Apa 4:31 - The Keyagana NT and 25 OT books

³¹ Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Apa 4:31 ပူးပေါင်းရင်းမြစ်များ

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 2:1

Yu vayaʼai hopa afinaʼmo agiʼamo Petikosi afinaʼmo afole aiʼnigeʼapaeʼmo muki apakesamo afiʼa fatago huʼnaya vayaʼmo magoke apaipa apakesamo aliteʼa mago nopiʼmo aliʼa anupa huʼa maiʼnae.

Apa 2:2

Maiʼnagenoʼaeʼmo malage huno kokuʼnapatiʼmo lusi yasimo aliteno age aigekana huteno maiʼnaya nopiʼmo uno haino havai teʼniye.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 4:13

Kanisole vayaʼmogimo anakayana Pitaʼe Yoniʼeʼmo sukulu osuʼnaʼa vekalaʼmo maiʼnaʼaʼmonanafa lokiya gefatiʼmo huʼana hapa paiteʼanaeʼmo koli osuʼana afaʼa maiʼnaʼageʼapaeʼmo anaketeʼanaeʼmo, ae, huʼa, hogoteʼana Yesuʼeʼmo lokaeʼana maiʼnaʼa vekalane, huʼa apakesa afiteʼa hapau aiʼnae.

Apa 4:29

Ala kava nene, huʼa, Hemenimo lokiya gemo lamagisaya kavafeʼmo laha paiʼnaya gemo afiyo. Afiteka lokiya vaika lategetao aliʼyakamo neʼaluna vayaʼmogita gekamo aeta hakalo huta hapa paino.

Filipai 1:14

Kalavusifiʼmo maiʼnogeʼapaeʼmo asole konagatimogi nageʼnayaʼmofeʼmo lokiya vaiʼa maiʼneʼapaeʼmo Ala kava nefeʼmo magoʼe huʼa apakesamo afiʼa fatago nehuʼapaeʼmo koli osuʼa he tiʼa Goti geʼamo aeʼa hakalo huʼa hapa nepaiye.

Filipai 1:20

Hosu kavaʼmo huteʼna navagage hisiya kavafeʼmo alagi noʼnahaiye. Alagepa kavaʼmo huguve, huʼna naipamo kaliteʼna navayagunagu huʼna agava neʼmauve. Hogoteʼna Kalaisi agiʼaleʼmo muki afinaʼmo aliʼna asaga huʼnovanageʼna falisufi afaʼa maisufigeʼna hemeniʼeʼmo ani kavaʼmo huʼna aiseʼamo koli osuʼnovanageʼna agiʼaleʼmo aliʼna asaga hugesuve.

Yemisi 1:5

Lapakaepatiʼmo mago vekamoʼmo ageteno afiʼniya kavaʼamo magoʼe huno oʼaliʼnisiyaʼmoʼmo Gotifeʼmo ge huno afi gesigeno Gotiʼa ge ohaugiyanageno muki vayaʼaina magoʼe huno apamigiye.