Apa 3:24 - The Keyagana NT and 25 OT books

²⁴ He, muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmo Samiyoʼe Samiyo akamelegatiʼmo eʼnaya vayaʼmogiʼeʼmo hemenimo afole aiʼniya kavafeʼmo hogoteʼa ava gemo huʼa hapa paiʼnae.

Apa 3:24 ပူးပေါင်းရင်းမြစ်များ

Samu 99:6

Mono huʼa neʼapataya vayapatiʼmo Moseseʼe Eloniʼeʼmo maiʼnaʼae. Samiyoʼeʼmo ani vayapatiʼmo Goti agiʼalefeʼmo nunumuʼmo huʼa keya aeʼa ge huʼnaya vayapatiʼmo maiʼniye. Apakaemo Ala kava nefeʼmo nunumuʼmo huʼnagenoʼaeʼmo afiteno geʼapileʼmo aeno atagaina huʼniye.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Apa 13:20

Agaemo agoti gemo neʼafiya vayaʼmo apavaleno apamiʼnigeʼapaeʼmo fo hataleti fifitiʼa kafugamo yagaiʼa apateme apateme neʼagenoʼaeʼmo Samiyoʼmo Gotitegati gemo alinineno aeno hakalo huno hapa nepaiya vekamo afole aiʼniye.

Apa 17:3

Ani gemo aepaʼamo aeno hakalo huno hapa painoʼaeʼmo, Goti geʼamo alino afole aino atesiyafeʼmo Mesaiya vekamo Gotiʼa alino ateʼnigeno emineʼniya vekamo faliteno ago he tiʼniye, huno Goti Mukufi haneʼniya geletiʼmo alino apaya maleʼniye. Poloʼa hunoʼaeʼmo, Ani ava gemo aeʼna hakalo huʼna hapa nepauva vekamo Yesuʼa Mesaiya vekamo maiʼniye, huno hapa paiʼniye.

Apa 26:23

Apakaemo huʼapaeʼmo, Kalaisi vekamo Gotiʼa lekana paino ateʼniya vekamo agafu kisigeno faliteno kanolufatiʼmo hogoteno he tigiye. Agaemo he tino Gotiʼa hapa maesiya ha le yafeʼmo Yu vayaʼe alu kotega vayaʼefeʼmo aeno hakalo huno hapa paigiye, huʼa hapa paiʼnae, huno hapa paiʼniye.

Apa 3:19

Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Apa 3:21

Agaemo hogoteno kokuʼnapiʼmo maime maime neʼvisigenoʼaeʼmo muki yaʼamo saufa yaʼmo alino hamaleno atesiya afinakeʼmo afole aisigenoʼaeʼmo eminegaiye. Ani kavatefeʼmo Gotiʼa akeyaʼvilaga apaote vayaʼmogi agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo huʼniye.

Lomu 3:21

Ani kava huʼa maiʼnayaʼmonanafa hemenimo Gotiʼa fatago kavaʼamo agaiʼalegatiʼmo alino apave neliye. Keʼaepa geʼamo akame nehaya kavatetiʼmo noʼapamifa fikumo hapa maeno neʼapamiye. Moseseʼe Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo avoʼmo kae maleʼnaya gefatiʼmo ani kavafeʼmo ava gemo aeʼa hakalo huʼa hapa nepaiye.

1 Samiyo 2:18

Ani afinaʼmo Samiyoʼmo aise mafaʼnemo maiʼniyaʼmonanafa Ala kava neʼmo aulagaleʼmo agaemo monoʼmo huʼa neʼapataya vayaʼmogimo vaiʼa neʼaliya kukenamo vaino aliʼneno aliʼyaʼmo aliʼniye.

1 Samiyo 3:1

Neya mafaʼnemo Samiyoʼmo Ala kava neʼmo aliʼyaʼamo aliʼnigeno Ilaiʼa yagaino ateniya afinaʼmo Ala kava neʼmoʼa Isaleli vayaʼaifeʼmo magoke magoke afinaʼatomo gemo hapa paiʼniye. Ala kava neʼmoʼa apamiʼniya alagamuna oʼageʼnayaʼmofeʼmo muki vayaʼmogimo Ala kava neʼmo geʼamo oʼafiʼnae.

1 Samiyo 3:20

Muki haopalegamo maiʼnaya Isaleli vayaʼmogimo Neni taonifatiʼe Miyasipa taonifatiʼeʼmo eʼa maiʼnaya vayaʼmogimo Samiyoʼmo ageʼapaeʼmo Ala kava neʼmoʼa agaiʼalegati gemo alinineno aeno hakalo hisiya vekamo maisiyafeʼmo alagi alino he tino ateʼnigeʼa ageʼnae.