Apa 3:16 - The Keyagana NT and 25 OT books

¹⁶ Laʼagaemo agaemo himamuʼaletiʼmo agiʼalefeʼmo agesamo afino fatago huʼniya kavatetiʼmo mani ageʼnaya vekamo ayamufamo alitaʼa lokiya vaitaʼa ateʼnoʼae. He, huno, agaetetiʼmo afole aiʼniya kavafeʼmo agesamo afino fatago huʼniya kavatetiʼmo alagi alitaʼa lokiya vaitaʼa ateʼnoʼageno lapaulagaleʼmo maiʼniye.

Apa 3:16 ပူးပေါင်းရင်းမြစ်များ

Matiyu 14:29

Pitaʼa sipifatiʼmo ataleno ani agotofuleʼmo Yesutegamo neʼunoʼaeʼmo

Matiyu 9:22

Yesuʼa aino afe leno agetenoʼaeʼmo, Aʼmafaʼneʼnimogae, huno, kagesamo afika fatago nehana kavakamoʼmo alino kahageno kateʼniyanagi koli osuka afaʼa maiyo, huno ha nepaigenoʼaeʼmo aiguʼyaʼamo malage huno hageʼniye.

Yoni 14:12

Lama gemo lapa nepauve, huno, nagaefeʼmo apakesa afiʼa fatago nehaya vayaʼmogimo nagaemo nehuva agufa kavaʼmo afaʼa hugae. Afoʼnimotegamo uʼna haiguvaʼmofeʼmo nagaemo nehuva kavaʼmo ago aeʼa nagaseʼa magoʼe kavaʼmo hugae.

Yoni 7:23

Lapakaemo Mosese keʼaepa gemo amagitapa oʼatalesayafeʼmo mafaʼne anagaʼai apakufamo lagauta neʼapatae. Sapati afinaʼmo apakufamo lagauta neʼapatayaʼmonanafa nagaemo Sapati afinaʼmo mago vekamo muki agufaʼamo alagi aliʼna alagepa huʼna ateʼnovaʼmofeʼmo na kava higetapaeʼmo lapaipamo letapa neʼnatae.

Apa 14:9

Ani vekamo maiʼnenoʼaeʼmo Poloʼa huʼniya gemo afiʼnigeno Poloʼa agetenoʼaeʼmo, aliʼna he tiʼna atesuvafeʼmo agesamo afino fatago nehiyaʼmofeʼmo afaʼa aliʼna he tiʼna ategauve, huno agesa afiteno aulu haeno agetenoʼaeʼmo

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Apa 3:6

Pitaʼa hunoʼaeʼmo, monimo alagi oʼaliʼnovaʼmonanafa aliʼnova yaʼmo kamiguve. Yesu Kalaisiʼa Nasalasa taonifi vekamo agiʼaletiʼmo he tika umenitata huvo, huʼna kaha nepauve,

Apa 3:8

aeno hailo huno he titeno aepa faino ka umenitata huʼniye. Anakaeʼeʼmo alopa mono nopiʼmo uno nehainoʼaeʼmo aeno hailo huge kaʼmo umenitata huge Goti agiʼaleʼmo alino asaga hume hume uge huʼniye.

Apa 4:10

Inagi afiyo, huʼna, Yesu Kalaisiʼa Nasalasa taonifi vekamo himamuʼaletiʼe agiʼaletiʼeʼmo ani vekamo alitaʼa api aitaʼa ateʼnoʼageno lapaulagaleʼmo he tino maiʼniye. Lapakaemo malipu yosaleʼmo nili aiʼnageno faliʼniyaʼmonanafa Gotiʼa ago alino he tino ateʼniye.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

Apa 4:7

Maiʼneʼapaeʼmo apa vekalaʼmo folagapiʼmo aliʼana he tiʼana anateʼneʼapaeʼmo, Haiya agufa himamutaniletiʼe ina la agiʼaletiʼeʼmo ani kavaʼmo huʼnaʼae, huʼa anafi geʼnagenoʼaeʼmo

Lomu 3:22

Gotiʼa mani fatago kavaʼamo Yesu Kalaisifeʼmo apakesamo afiʼa fatago nehaya kavatetiʼmo muki apakesamo afiʼa fatago nehaya vayaʼmo apamiʼnigeno apakaeteʼmo haneʼniye. Hailami salami huʼa noʼmaifa magoke aiyaya vayaʼmo maiʼnayaʼmofeʼmae.

1 Kolitiyani 13:2

Gotitegati gemo aliniʼneʼna aeʼna hakalo huge muki fala kiʼniya gemo afige muki gemo alagepa huʼna afige Gotifeʼmo magoʼe huʼna nagesamo afiʼna fatago nehuʼnaeʼmo avemo afaʼa aliʼna yaga auʼna alu yategamo atalege huʼna neʼmaisuvana nahau nayamopafiʼmo oʼnahausiyaʼmoʼmo ina agufa vekamo maiʼnove.