20 Ageʼnoʼa kavaʼe afiʼnoʼa geʼeʼmo hapa paitaʼa hano huguʼae, huʼana hapa paiʼnaʼae.
Apakaemo ani kava huʼa maiʼnayaʼmonanafa nagaemo Yekopu nofi vayaʼe Isaleli nofi vayaʼefeʼmo huʼnaeʼmo, Hosu kavaʼmo huʼnae, huʼna hapa paisuvafeʼmo Ala kava neʼmo Aunemeʼamoʼmo lokiya vaino nateʼnigeno naipafiʼmo lokiyaʼnigi alagepa huʼna aliʼna fako hisuva kavanagi himamuʼagi huno havai teʼniye.
Melamiʼmo Melakifeʼmo hunoʼaeʼmo, Nagaemo kagaetegamo ago eʼnovaʼmonanafa. Nagaemo muki agufa gemo afaʼa hisufiye. Haʼao, nagaemo Gotiʼa naha paisiya geʼageʼmo huguve. Alu gemo hisuva himamuʼnimo ohaneʼniye, huno ha paiʼniye.
Afiyo, huno, Gotiʼa hisuva gemo naha paiʼniye. Kagaemo alika auleka apato. Agaemo alino auleno apateʼniyaʼmofeʼmo alu gemo afaʼa osuguve.
Oʼafigayaʼmonanafa Goti Aunemeʼamo aote Aunemeʼamo lapakaeteʼmo emineno lokiya vaino lapatesigetapa Yulusalemu taonifinagi muki Yutiya kotegagi Sameliya kotegagi muki ma mopamo loleʼe loleʼe atupalegagi hutapa nava gemo aeta hakalo hutapa hapa paimale hapa paimale hugae, huno hapa paitegenoʼaeʼmo
Sailasiʼe Timotiʼeʼmo Masetoniya kotegatiʼmo Polotegamo eʼana avaʼyi huʼnaʼagenoʼaeʼmo Poloʼa aipamoʼmo kana huʼnigenoʼaeʼmo aipafatiʼmo Yu vayaʼaifeʼmo aeno hakalo huno hapa painoʼaeʼmo, Yesuʼa Kalaisi vekamo maiʼniye, huno hapa paiʼniye.
Gotiʼa mani vekamo Yesuʼmo ago alino he tino ateʼnigeta ageteta aeta hakalo huta hapa nepauna vayaʼmo maiʼnone.
Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.
Kagaemo aliʼyaʼamo alikaeʼmo ageʼnana kavaʼe afiʼnana geʼeʼmo muki vayaʼaifeʼmo aeka hakalo huka hapa paigane.
hutapa ha paitetapa afaʼa maisaya yaʼmo neʼapamiya vekamo amagiʼnageno faliʼniyaʼmonanafa Gotiʼa ago alino he tino ateʼniye. Ago he tiʼnigeta ageʼnonaʼmofeʼmo hemenimo aeta hakalo huta hapa nepauna vayaʼmo maiʼnone.
Lagaemo ani kavafeʼmo ava gemo huta aeta hakalo huta hapa nepauna vayaʼmo maiʼnone. Lagaeʼe Goti geʼamo akame nehaya vayaʼaina fiku hapa maeno apamiʼniya Aunemeʼamoʼeʼmo ava gemo nehune, huʼa hapa paiʼnae.