Apa 3:17 - The Keyagana NT and 25 OT books

¹⁷ Vayaʼnimogitapae, huʼna, Inagi nagaemo afiʼnovana lapakaeʼe ala vayatapimo neʼyagaiya vayatapiʼeʼmo Yesuʼmo agetapa aeto osutapa fikumo amagiʼnae.

Apa 3:17 ပူးပေါင်းရင်းမြစ်များ

Aepa Gemae 21:26

Amimelekiʼa hunoʼaeʼmo, Nagaemo haiya vekamoʼmo ani kavaʼmo huʼnifi huʼna oʼafiʼnove. Hogoteka naha opaiʼnane. Hemenigeʼmo mani gemo neʼafuve, huno ha paiʼniye.

Aepa Gemae 39:8

Yosefeʼa aliʼyaʼmo afoʼamoʼafeʼmo ha painoʼaeʼmo, Haʼao, ala vekaʼnimoʼa muki noʼafi haneʼniya yaʼmo oʼageno muki yaʼaleʼmo yagaisuvafeʼmo alino nagae nayapiʼmo maleʼniye.

Aepa Gemae 44:15

Yosefeʼa apakaefeʼmo ina ge huno huʼniye. Lapakaemo na agufa kavaʼmo huʼnae. Nagaefeʼmo lageso huʼniya yaʼmo ageno neʼaliye, hutapa oʼnageʼnafiye, huno huʼniye.

Hatu maeno apate'niya gemae 32:1

Moseseʼa avefiʼmo uno haino yatala afinaʼmo maiʼniyaʼmofeʼmo Isaleli vayaʼmogimo uʼa Elonifeʼmo ha paiʼapaeʼmo, Moseseʼa Isipi kotegatiʼmo lavalelino eʼniya vekalegamo na agufa kavaʼmo afole aiʼnifi huta oʼageʼnonaʼmofeʼmo kagaemo mago gotigimo alo hisanageʼa uʼa hogoteteʼa lavaleliʼa ugae, huʼa ha paiʼnae.

Napa 22:6

Apakaemo kame huʼa afaʼa aeʼa naga segayaʼmofeʼmo malage huka eka naha maeka aeʼa oʼnagasesayafeʼmo lifanamo huka apategane. Nagaemo ago afiʼnovana aulena gemo hapa paiʼnana vayaʼmo aulena vayaʼmo maiʼnae. Kagaemo lifana huka apateʼnana vayaʼmo lifana vayaʼmo maiʼnae, huʼna ago apakeʼnovaʼmofeʼmo naha maesanageʼna kame huʼna aeʼna apakasesufiye, huno ha paiʼniye.

Luki 23:13

Pailatiʼa mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼaiteʼmo yagaiʼa neʼapataya vayaʼefeʼmo ge huʼnigeʼapaeʼmo eʼnageno hapa painoʼaeʼmo,

Luki 23:34

Yesuʼa hunoʼaeʼmo, Afo, huno, na agufa kavaʼmo nehupi huʼa oʼageʼnayaʼmofeʼmo hosu kavaʼmo anonaʼapimo afaʼa alika atalo, huno nunumuʼmo huʼniye. Kukenaʼamo aliʼa fako hu maleʼneʼa yafatetiʼmo yokalo leʼnae.

Yoni 15:21

Apakaemo alino nateʼnigeʼna emiʼneʼnova vekamo oʼageʼnayanageʼa vayaʼnimo maiʼnayaʼmofeʼmo lapakaetegamo muki ani agufa kavakeʼmo hugae.

Yoni 16:3

Muki yaʼmo Afoʼamoʼmo ageʼa alagepa osuʼnaya kava huʼa nagaemo nageʼa alagepa osuʼnayaʼmofeʼmo ani agufa kavaʼmo lapakaetegamo hugae.

