Apa 3:6 - The Keyagana NT and 25 OT books

⁶ Pitaʼa hunoʼaeʼmo, monimo alagi oʼaliʼnovaʼmonanafa aliʼnova yaʼmo kamiguve. Yesu Kalaisiʼa Nasalasa taonifi vekamo agiʼaletiʼmo he tika umenitata huvo, huʼna kaha nepauve,

Apa 3:6 ပူးပေါင်းရင်းမြစ်များ

Matiyu 10:9

Goli monimogi siluva monimogi ata leno sagalifa monimogi hutapa kutapifiʼmo ailita oʼviyo.

Matiyu 7:22

Ani alopa afinaʼmo afole neʼaisigeʼapaeʼmo asole vayaʼmogimo nagaefeʼmo, Ala kava nene, Ala kava nene, huʼa, kagikaletiʼmo Goti geʼamo aeta hakalo huta hapa opaiʼnopiye. Kagikaletiʼmo vayaʼai apaipafatiʼmo sigisiʼa hosu apaune vayaʼmo alita hapa faita oʼapataleʼnopiye. Kagikaletiʼmo asole noʼagaya aune kavaʼmo osuʼnopiye, huʼa naha paisageʼnaeʼmo,

Maki 14:8

Afaʼa huʼniyesina agufa kavaʼmo ago huno nateʼniye. Hogoteno nagufamo alino alo huno nateʼniyanageʼna falisugeʼapaeʼmo kanolufiʼmo kiʼa nategae. Kanolufiʼmo kiʼa natesayafeʼmo alagepa atu neʼaiya uvelimo faleno nateʼniye.

Maki 16:17

Apakesamo afiʼa fatago nehaya vayaʼmogi ani agufa noʼagaya aune kavaʼmo hugae. Apakaemo nagiʼniletiʼmo hosu apaune vayaʼaina aliʼa hapa faiʼa apatalege saufa apakemo aige

Yoni 19:19

Pailatiʼa mago gemo avoʼmo kaeteno mago vekamo amiʼnigeno agenopaleʼmo malipu yosaleʼmo nili ai maleʼniye. Ani gemoʼmo hunoʼaeʼmo, Yesuʼa Nasalasa vekamo Yu vayaʼaiteʼmo ala vekaʼapimo yagaino neʼapateya kini vekamae, huno avoʼmo kae maleʼniye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.

Apa 2:36

Ani gemo huʼniyaʼmofeʼmo muki Isaleli vayaʼmogitamo ani kavafeʼmo magoke laipa lagesamo aligetao. Lapakaemo ani vekamo Yesuʼmo yosaleʼmo ago nili aiʼnaya vekaeʼmo Gotiʼa hunoʼaeʼmo, Ala kava nene, huno ateteno Kalaisiʼae, huno lekana paino ateʼniye.

Apa 3:16

Laʼagaemo agaemo himamuʼaletiʼmo agiʼalefeʼmo agesamo afino fatago huʼniya kavatetiʼmo mani ageʼnaya vekamo ayamufamo alitaʼa lokiya vaitaʼa ateʼnoʼae. He, huno, agaetetiʼmo afole aiʼniya kavafeʼmo agesamo afino fatago huʼniya kavatetiʼmo alagi alitaʼa lokiya vaitaʼa ateʼnoʼageno lapaulagaleʼmo maiʼniye.

Apa 3:5

mago yaʼmo namisaʼafeʼmo haʼae, huno agesa afiteno neʼanakegeʼanaeʼmo,

Apa 3:7

huno huteno lamaga huno ayateʼmo alino he tino ateʼniye. Alino he tino ateʼnigeno aiyaʼe aiya auʼaʼeʼmo lokiya vaiʼnigeno

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

Apa 4:7

Maiʼneʼapaeʼmo apa vekalaʼmo folagapiʼmo aliʼana he tiʼana anateʼneʼapaeʼmo, Haiya agufa himamutaniletiʼe ina la agiʼaletiʼeʼmo ani kavaʼmo huʼnaʼae, huʼa anafi geʼnagenoʼaeʼmo

Apa 9:34

Agetenoʼaeʼmo Iniyasiyo, huno, Yesu Kalaisiʼa alino kahageno kateʼnigi he tika yakaikonakamo alika alagepa huka maiyo, huno ha paiʼnigeno malage huno he tiʼniye.

1 Kolitiyani 4:11

Laga tege anifeʼmo lahauge hosu kukenamo vaige huta maime maime eta hemeniʼeʼmo ani kava huta neʼmaune. Lamagige lamagige huʼa neʼmaigenoʼaeʼmo notimo ohaneʼnigeta nata vayaʼmo maiʼnone.

2 Kolitiyani 6:10

Laipamoʼmo kana nehiyaʼmonanafa muki afinaʼmo lamogaga neʼaune. Kagemi yatimo ohaneʼniya vayaʼmo maiʼnonaʼmonanafa alopa kagemi yaʼmo apamiʼnonageʼapaeʼmo alopa kagemi yaʼapimo haneʼniya vayaʼmo nehamalae. Ma mopafi yaʼmo oʼaliʼnonaʼmonanafa muki yaʼamo aliʼnone.

2 Kolitiyani 8:12

Lapakaemo hogoteno lapauʼnisiyaʼmoʼmo maleʼnisaya yapatiʼmo alita fako hutapa magoke aiyaya hutapa hisagenoʼaeʼmo Gotiʼa haugiye. Gotiʼa moniʼapimo ohanesigeʼa ofalinimo osisaya vayaʼaifeʼmo ofalinimo hiyo, huno afaʼa osugiye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.

Yemisi 2:5

Neʼnahaiya konagaʼnimogitapamo afiyo, huʼna, Gotiʼa kagemi yaʼapimo ohaneʼniya vayaʼmo apakesamo afiʼa fatago nehaya kavaʼmoʼa kagemi yaʼapikana huno hanesigeʼa neʼyagaiya koʼmo alisayafeʼmo lekana paino apateʼniye. Gotiʼa agaefeʼmo hapau apayamopafiʼmo hapauʼnisiya vayaʼaifeʼmo hunoʼaeʼmo, mafaʼne anagaʼmogi afoʼapimo yaʼmo neʼaliya kava hutapa ani neʼyagauva koʼmo aligae, huno hapa paiʼniyaʼmofeʼmae.

1 Pita 4:10

Kava vekamo aepa vekatapimo yateʼmo neʼyagaiya kava hutapa asole yaʼmo fikumo lapa maeno lapamiʼniya yaʼmo alita fako hutapa apamigeʼapa anonaleʼmo lapamiyo.