Apa 4:21 - The Keyagana NT and 25 OT books

²¹ Kanisole vayaʼmogi ani gemo afiteʼapaeʼmo anamagisayafe huʼnayana muki vayaʼmogi afole aiʼniya kavafeʼmo Goti agiʼaleʼmo aliʼa asaga huʼnayaʼmofeʼmo anakufaleʼmo mago hosu hanageke yaʼmo anamisaya kaʼmo oʼageʼa anataleʼnageʼana uʼnaʼae.

Apa 4:21 ပူးပေါင်းရင်းမြစ်များ

Matiyu 15:31

Ani asole vayaʼmo apakeʼnayana apakemo noʼaiya vayaʼmogimo apakemo aige apaiya apayaʼmo kafafe kafafa huʼniya vayaʼmo alagepa huʼa maige apaiyamo hosuʼniya vayaʼmo alagepa huʼa uʼeʼa huge apaulagamo ali huʼniya vayaʼmo apaulagamo ageʼa ayakege huʼnageʼa apaketeʼapaeʼmo hapau aiʼnae. Inagi Isaleli vayaʼai Gotiʼapimo agiʼaleʼmo aliʼa asaga huʼnae.

Matiyu 21:46

Apakaemo kalavusi huʼa atesayafeʼmo huʼnayaʼmonanafa asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa huʼnayaʼmofeʼmo koli huʼnae.

Matiyu 26:5

Apakaemo, fiku yanageʼa apano aegae, huʼa apakesamo afiteʼa, hopa afinaʼmo oʼatafaugune, huʼa huʼnae.

Matiyu 9:33

Yesuʼa hosu aune vekamo alino hafaino ataleʼnigenoʼaeʼmo agemo oʼaino neʼmaiya vekamoʼmo aepa faino agemo aiʼnigeʼapaeʼmo aliʼa anupa huʼa maiʼnaya vayaʼmogi ageteʼa hapau aiteʼapaeʼmo, Hogoteno Isaleli kotegamo ani agufa kavaʼmo afole oʼaiʼniye, huʼa huʼnae.

Matiyu 9:8

Asole vayaʼmogimo ani kavaʼmo ageteʼapaeʼmo lusi kava huʼa hapau aiteʼa Gotiʼa ani agufa himamuʼamo vayaʼmo alino neʼapamiyaʼmofeʼmo agiʼaleʼmo aliʼa asaga huʼa ateʼnae.

Luki 13:17

kame vayaʼamogi afiteʼa apavagage huʼniyaʼmonanafa muki vayaʼmogi noʼagaya agufa alagepa kavaʼmo huʼnigeʼa ageteʼapaeʼmo apamogaga aiʼnae.

Luki 20:19

Keʼaepa gemo avoʼmo kaeʼa aliʼa apaya neʼmalaya vayaʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo huʼapaeʼmo, ani aeno kalafefa gemo lagaefekeʼmo huʼniye, huʼa huteʼa ani afinaʼmo kalavusi huʼa atesayafeʼmo huʼnayaʼmonanafa afa vayaʼaifeʼmo koli huʼnae.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Luki 22:2

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo Yesuʼmo amagisaya kafeʼmo kahauya huʼnayaʼmonanafa vayaʼaifeʼmo koli huteʼa oʼatafauʼnae.

Luki 5:26

Muki vayaʼamogimo ani kavaʼmo ageteʼapaeʼmo hapau aiteʼa Goti agiʼaleʼmo aliʼa asaga huʼa ateteʼapaeʼmo, hemenimo aeto agufa alagepa kavaʼmo ageʼnone, huʼa huʼnae.

Apa 4:17

Ani gemo magoʼe huno aino atagu ofaesiyafeʼmo lokiya gemo huta hana paigune. Halate Yesu agiʼamo aetana hapa opaiʼao, huta hana paigune, huʼa huʼnae.

Apa 4:22

Ani aliʼana api aiʼana ateʼnaʼa vekamoʼmo fotiʼa kafugamo aeno agaseno maiʼniye.

Apa 5:13

Muki malaga vayaʼmogimo Goti mafaʼnemogi apakiʼapileʼmo aliʼa asaga huʼa apateʼnayaʼmonanafa eʼa magokepi aliʼa anupa huʼa maisayafekeʼmo koli huʼnae.

Apa 5:26

Ati vayaʼaiteʼmo yagaino neʼapateya vekaʼe ati vayaʼaʼeʼmo uʼa apa vayaʼmo apavaleliʼa eʼnae. Apakaemo huʼapaeʼmo, fiku yanageʼa vayaʼmogimo yafa kayotetiʼmo lamagigae, huʼa apakesamo afiteʼa oʼapamagiʼa afaʼa vase huʼa apavaleliʼa eʼnae.

Apa 5:40

Kanisole vayaʼmogimo ani gemo afiteʼapaeʼmo akame huʼa apa vayaʼaifeʼmo keya aeʼnageʼa eʼnageʼapaeʼmo nofi kayotetiʼmo apamagiteʼapaeʼmo, Yesu agiʼalefeʼmo gemo osiyo, huʼa hapa paiteʼa aliʼa apataleʼnageʼa uʼnae.