Apa 28:9 - The Keyagana NT and 25 OT books

⁹ ageteʼapaeʼmo ani ani agoʼnanenafiʼmo maiʼnaya vayapatiʼmo muki kaita hapauʼniya vayaʼmo ete ete huʼnageno alino hapageno apateʼnigeʼapaeʼmo

Apa 28:9 ပူးပေါင်းရင်းမြစ်များ

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Apa 13:6

Apakaemo magayaga faliga ani haigifiʼmo haneʼniya taonimo aliʼa ataleʼa mugagaya ani agoʼnanenamo ani haigifiʼmo haneʼniya taonifiʼmo Pefosi kotegamo uʼa maiʼnae. Mago vekamo agiʼamo Ma Yesuʼa ani taonifiʼmo maiʼnigeʼa ageʼnae. Agaemo hosu apaune vayaʼai himamuʼapiletiʼmo noʼagaya aeto agufa aune kavaʼmo nehiya vekamo Yu nofi vekamo maiʼnenoʼaeʼmo, Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huno hapa paiʼniyaʼmonanafa aigofe vekamo maiʼniye.

Apa 28:10

muki yaʼmo afaʼa laha maeʼa lamiʼnae. Lagaemo ugefeʼmo huʼnonageʼapaeʼmo muki yaʼmo oʼaliʼnona yatimo alinita visunafeʼmo alini eʼa sipifiʼmo lateʼnae.

Apa 28:8

Pamaliyasi afoʼamoʼmo amuko kaita hauge aitoto aige huteno hipaʼaleʼmo havaeno maiʼniye. Poloʼa noʼafiʼmo uno haino agufaleʼmo ayaʼmo maleʼneno nunumuʼmo huno ateʼnigeno kaitaʼamo hageʼnigeʼa

Apa 5:12

Ani afinaʼmo apa vayaʼmogimo muki noʼagaya agufa lokiya aune kavaʼmo huʼnae. Muki siosi vayaʼmogi magoke agufa apaipa apakesamo aliteʼa Salomoni hiyato nopiʼmo uʼa aliʼa anupa huʼa maiʼnae.

Apa 5:15

Maiʼnayaʼmofeʼmo kaita hapauʼniya vayaʼmo apavaleliʼuʼa kateʼmo apateʼneʼa hipaleʼmo havaeʼa apatege yakaikonamo aiteʼa havaeʼa apatege huʼneʼapaeʼmo, Pitaʼa uneno nehisigenoʼaeʼmo yege auneʼamoʼmo apakufaleʼmo visigeno kaitaʼapimo alino hapagegaiye, huʼa apakesa afiʼnae.