Apa 4:33 - The Keyagana NT and 25 OT books

³³ Apa vayaʼmogimo Ala kava neʼmo Yesuʼa faliʼniyatetiʼmo he tiʼniya kavafeʼmo magoʼe huʼa himamuʼaletiʼmo ava gemo huʼnagenoʼaeʼmo Gotiʼa alagepa huno fiku hapa maeno apamiʼnigeʼapaeʼmo apakiʼapileʼmo aliʼa asaga huʼa apateʼnae.

Apa 4:33 ပူးပေါင်းရင်းမြစ်များ

Maki 16:20

Apakaemo muki haopalegamo umenitata huʼa aeʼa hakalo huʼa hapa paiʼnagenoʼaeʼmo Ala kava neʼmoʼa apakaeʼeʼmo magokepi lokaeno aliʼyaʼmo aliteno hapa paiʼnaya geleʼmo aune kavatetiʼmo alino lokiya vaino ateʼniye. He, lama ge.

Luki 2:52

Yesuʼa ko sitenoʼaeʼmo magoʼe huno alagepa huno afiʼniye. Gotiʼe vayaʼamogiʼeʼmo magoʼe huʼa amuse huʼa ateʼnae.

Yoni 1:16

Muki alagepa yaʼamo fiku laha maeno lamisiya yaʼamo agae aipafiʼmo havai teʼniya yaʼmo ani kava huno fiku laha maeno lamiteno halate magoʼe huno laha maeno lamiʼnigeta ago aliʼnone.

Apa 1:8

Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo

Apa 2:47

Goti agiʼaleʼmo aliʼa asaga huʼa maiʼnae. Muki vayaʼmogimo Goti mafaʼneʼaifeʼmo hapao ke heʼnageʼapaeʼmo alagepa huʼa maiʼnae. Ala kava neʼmoʼa muki afinaʼae afinaʼaeʼmo mago vayaʼai apakufamo alino katino apateteno siosi vayaʼaʼeʼmo magokepi alino anupa huno apateʼniye.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

1 Tesaloniyani 1:5

Alagepa faigoko geʼamo aeta hakalo huta lapa paiʼnonagenoʼaeʼmo lapaipafiʼmo geʼageʼmo afole oʼaiʼnifa himamuʼaʼe geʼaletiʼmo aliʼyaʼmo aliteno alino afole aino ateʼniye. Aote Aunemeʼaletiʼmo lapa paiʼnonagetapaeʼmo, he, lama gemo nehae, hutapa magoke lapaipa lapakesamo afiʼnae. Lapa maesunafeʼmo lapakaeʼeʼmo magokepi lokaeta maiʼneta haiya agufa kavaʼmo huta aliʼyaʼmo aliʼnopi huta ago lageʼnae. Ani kavaʼmo lapakaeteʼmo afole aiʼniyaʼmofeʼmo Gotiʼa lekana paino lapateʼniye, huta lapakeʼnone.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.