Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Apa 4:32 - The Keyagana NT and 25 OT books

32 Muki apakesamo afiʼa fatago nehaya vayaʼmogimo magoke apaipa apakesamo aliʼneʼapaeʼmo mago vekamoʼmo aliʼniya yafeʼmo, nagaiʼni yane, huno osuʼnifa mukiʼamogimo muki aliʼnaya yafeʼmo, lagaiti yane, huʼa huʼnae.

အခန်းကိုကြည့်ပါ။ ကော်ပီ




Apa 4:32
21 ပူးပေါင်းရင်းမြစ်များ  

Hemenimo ma mopafiʼmo magoʼe huʼna oʼmaiʼna ataleʼna kagaetegamo uʼna haiguvaʼmonanafa apakaemo ma mopafiʼmo maiʼnae. Afo, huʼna, kaote vekamo maiʼneka alagepa kavaʼageʼmo nehana vekae, huʼna, ani kavaʼmo hutaʼa magokeʼageʼmo maiʼnoʼa kava huʼa apavaleka namiʼnana vayaʼmo magokeʼageʼmo maiʼnayanageʼa ani kava huʼa maisayafeʼmo himamukaletiʼmo yagaika apato.


Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.


Yu vayaʼai hopa afinaʼmo agiʼamo Petikosi afinaʼmo afole aiʼnigeʼapaeʼmo muki apakesamo afiʼa fatago huʼnaya vayaʼmo magoke apaipa apakesamo aliteʼa mago nopiʼmo aliʼa anupa huʼa maiʼnae.


Ani afinaʼmo apa vayaʼmogimo muki noʼagaya agufa lokiya aune kavaʼmo huʼnae. Muki siosi vayaʼmogi magoke agufa apaipa apakesamo aliteʼa Salomoni hiyato nopiʼmo uʼa aliʼa anupa huʼa maiʼnae.


Ani kava huta asole vayaʼmo maiʼnetaeʼmo Kalaisiʼa magoke vekamo agufafiʼmo maiʼnone. Lamete lamete huta maiʼnonaʼmonanafa magoke vekamo agufafiʼmo alu ya alu yaʼamo maiʼnonaʼmofeʼmo afalu afalugana huta maiʼnone.


Konagaʼnimogitapae, huʼna, Ala kava netimo Yesu Kalaisi agiʼaletiʼmo ge huʼnaeʼmo, Alita fako hutapa alu vaya alu vayaʼmo oʼmaitapa magoke vayaʼmo maiʼnetapa magoke agufa geʼageʼmo hutapa maiyo. Alagepa hutapa magokepi lokaeta maitetapa magoke lapaipa lapakesamo alita maiyo.


Konagaʼnimogitapae, huʼna, hemenimo geʼnimo alagi huʼna hano huvanagi lapamogaga aitapa maiʼnetapaeʼmo kavatapimo alita api aitapa maiyo. Hiyo, huʼna avoʼmo kaeʼnova gemo afitetapa akame hiyo. Magoke lapaipa lapakesamo alitetapa maiyo. Alagepa hutapa magokepi lokaetapa maigenoʼao Gotiʼa hapau apayamopafiʼmo hapauʼnigeʼa alagepa huʼa magokepi lokaeʼa neʼmaiya kavaʼmo afoʼamoʼmoʼmo lapakaeʼeʼmo magokepi lokaeno maino.


Lapakaemo magoke kavaʼmo hutapa Kalaisifeʼmo alagepa faigoko geʼamo akame hutetapa alagepa kavaʼmo hutapa maiyo. Maiʼnisageʼnaeʼmo lapakaetegamo uʼna lapakesufi olapakesufigeʼa mago vayaʼmogimo, oʼataleʼa magoke apaipa apakesamo aliteʼa Kalaisifeʼmo alagepa faigoko geʼalefeʼmo magokepi lokaeʼa maiʼneʼa kamemo nehae, huʼa lapava gemo huʼa naha paisageʼna afiguve.


Nagaemo atupa geʼnimo lapa paiʼnaeʼmo, magoke lapaipa lapakesamo alitetapa magoke agufa lapaipamo kalitapa maiyo. Konagatapieʼmo afalu afalugana agufa kavaʼmo hutapa lapau lapayamopafiʼmo lapaino. Lapau hutapa apateyo. Vayaʼaitegamo himuʼnamu kavaʼmo osutapa vase vase kavaʼmo hiyo.


Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