Apa 3:8 - The Keyagana NT and 25 OT books

⁸ aeno hailo huno he titeno aepa faino ka umenitata huʼniye. Anakaeʼeʼmo alopa mono nopiʼmo uno nehainoʼaeʼmo aeno hailo huge kaʼmo umenitata huge Goti agiʼaleʼmo alino asaga hume hume uge huʼniye.

Apa 3:8 ပူးပေါင်းရင်းမြစ်များ

Aiyeya 35:6

He, ani afinaʼmo apaiyamo hosuʼniya vayaʼmo afela afugana huʼa aeʼa hailo hailo huge apake noʼaiya vayaʼmogimo yokemo huge hugae. Mopamo aeno apalo tisigeno aniʼmo kaʼme kotegamo lusi kava huno aino atagu faegaiye. Aniʼmo ohaneʼnisiya kotegamo alopa aniʼmo uno lamigiye.

Luki 18:43

malage huno aulagamo ageno ayaketeno akame huno neʼunoʼaeʼmo Goti agiʼaleʼmo alino asaga hume hume uʼnigeʼa ageteʼapaeʼmo muki vayaʼmogimo Goti agiʼaleʼmo aliʼa asaga huʼa ateʼnae.

Luki 6:23

Ani agufa kavaʼmo lapakaetegamo hisaya afinaʼmo lapamogaga aitetapa lapavayagunagu nehutapaeʼmo aeta hailo hiyo kokuʼnapatiʼmo alopa miyatapimo aligae. Lapakaetegamo hisaya agufa kavaʼmo huʼa apakinago vayaʼmogi ani kavaʼmo huʼa Gotitegati gemo alini eʼa aeʼa hakalo huʼa hapa nepaiya vayaʼaitegamo huʼnayaʼmofeʼmo lapamogaga aiyo.

Yoni 5:14

Henagaʼamo agaemo Yu vayaʼai alopa mono nopiʼmo Yesuʼa maiʼnigeno agetenoʼaeʼmo, afiyo, huno, hemenimo alagepa huka maiʼnane. Hosu kavakamo ataleka magoʼe huka osuvo, fiku yanageka magoʼe huka hosu kavaʼmo hisanagenoʼaeʼmo kaitakamo aeno agaseno magoʼe hanageke yaʼmo kagaeteʼmo afole aigiye, huno ha paiʼniye.

Apa 14:10

alopa gefatiʼmo hunoʼaeʼmo, He tika aeka apafe lo, huno ha paiʼnigenoʼaeʼmo malage huno he tino aeno hailo huno uneno huʼniye.

Apa 19:16

Hosu aune vekamo aipafiʼmo maiʼniya vekamoʼmo lusi kava huno apamagino apakufamo aino atalagauteno kukena yaʼapimo alino apake aino alino asagino ataleteno aeno apakaseʼnigeʼapaeʼmo noʼafatiʼmo apakufalagaʼageʼmo ataleʼa apaune hetaleʼa uʼnae.

Apa 3:7

huno huteno lamaga huno ayateʼmo alino he tino ateʼniye. Alino he tino ateʼnigeno aiyaʼe aiya auʼaʼeʼmo lokiya vaiʼnigeno