Apa 3:19 - The Keyagana NT and 25 OT books

¹⁹ Ani kavaʼmo huʼniyaʼmofeʼmo lapaipamo alitapa afe legenoʼao Gotiʼa hosu kavatapimo alino ataleteno aipamoʼmo falu huno lapateno.

Apa 3:19 ပူးပေါင်းရင်းမြစ်များ

Samu 103:12

Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 51:13

Ani kava hisanageʼnaeʼmo gekamo amagiʼa neʼatalaya vayaʼaifeʼmo ina kavaʼmo huvo, huka nehana gekamo aliʼna apaya malesugeʼapaeʼmo aiʼa afe leʼa kagaetegamo egae.

Samu 51:9

Hosu kavaʼnimo oʼageka aika afe leka maiyo. Muki hosu kavaʼnimo aeka kalo paeka atalo.

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Aiyeya 51:11

Ina kava huʼa Ala kava neʼmoʼa miya faino hatu maeno apateʼniya vayaʼmogimo aiʼa atagi neʼa yokemo nehuʼapaeʼmo Saiyoni taonifiʼmo egae. Muki afinaʼmo apamogaga aige aige huʼa maigae. Apakaemo magoʼe huʼa kana yaʼmo oʼalige yulagefa oʼaige hugayaʼmonanafa alagepa huʼa maige maige huʼa maigae.

Aiyeya 6:10

Kagaemo oʼafisaya apaipamo alika kalika apato. Apakesamo alika akaniteka apaulagamo alika ali huvo. Fiku yanageʼa apaulagafatiʼmo agege apakesafatiʼmo afige aliʼa apaipafiʼmo malege huteʼa nagaetegamo aiʼa atagineʼa esageʼna aliʼna alagepa huʼna apategauve, huno naha paiʼniye.

Aiyeya 61:3

Saiyoni taonifiʼmo maiʼnaya vayaʼmogi yulagefa neʼaiya vayaʼmo apaipamo aliʼna falu huʼna apatege apakenopafatiʼmo laʼnefamo aliʼna ataleteʼna kanale konalimo aliʼna apatege aviʼyaʼmo nehaya kavaʼapimo aliʼna ataleteʼna apamogaga aisaya uvelimo apakufaleʼmo faleʼna apatege apaipamo kana huʼniya kavaʼapimo aliʼna ataleteʼna yokemo hisayafeʼmo aliʼna lokiya vaiʼna apatege hisuvafeʼmo alino nateʼnigeʼna eʼnove. Vayaʼmogimo ani vayaʼaifeʼmo huʼapaeʼmo, Apakaemo fatago kavatefeʼmo alagepa alagamo neʼaeya yosagana huʼa maiʼnae. Ala kava neʼmoʼa fai maleʼniye, huʼa huteʼa agiʼaleʼmo aliʼa asaga huʼa ategae.

Aiyeya 61:9

Mafaʼneʼnimogi mafaʼne anagaʼapimogimo ala apakiʼapimo alisageʼapaeʼmo alu nofi vaya alu nofi vayaʼmogi apakeʼapaeʼmo, Ala apaki vayane, huʼa apakegae. Apaketeʼapaeʼmo, Ala kava neʼmoʼa alino auleno apateʼniye, huʼa hugae.

Neniyo 9:13

Lagaemo muki neʼaluna kana yafeʼmo kagaemo Moseseʼmo amiʼnana keʼaepa gefiʼmo huʼnanaʼmofeʼmo aliʼnonaʼmonanafa kagaemo fikumo laha maeka lamisanafeʼmo ge huta kafi oketa hosu kavatimo oʼataleta lama gekamo akame osuʼnone.

Matiyu 13:15

Ani gelefeʼmo apaipamo lokiya vaige apakesamo akanige apaulagamo ali huge huʼnigeʼa maiʼnae. Ani kava huʼa oʼmaiʼnaesinana apaulagafatiʼmo ageteʼa apakesafatiʼmo afiteʼapaeʼmo apaipafiʼmo ageteʼa nagaetegamo aiʼa afe leʼa esageʼna aliʼna alagepa huʼna apateʼnovesine, huno avoʼmo kae maleʼniye.

Matiyu 18:3

alagi lama ge lapa nepauve, huno, mafaʼnegana huno alino hamaleno olapateʼnisayaʼmoʼmo Gotiʼa yagaino neʼapateya kegiʼyafiʼmo uta ohaigae.

Luki 1:16

Agaemo muki Isaleli vayaʼmo alino aino atagineno apatesigeʼapaeʼmo Gotiʼa Ala kava neʼapimotegamo egae.

Luki 22:57

Ane, huno, nagaemo oʼageʼnova vekae, huno ha paiʼniye.

Apa 1:6

Apa vayaʼaʼe Yesuʼeʼmo aliʼa anupa huʼa maiʼneʼapaeʼmo Yesufeʼmo, Ala kava nene, huʼa, Hemenimo halate Yu vayaʼmo alika he tika latesanageta muki vayaʼaiteʼmo yagaita apatesupiye, huʼa afi geʼnagenoʼaeʼmo,

Apa 11:18

Ani gemo afiteʼapaeʼmo mago gemo osuʼa Goti agiʼalekeʼmo aliʼa asaga huteʼapaeʼmo, Gotiʼa alu nofi vayaʼmo ofaliʼa afaʼa maisayafeʼmo apaipamo aliʼa afe lesaya kavaʼmo alino apamiʼniyanageʼa afaʼa maigae, huʼa huʼnae.

Apa 11:21

Gotiʼa lokiya vaino apateʼnigeʼapaeʼmo asole vayaʼmogimo ani gemo afiteʼa apakesamo afiʼa fatago huteʼa Ala kava netegamo aiʼa afe leʼa eʼnae.

