Apa 28:17 - The Keyagana NT and 25 OT books

¹⁷ Loleʼe magoʼe afinaʼmo utegeno Poloʼa Lomu taonifiʼmo Yu vayaʼaiteʼmo yagaiʼa neʼapataya vayaʼaifeʼmo ge huʼnigeʼa eʼa aliʼa anupa huʼa maiʼnagenoʼaeʼmo, Konagaʼnimogitapae, huno, Lagae vayaʼaifeʼmo huʼna faipa huʼna oʼapatege laginago vayaʼai geʼapimo amagiʼna oʼatalege huʼnovaʼmonanafa Yulusalemu taonifiʼmo kalavusi huʼa nateteʼa navaleliʼeʼa Lomu vayaʼai apayapiʼmo nateʼnae.

Apa 28:17 ပူးပေါင်းရင်းမြစ်များ

Aepa Gemae 40:15

Hogoteʼapa vayaʼmogimo Himulu vayaʼai mopaletiʼmo kumaya navaleliʼa mani koteʼmo eʼnae. Mani koteʼmo eʼna maiʼnova afinatetiʼmo kalavusi huʼa natesaya agufa hosu kavaʼmo alagi osuʼnove, huno ha paiʼniye.

Apa 13:50

Yu vayaʼmo ala apaki vayaʼe mono nehaya aʼnemo apaki haneʼniya aʼnemogiʼeʼmo apakesa faiʼapaeʼmo, anamagigune, huʼa huteʼa aliʼa hana faitalaʼageʼana uʼnaʼae.

Apa 22:5

Mono huʼa neʼapataya vayaʼaiteʼmo yagaino neʼapateya vekaʼe muki kanisole vayaʼmogiʼeʼmo huʼnova kavaʼnimo ago nageʼnayanageʼa afaʼa nava gemo huʼa lapa paigae. Apakaemo mago avoʼmo kaeʼa namiʼnageʼna alininuʼna Namasakasi taonifiʼmo Yu vayaʼmo apamisuvafeʼmo kaeʼa namiʼnae. Nagaemo ani vayaʼmo kalavusi huʼna apateteʼna Yulusalemu taonifiʼmo apavaleliʼna esugeʼa lusi hosu apakafu yaʼmo alisayafeʼmo uʼnove.

Apa 23:33

Sisaliya taonifiʼmo avaleliʼuʼa yagaino neʼapateya vekamo ayapiʼmo Poloʼmo ateteʼa avoʼmo amiʼnae.

Apa 25:10

Lomu vayaʼai ala kava vekaʼapimo agoti nopiʼmo maiʼnove. Manilekeʼmo afaʼa agoti huʼa nategae. Ago afiʼnanana Yu vayaʼaitegamo mago hosu kavaʼmo osuʼnove.

Apa 25:2

Eno avaʼyi huʼnigeʼapaeʼmo mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼaiteʼmo yagaiʼa neʼapataya vayaʼmogiʼeʼmo eʼa Fesitasifeʼmo, Poloʼa hosu kavaʼmo huʼniye, huʼa ha paiteʼa agoti huʼa ateʼnae.

Apa 25:8

Poloʼa agaiʼamo huno ha maesiya gemo hunoʼaeʼmo, Nagaemo Yu vayaʼai keʼaepa gemo amagiʼna oʼatalege Yu vayaʼai alopa mono nofeʼmo huʼna faipa huʼna oʼatege Lomu vayaʼai kava vekaʼapilegamo mago hosu kavaʼmo osuge huʼnove, huno hapa paiʼniye.

Apa 6:14

Geʼamo afiʼnonana ani Nasalasa taonifi vekamo Yesuʼa alopa mono notimo heno halagape vaiteno Mosese keʼaepa gemo alino ataleteno alu gemo malegaiye, huno huʼnigeta afiʼnone, huʼa hapa paiʼnae.