Yoni 7:52

Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Apa 13:27

Yulusalemu taonifiʼmo maiʼnaya vayaʼe yagaiʼa neʼapataya vayaʼapimogiʼeʼmo Kalaisi vekamo maiʼniye, huʼa oʼageʼa Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo muki sapati afinaʼmo lekana nepaiya gemo aepaʼamo oʼafiʼnayaʼmofeʼmo amagiyo, huʼa huʼnaya geletiʼmo hogoteʼa ago avoʼmo kae maleʼnaya gemo aliʼa afole aiʼa ateʼnae.

Apa 22:5

Mono huʼa neʼapataya vayaʼaiteʼmo yagaino neʼapateya vekaʼe muki kanisole vayaʼmogiʼeʼmo huʼnova kavaʼnimo ago nageʼnayanageʼa afaʼa nava gemo huʼa lapa paigae. Apakaemo mago avoʼmo kaeʼa namiʼnageʼna alininuʼna Namasakasi taonifiʼmo Yu vayaʼmo apamisuvafeʼmo kaeʼa namiʼnae. Nagaemo ani vayaʼmo kalavusi huʼna apateteʼna Yulusalemu taonifiʼmo apavaleliʼna esugeʼa lusi hosu apakafu yaʼmo alisayafeʼmo uʼnove.

Apa 26:9

Ani kavaʼmo huʼna Nasalasa vekamo Yesufeʼmo naini huʼna ategauve, huʼna nagesamo afiteʼna agiʼaleʼmo aliʼna afepi ateʼnove.

Apa 28:21

Hapa paiʼnigeʼapaeʼmo, Yutiya kotegatiʼmo mago kava gemo huʼa avoʼmo kaeʼa olamiʼnae. Mago konagatimogi ani kotegatiʼmo hosu kava gemo huliʼeʼa laha opaiʼnae.

Apa 7:40

Apakaemo mono huno neʼapateya vekamo Elonifeʼmo huʼapaeʼmo, Ani vekamo Moseseʼa Isipi kotegatiʼmo lavalelineʼniya vekamo haiyategamo uno maiʼnifi huta oʼageʼnone. Mago gotitimoʼmo alo higetao uʼa hogoteteʼa lavaleliʼa visayafeʼmae, huʼa ha paiteʼa

Lomu 11:2

Gotiʼa akeyaʼvilaga hunoʼaeʼmo, mafaʼneʼnimo maiʼnae, huno huʼniya vayaʼmo alino oʼapataleʼniye. Goti mukufi avoʼmo kae maleʼniya gemoʼa Ilaiyafeʼmo ava gemo huʼniya gemo lapakaemo afiʼnafiye. Ilaiyaʼa Gotifeʼmo,

1 Kolitiyani 2:8

Muki ma mopafiʼmo maiʼneʼa yagaiʼa neʼapataya vayaʼmogimo ani afiteno ageʼniya geʼamo alagi oʼafiʼnae. Afiʼnaesinana ha le konali Ala kava neʼmo malipu yosaleʼmo nili aiteʼa aliʼa he tiʼa oʼateʼnaesine.

2 Kolitiyani 3:14

Gotiʼa apaipa apakesamo aino akani maleʼnigeʼapaeʼmo ani kava huʼa maime maime eʼa hemenimo atafa kotalakemo lekana nepaigenoʼaeʼmo ani agufa kenamoʼmo apaipa apakesaleʼmo aino ati kaeʼniye. Gotiʼa ani agufa kenamo fikumo alino lageno oʼatalegaifa Kalaisitetikeʼmo alino lageno atalegaiye.

Filipai 1:22

Ma mopafiʼmo maisuvana magoʼe huʼna aliʼyaʼmo alisugeno magoʼe alagamo aegaiye. Na agufa kavafeʼmo nahauʼnifi huʼna oʼafiʼnove.

1 Timoti 1:13

Hogoteʼna Yesufeʼmo huʼna faipa huʼna atege vayaʼaeʼmo naini huʼna apatege kamemo huʼna apatege huʼna maiʼnovaʼmonanafa hau huno nateʼniye. Alagepa huʼna oʼafige nagesamo afiʼna fatago osuge huʼnovaʼmofeʼmo hau huno nateʼniye.