Apa 28:16 - The Keyagana NT and 25 OT books

¹⁶ Lagaemo Lomu taonifiʼmo uta avaʼyi huteta ati vayaʼaiteʼmo yagaino neʼapateya vekamoʼmo kalavusifiʼmo maiʼnaya vayaʼmo alu vekamo ati vayaʼaiteʼmo yagaino neʼapateya vekamoʼmo yagaino apatesiyafeʼmo apavalelinuno amiʼniye. Amiʼniyaʼmonanafa Poloʼa agaiʼageʼmo mago nopiʼmo afaʼa maigiye, huʼa ha paiʼnageno mago ati vekamoʼmo yagaino ateʼniye.

Apa 28:16 ပူးပေါင်းရင်းမြစ်များ

Aepa Gemae 37:36

Mitiyani nofi vayaʼmogimo Yosefeʼmo Isipi kotega avaleliʼuʼa kini vekamo Felo ami vayaʼaleʼmo yagaino neʼapateya vekamo agiʼamo Potifaʼmo amiʼnigeno halate miya faiʼniye.

Apa 18:2

Poloʼa uno ageyana mago Yu vekamo itaʼamoʼmo Ponitasi kotegamo alino ateʼniya vekamo agiʼamo Akuvilaʼa ani taonifiʼmo aiseʼamo akeyaʼvilagamo eno maiʼniya vekamo ageʼniye. Mago muki vayaʼaiteʼmo yagaino neʼapateya vekamo agiʼamo Kilotiyasiʼa Yu vayaʼaifeʼmo hunoʼaeʼmo, Lomu taonifatiʼmo ataletapa viyo, huno hapa paiʼnigeʼanaeʼmo Akuvilaʼe aʼamo agiʼamo Pilisilaʼeʼmo geʼamo afiteʼana ataleʼeʼana Kolitiyani taonifiʼmo maiʼnaʼageno Poloʼa uno anakaeʼeʼmo magokepi lokaeno maiʼniye.

Apa 19:21

Henagaʼamo Goti Aunemeʼamoʼmo Poloʼmo agesa afi yaʼmo amiʼnigenoʼaeʼmo, Masetoniya kotegaʼe Akaiya kotegaʼeʼmo aeʼna agaseʼna uʼna Yulusalemu taonifiʼmo avaʼyi huguve. Maigeʼnaeʼmo ataleʼna Lomu taonifiʼmo uʼna agegauve, huno agesamo afiʼniye.

Apa 2:10

Filisiya vayaʼmo eta maige Pamifiliya vayaʼmo eta maige Isipi vayaʼmo eta maige Sailini taoni haopalega Lipiya kotega vayaʼmo eta maige Lomu vayaʼmo eta maige huʼnone.

Apa 23:11

Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.

Apa 24:23

Ani gemo huteno Poloteʼmo yagaino neʼateya ati vekaeʼmo, avalelikuka kalavusi huka oʼateka kalavusi nopiʼmo afaʼa ateʼnegeʼapao ao vayaʼmogimo ha maeʼa yagaiʼa ateyo, huno ha paiʼniye.

Apa 27:3

Egamo Saitoni taonifiʼmo uta avaʼyi huteta Yuliyasiʼa Polofeʼmo hunoʼaeʼmo, kagaemo kao vayaʼmo afaʼa uka apakegane. Mago kaha maesiya yaʼmo kamisageka aligane, huno ha paiʼnigeno Poloʼa mopafiʼmo uno lamiʼniye.

Apa 27:31

Inagi Poloʼa ati vayaʼaiteʼmo yagaino neʼapateya vekaeʼmo hunoʼaeʼmo, Sipifiʼmo aliʼyaʼmo neʼaliya vayaʼmo sipimo ataleʼa visagetapaeʼmo faitapa kasalo opaegae, huno ha paiʼnigeʼapaeʼmo

Apa 27:43

ati vayaʼaiteʼmo yagaino neʼapateya vekamoʼmo Polo agufamo alino katino atesiyafeʼmo hunoʼaeʼmo, haʼao, huno hapa paitenoʼaeʼmo nagosa neʼaiya vayaʼaifeʼmo hunoʼaeʼmo, Anipiʼmo asagautapa aiteta nagosa aime aime utapa ani agiʼnaleʼmo avaʼyi hiyo, huno hapa paiteno

Leveleseni 17:18

Ageʼnana a kanomo maiʼniya kava huno alopa taonimoʼmo yagaiʼa neʼapataya kini vayaʼaiteʼmo yagaino neʼapateya taonimo Mamiloni taonimo haneʼniye, huno naha paiʼniye.

Leveleseni 17:9

Alagepa huʼa afisayafeʼmo alagepa huʼa afisaya agufa apakesamo haneno. Seveniʼa agenopamo haneʼniya kava huno a kanomoʼmo seveniʼa avefiʼmo itopaleʼmo maiʼniya avemo haneʼniye. Ani kava huno seveniʼa agenopamo haneʼniya kava huʼa seveniʼa kini vayaʼmo maiʼnae.