Magoke vekamo agiʼamo Yosefeʼa Livai nofi vayapati vekamo Saipalasi ani agoʼnanenafi vekamo maiʼniye. Apa vayaʼmogimo agiʼamo Manamasiʼae huʼa ateʼnae. Manamasiʼae agimo aepaʼamo ina kavaʼmo huno alino lokiya vaino neʼapateya vekamae.

Apa 4:36 ပူးပေါင်းရင်းမြစ်များ

Maki 3:17

Sepeti mafaʼnelaʼmo Yemisiʼe aganaʼamo Yoniʼefeʼmo Yesuʼa Moʼanasesi vekalane huno anaki anateʼniya anakimo aepaʼamo hakalu nehiya kava huno lokiya vekalanagi

Apa 11:30

Ani kavaʼmo huteʼa Manamasiʼe Soloʼeʼmo monimo anamiʼnaʼageʼana alini uʼana Yulusalemu taonifi Goti mafaʼneʼaiteʼmo yagaiʼa neʼapataya vayatama vayaʼmo apamiʼnaʼae.

Apa 12:25

Manamasiʼe Soloʼeʼmo aliʼyaʼanimo aliʼana hano huteʼanaeʼmo Yulusalemu taonifatiʼmo ataleʼana Yoni Makiʼa avaleliʼana atagi neʼana eʼnaʼae.

Apa 13:1

Atiyoki kotega siosileʼmo mago Gotitegati gemo alini eʼa aeʼa hakalo huʼa hapa nepaiya vayaʼe aliʼa apaya neʼmalaya vayaʼeʼmo maiʼnae. Ani vayaʼai apakiʼapimo Manamasiʼagi anupa vekae huʼa agi neʼaya vekamo Simiyoniʼagi Sailini kotega vekamo Lusiʼagi Maneyeniʼagi Soloʼagi huʼa maiʼnae. Maneyeni afaluʼamoʼmo Helotiʼa vayaʼaleʼmo yagaino neʼapateya vekamae.

Apa 13:15

Mago vayaʼmogimo Goti Mukufatiʼmo Mosese keʼaepa gemo lekana paiteʼa Gotitegati gemo alini eʼa aeʼa hakalo huʼa hapa nepaiya vayaʼmogimo avoʼmo kae maleʼnaya geʼeʼmo lekana paiʼnae. Lekana paiʼa hano huteʼapaeʼmo monoteʼmo neʼyagaiya vayaʼmogimo mago vekamo aliʼa ateʼnageno anakaetegamo enoʼaeʼmo, Konagalane, huno, Mago geletiʼmo alitana he titana latesaʼageta akame hisuna agufa gemo haneʼnisiyaʼmoʼmo laha paiʼao, huno hana paiʼnigeno

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 13:4

Goti Aunemeʼamoʼmo Manamasiʼe Soloʼeʼmo alino anateʼnigeʼana uʼana lamiʼana Selusiya taonifiʼmo uʼana avaʼyi huteʼana sipifiʼmo uʼana haiteʼana aniʼmo lakaeʼana Saipalasi ani agoʼnanenafiʼmo uʼnaʼae.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 15:2

Hapa nepaigeʼana Poloʼe Manamasiʼeʼmo afiteʼanaeʼmo, haʼao, huʼana, lapakaemo hosu gemo nehae, huʼana hapa paiteʼana lusi kava huʼana ge hapauʼnaʼae. Apakaemo Poloʼagi Manamasiʼagi mago Atiyoki kotega vayapatinagi huʼa lekana paiteʼa aliʼa apaya maleʼnaya gemo aliʼa alagepa huʼa atesayafeʼmo huʼapaeʼmo, Apa vayaʼaitegaʼe yagaiʼa neʼapataya vayatama vayaʼaitegaʼeʼmo utapa hapa paiyo, huʼa hapa paiteʼa aliʼa apateʼnageʼa Yulusalemu kotegamo uʼnae.

Apa 15:37

He, huno, Laʼagaemo Yoni Makiʼa avalelitaʼa uguʼae, huno ha paiʼniye.

Apa 15:39

lusi kava huʼana ge vaiteʼana aliʼana fako huʼana Manamasiʼa Makiʼmo avalelino sipifiʼmo uno haino Saipalasi ani agoʼnanenafiʼmo uno maiʼniye.

Apa 21:16

Mago Sisaliya vayaʼmo geʼamo neʼafiya vayaʼmogimo lagaemo lavaleliʼuʼa Nesoni nopiʼmo maigae, huteʼa noʼafiʼmo lateʼnae. Nesoniʼa Saipalasi kotega vekamo akeyaʼvilagamo agesamo afino fatago huʼniya vekamo maiʼniye.

Apa 21:3

mago ani agoʼnanenamo agiʼamo Saipalasi koʼmo hoga haopalega haneʼnigeta ageteta aeta agaseta Siliya kotegamo Taiya taonifiʼmo sipifi haneʼniya kagemi yaʼmo aliʼa malegefe huʼnaya taonifiʼmo uta avaʼyi huteta uta lamiʼnone.

Apa 27:4

Lagaemo ani taonifatiʼmo ataleta neʼunagenoʼaeʼmo visuna kategatiʼmo lusi kava huno yasimo alinineno aeno agoʼya faiʼnigeta Saipalasi ani agoʼnanenamoʼa aino hau vaiʼniya kateʼmo uʼnone.

Apa 9:27

Koli nehagenoʼaeʼmo Manamasiʼa eno ha maeno apa vayaʼaitegamo avalelino uʼniye. Manamasiʼa apa vayaʼaifeʼmo hunoʼaeʼmo, Soloʼa kategamo neʼunoʼaeʼmo Ala kava neʼmo ageʼnigeno Ala kava neʼmoʼa ha paiʼniye. Inagi Soloʼa uno Yesu agiʼalefeʼmo Namasakasi kotegamo lokiya himamuʼaletiʼmo aeno hakalo huno hapa paiʼniye, huno hapa paiʼniye.

1 Kolitiyani 14:3

Hapa nepaiyaʼmonanafa Gotitegati gemo alini eʼa aeʼa hakalo huʼa hapa nepaiya vayaʼmogimo aliʼa lokiya vaiʼa apatege alagepa kavaʼmo hisayafeʼmo aliʼa he tiʼa apatege hanageke yaʼmo neʼaliya vayaʼmo hapa maege nehae.

1 Kolitiyani 9:6

Nagaeʼe Manamasiʼeʼmo laʼagaitiʼageʼmo neʼyaʼmo nesuʼa aliʼyaʼmo alitetaʼa afaʼa oʼatalesuʼafiye.

Galesiya 2:1

Inagi fotiniʼa kafugamo maiteʼnaeʼmo halate Yulusalemu taonifiʼmo Manamasiʼeʼmo Taitasiʼmo avalelitaʼa uʼnoʼae.

Galesiya 2:13

Yu konagatimogi ani hosu kavaʼmo amega apakufamoʼmo hauʼniya kavaʼmo huʼa vayaʼaifeʼmo koli huʼnayaʼmofeʼmo Pitaʼeʼmo hosu kavaʼmo huʼniye. Manamasiʼeʼmo ayate aliʼnageno apakame huʼniye.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.

Kolosi 4:10

Alisitakasiʼa nagaeʼeʼmo kalavusimo huʼniya vekamoʼmo ge lapamamaeʼniye. Makiʼa Manamasi avuʼamoʼmo ge lapamamaeʼniye. Agaefeʼmo, esigetapaeʼmo alita falu fala huta atetetapa neʼyaʼmo amiyo, huʼna lapa paiʼnove.