Apa 3:1 - The Keyagana NT and 25 OT books

¹ Mago afinaʼmo Pitaʼe Yoniʼeʼmo Yulusalemu taonifiʼmo alopa mono notegamo yegemo uno lamino folaga huʼniya kanaleʼmo Yu vayaʼmogi nunumuʼmo nehaya kanaleʼmo uʼnaʼae.

Apa 3:1 ပူးပေါင်းရင်းမြစ်များ

1 Kini 18:36

Uneʼmo ofalinimo nehaya kanaleʼmo Gotitegati gemo alinineno aeno hakalo nehiya vekamo Ilaiyaʼmo uno yafa hiʼyalamuʼmo haopaleʼmo nunumuʼmo hunoʼaeʼmo, Ala kava nene, huno Emalehamuʼagi Aisakiʼagi Isaleliʼagi huka Gotiʼapimogamo kagaikageʼmo maiʼnekaeʼmo, nagaemo Isaleli vayaʼmogi Gotiʼapimoʼnamo maiʼnove, huka alika apave liyo. Nagaemo aliʼyakamo neʼaluva vekamo maiʼneʼna kagae gegeʼmo akame huʼna ani muki kavaʼmo huʼnovanagi agesayafeʼmo alika apave liyo.

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Hatu maeno apate'niya gemae 29:39

Mago sipisipimo netepimo ofalinimo namitetapa mago sipisipimo uneʼmo yegemo uno lamino falesiya kanaleʼmo namigae.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Neniyo 9:21

Nunumuʼmo nehugenoʼaeʼmo ani hogoteʼna alagamunamo ageʼnova enisole vekamo Gemaliyoʼa nagaetegamo halelino emineʼniye. Gotiʼa alino ateʼnigeno emineno une ofalini nehuna kanaleʼmo uno avaʼyi huʼniye.

Matiyu 17:1

Sigisiʼa afinaʼmo utegeno Yesuʼa Pitaʼe konagaʼalaʼmoganimo Yemisiʼe Yoniʼenagi huno yatala avefiʼmo apavalelino uno haino apakaiʼapigeʼmo apaote maiʼnae.

Matiyu 26:37

apataleno Pitaʼe Sepeti mafaʼnelaʼeʼmo apavalelino uʼniye. Aepa faino aipamoʼmo lusi kava huno kana huʼnigeno agesa alaʼamo afitenoʼaeʼmo,

Matiyu 27:45

Felugakukuʼmo muki haopalegamo hani huteno loleʼe magoʼe aovamo utegeno halate uneʼmo yegemo leʼniye.

Luki 1:10

asole vayaʼmo kumatega maiʼneʼa nunumuʼmo huʼnae.

Luki 18:10

Lole vekalaʼmoganimo nunumuʼmo hisaʼafeʼmo Yu vayaʼai alopa mono nopiʼmo uʼana haiʼnaʼae. Mago vekamo Falasi vekamo maiʼnigeno alu vekamo takesi moni neʼaliya vekamo maiʼniye.

Luki 22:8

Yesuʼa Pitaʼe Yoniʼefeʼmo hunoʼaeʼmo, utana Pasova neʼyaʼmo nesunafeʼmo yagita hiʼao, huno hana paiʼnigeʼanaeʼmo,

Luki 24:53

Maiʼneʼapaeʼmo muki afinaʼmo alopa mono nopiʼmo uʼa haiʼa Goti agiʼaleʼmo aliʼa asaga huge Gotifeʼmo aliʼa auleʼa atege huʼa maiʼnae. He, lama ge.

Yoni 21:7

Yesuʼa agaefeʼmo hauʼniya vekamo geʼamo neʼafiya vekamoʼa Pitafeʼmo hunoʼaeʼmo, ani vekamo Ala kava neʼmae, huno ha paiʼnigeno Pitaʼa ani gemo afitenoʼaeʼmo aliʼyaʼmo alisiyafeʼmo kukenaʼamo asagino maleʼniyatetiʼmo alino vaiteno anipiʼmo asagauno aiʼniye.

Apa 10:3

Yegemo uno lamino falesiyafeʼmo nehigenoʼaeʼmo alagamuna agegekana huno ageyana Goti enisole vekaʼamo agaetega emineno, Koniliyasiyo, huno huʼnigenoʼaeʼmo,

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 2:46

Muki afinaʼae afinaʼaeʼmo magoke apaipa apakesamo aliʼa maiʼneʼa Yu vayaʼai alopa mono nopiʼmo uʼa haiʼa aliʼa anupa huʼa maige apaote apaote huʼa noʼapifiʼmo Yesu kaveʼmo nege magokepiʼmo lokaeʼa maiʼneʼa nege huʼa maiʼnae. Neʼyaʼmo neʼneʼapaeʼmo apamogaga aiteʼa yagu yaga apaipamo kaliʼa maiʼneʼa

Apa 3:3

Agaemo anakeyana Pitaʼe Yoniʼeʼmo mono nopiʼmo eʼana haisaʼafeʼmo eʼnaʼageno anaketenoʼaeʼmo, monimo mago namiʼao, huno aukaya huʼniye.

Apa 3:4

Pitaʼe Yoniʼeʼmo aulu haeʼana ageʼneʼanaeʼmo Pitaʼa hunoʼaeʼmo, Laʼago, huno ha paiʼnigenoʼaeʼmo,

Apa 4:13

Kanisole vayaʼmogimo anakayana Pitaʼe Yoniʼeʼmo sukulu osuʼnaʼa vekalaʼmo maiʼnaʼaʼmonanafa lokiya gefatiʼmo huʼana hapa paiteʼanaeʼmo koli osuʼana afaʼa maiʼnaʼageʼapaeʼmo anaketeʼanaeʼmo, ae, huʼa, hogoteʼana Yesuʼeʼmo lokaeʼana maiʼnaʼa vekalane, huʼa apakesa afiteʼa hapau aiʼnae.

Apa 5:25

Mago vekamo enoʼaeʼmo, Afiyo, huno, Lapakaemo kalavusi hutapa apateʼnaya vayaʼmo alopa mono nopiʼmo uʼa haiʼa maiʼneʼapaeʼmo aliʼa apaya neʼmalae, huno hapa paiʼniye.

Apa 8:14

Mago vayaʼmogi huʼapaeʼmo, Sameliya vayaʼmogimo Goti geʼamo alagepa huʼa afiteʼa aliʼnae, huʼa apava gemo huʼnageʼa apa vayaʼmogi afiteʼapaeʼmo Pitaʼe Yoniʼeʼmo aliʼa anateʼnageʼana apakaetegamo uʼnaʼae.

Galesiya 2:9

Ala apaki neʼapamiya vayaʼmo Yemisiʼagi Pitaʼagi Yoniʼagi huʼa nageʼnayana Gotiʼa Poloʼmo fikumo ha maeno amiteno mani aote aliʼyateʼmo avaleno ateʼniye, huʼa nageteʼapaeʼmo nagaeʼe Manamasiʼeʼmo afalu afalu kavaʼmo huʼa apayaʼmo laʼamiʼnae. Laʼamiteʼapaeʼmo, he kanalenagi utana malaga nofi vayaʼaitegamo aliʼyaʼmo aliʼagetao lagaemo Yu nofi vayaʼaitegamo uta aliʼyaʼmo aligune, huʼa laʼaha paiʼnae.