Apa 15:3

Inagi aliʼa apateʼnageʼa Yulusalemu kotega kateʼmo uʼa Fonisiya kotegaʼe Sameliya kotegaʼeʼmo umenitata huʼapaeʼmo, Asole alu nofi vayaʼmogimo aiʼa afe leʼa Gotitegamo eʼnae, huʼa hapa paimale hapa paimale huʼnageʼapaeʼmo muki konaga vayaʼmogimo lusi kava huʼa apamogaga aiʼnae.

Apa 17:26

Agaemo magoke vekamo alo huʼniya vekafatiʼmo alu nofi vaya alu nofi vayaʼmo alino afole aino apateʼniye. Hogoteno hunoʼaeʼmo, hainu afinaʼmo maisafi haiyategamo maisafi, huno lekana pai maleʼniye.

Apa 2:38

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa 28:27

Mani vayaʼmogimo negi nagi apaipa apakesamo haneʼnigeʼapaeʼmo apakesamo aliʼa akaniteʼa apaulagamo fali kaeʼa maiʼnae. Apakaemo apaulagamo afaʼa ageʼa aya okege apakesamo oʼafige apaipafatiʼmo oʼafige huteʼa aiʼa afe leʼa nagaetegamo oʼmesageʼna aliʼna alagepa huʼna oʼapatesuvafeʼmo ani agufa kavaʼmo huʼa maiʼnae, huno ha paiʼniye. Goti Mukufiʼmo avoʼmo kae maleʼniye, huno Poloʼa hapa paiʼniye.

Apa 3:20

Lapakaemo ani kavaʼmo higenoʼao Gotiʼa aeno hakalo huno lapa paiʼniya vekamo Yesu Kalaisiʼa alino atesigeno emineno.

Apa 3:21

Agaemo hogoteno kokuʼnapiʼmo maime maime neʼvisigenoʼaeʼmo muki yaʼamo saufa yaʼmo alino hamaleno atesiya afinakeʼmo afole aisigenoʼaeʼmo eminegaiye. Ani kavatefeʼmo Gotiʼa akeyaʼvilaga apaote vayaʼmogi agaetegati gemo alini eʼa aeʼa hakalo huʼa hapa nepaiya vayaʼai apavayafatiʼmo huʼniye.

Lomu 11:25

Konagaʼnimogitapae, huʼna, alagepa huta afiʼnone, huta hutetapa himuʼnamu kavaʼmo osisayafeʼmo mago fala kiʼniya gemo lapa paisugetapa afisayafeʼmo nahauʼniye. Gotiʼa mago Isaleli vayaʼai apakesamo aino akani maleʼnigeʼa geʼamo oʼafiʼa maime maime neʼvisageʼapaeʼmo mago alu nofi vayaʼmogimo Goti kegiʼyafiʼmo uʼa haite haite huʼa haiʼa lekana pai maleʼniya vayaʼmo afole aigae.

2 Tesaloniyani 1:10

Ani afinaʼmo apaote vayaʼamo alino alagepa huno apatesigeʼapaeʼmo agiʼaleʼmo aliʼa asaga huʼa ategae. Muki vayaʼmo apakesamo afiʼa fatago nehaya vayaʼmogimo agaemo ageteʼapaeʼmo hapau aiteʼa apamogaga aigae. Lapakaemo lapa paiʼnona geeʼmo lapakesamo afita fatago huʼnayaʼmofeʼmo apakaeʼeʼmo magokepi lokaeta maigae.

2 Tesaloniyani 1:7

Ala kava neʼmo Yesu Kalaisiʼagi himamuʼapiʼe enisole vayanagi huʼa ata vaipiʼmo kokuʼnapatiʼmo emiʼeʼa muki vayaʼai apaulagaleʼmo afole neʼaisagenoʼaeʼmo Gotiʼa lapakaemo kana yaʼmo aliʼnaya vayaʼmo alino falu huno lapatesigeta lagaeʼe lapakaeʼeʼmo magokepi maita haga legaune.

2 Timoti 2:25

Goti aliʼyaʼamo neʼalisiya vekamoʼmo gemo amagiʼa neʼatagaya vayaʼaifeʼmo himuʼnamu gefatiʼmo osuno vase vase gemo huno alino api aino apategaiye. Gotiʼa apakaemo lama gemo afiteʼa agesayafeʼmo apaipamo alino afe leno apatesifi, huteno vase vase gefatiʼmo hugiye.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

1 Pita 2:25

Hogotetapa lapakaemo kaʼmo ataletapa uteta hutapa afela heʼnaya sipisipigana huʼnayaʼmonanafa hemenimo sipisipileʼmo yagaino nelapateya vekamoʼmo lapakupi mafaʼneleʼmo yagaino nelapateya vekatapilegamo aita ataginetapa eʼnae.

2 Pita 3:8

Nahauʼniya vayaʼnimogitapae, huʼna, Goti aulagaleʼmo magoke afinaʼmo vani tauseniʼa kafugagana huno haneʼneno vani tauseniʼa kafugamoʼmo magoke afinakana huno haneʼniye. Ani kavatefeʼmo lapake okanino.

Leveleseni 21:4

Agaemo apaulagafatiʼmo apaunumo alagi alino laneno atalegaiye. Muki vayaʼamo halate magoʼe huʼa ofalige magoʼe huʼa yulagefa oʼaige magoʼe huʼa aviʼyaʼmo osuge magoʼe huno apakafu okige hugiye. Muki kavaʼamo atafa kavaʼmogeno alagi hano huʼniye, huno huʼnigeʼna afiʼnove.