Apa 28:15 - The Keyagana NT and 25 OT books

¹⁵ Lava gemo huʼnaya gemo Lomu taonifi konagatimogimo afiteʼapaeʼmo Apiyasi maketi kumateʼmo neʼageta fotu hutetaeʼmo lavaleʼnageta magokepi neʼunageʼapaeʼmo nata vayaʼai noʼmo loleʼe magoʼe noʼmo haneʼniya yateʼmo magoʼe huʼa Lomu taonifi konagatimogimo neʼageta fotu huteta Poloʼa apaketenoʼaeʼmo Gotifeʼmo hao ke heteno aipamo alino lokiya vaino ateʼniye.

Apa 28:15 ပူးပေါင်းရင်းမြစ်များ

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Hatu maeno apate'niya gemae 4:14

Ala kava neʼmoʼa Mosesefeʼmo aipamo leʼnigeno, Nepukamoʼmo Eloniʼmo Livai nofi vekamo maiʼniye. Nagaemo ageʼnovana alagepa huno gemo nehiya vekamo maiʼniye. Agaemo hemenimo kagaeʼeʼmo fotu hisaʼafeʼmo neʼe. Agaemo eno kagetenoʼaeʼmo aipafilagamo amogaga aigiye.

Yoni 12:13

uʼa vayavekana yosamo akopaʼamo yageʼa aliteʼa uʼa fotu hisayafeʼmo neʼuʼapaeʼmo, laha mao. Ala kava neʼmo agiʼaletiʼmo neʼeya vekamo Gotiʼa alino auleno ateʼniya vekae. Agaemo Isaleli vayaʼaiteʼmo yagaino neʼapateya kini vekamae, huʼa huʼnae.

Apa 1:15

Ketogufaʼa afinaʼmo utegeʼapaeʼmo ani konaga vayaʼmo vani hataleti tuvetiʼa vayaʼmo aliʼa anupa huʼa maiʼneʼapaeʼmo Pitaʼa he tino hapa painoʼaeʼmo,

Apa 10:23

Haitetapa mani nopiʼmo havaeyo afaʼa yagaiʼna lapategauvanagi, huno hapa paiʼniye. Egaʼamo Pitaʼa he tino uʼnigeʼapaeʼmo agaeʼe mago Yopa taonifi konaga vayaʼaʼeʼmo magokepi uʼnae.

Apa 10:25

Pitaʼa eno nopiʼmo uno haisiyafeʼmo nehigenoʼaeʼmo Koniliyasiʼa eno aiyafiʼmo agoʼya faiteno ape huno maiʼneno agaefeʼmo mono nehigenoʼaeʼmo

Apa 11:1

Alu nofi vayaʼmogi Goti geʼamo afiteʼa aliʼa apaipafiʼmo maleʼnae, huʼa huʼnaya gemo apa vayaʼe Yutiya kotega konaga vayaʼmogiʼeʼmo afiʼnae.

Apa 11:12

Goti Aunemeʼamoʼmo hunoʼaeʼmo, Lole kagesamo oʼafika apakaeʼeʼmo afaʼa uvo, huno naha paiʼniye. Nagaeʼe Yopa taonifi vayaʼmo sigisiʼa konagaʼnimogiʼeʼmo magokepi lokaeta uta Sisaliya taonifiʼmo uta agae nopiʼmo uta haita maiʼnone.

Apa 12:17

Pitaʼa ayatetiʼmo hunoʼaeʼmo, ge osiyo, huno hapa paitenoʼaeʼmo Ala kava neʼmoʼa kalavusi nopatiʼmo avalelino eʼniya kavafeʼmo ava gemo huno hapa paitenoʼaeʼmo, Utapa ani gemo Yemisiʼe muki konagatimogiʼefeʼmo hapa paiyo, huno hapa paiteno apataleno alu kotegamo uʼniye.

Apa 21:5

Apakaeʼeʼmo lokaeta maiʼnona afinaʼmo ago hano huʼnigeta apataleta uʼnone. Apakaemo muki ve aʼneʼe mafaʼneʼapiʼe lagaeʼeʼmo taonifatiʼmo ataleta magokepi lokaeta uta ani agiʼnaleʼmo laleʼyamo faiʼneta nunumuʼmo hutetaeʼmo

Apa 28:14

Ani taonifiʼmo maiʼnaya konagatimogimo lagaefeʼmo huʼapaeʼmo, lagaeʼeʼmo maiyo, huʼa huʼnageta magoke salemo apakaeʼeʼmo maiteta apataleta Lomu taonifiʼmo visunafeʼmo uʼnone.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.

Galesiya 4:14

Kana yaʼmo aliʼnogetapaeʼmo, hosu vekamo maiʼniye, hutetapa lapakameʼyamo oʼnamiʼnae. Mago enisole vekamoʼmofi Kalaisi Yesuʼmofi huno esigetapaeʼmo lusi kava hutapa alita falu fala hutapa atesaya agufa kavaʼmo hutapa alita falu fala hutapa nateʼnae.

1 Tesaloniyani 3:7

Konagatimogitapae, huta, kana yaʼmo alige lagafu kige huta maiʼnonagenoʼaeʼmo lapava gemo huno laha painoʼaeʼmo, alagepa huʼa apakesamo afiʼa fatago nehae, huno laha paiʼniya gemoʼmo laipamo alino lokiya vaino lateʼnigeno laipamoʼmo falu huʼniye.

Himulu 13:3

Kalavusi huʼnaya vayaʼaifeʼmo lapake kanitapa oʼapataletapa lapakesamo afiyo. Apakaeʼeʼmo magokepiʼmo lokaeta kalavusi huʼnegekana hutapa apakaefeʼmo lapakesamo afiyo. Kalaisitefeʼmo hanageke yaʼmo neʼaliya vayaʼaifeʼmo lapake kanitapa oʼapataletapa lapakesamo afiyo, apakaeʼeʼmo ma mopafi maiʼnetapaeʼmo hanageke yaʼmo alisaya vayaʼmo maiʼnayaʼmofeʼmae.

Yasuva 1:9

Nagaemo kagaefeʼmo ago kaha opaiʼnogekaepiye. Koli osuka he tika lokiya vaikageʼmo maiyo. Muki visana haopalegamo nagaemo Ala kava neʼmo Gotikamoʼnamo kagaeʼeʼmo magokepiʼmo lokaelitaʼa uguʼaʼmofeʼmo kamoʼyamo aiteka koli osuvo, huno ha paiʼniye.

1 Samiyo 30:6

Muki vayaʼamogi ve mafaʼneʼapilefenagi a mafaʼneʼapilefenagi huʼa apakesamo afiteʼapaeʼmo hosu apaipamo kaliʼniyaʼmofeʼmo apakaemo huʼapaeʼmo, Yafa kayotetiʼmo Neviniʼmo kamitimo amagigune, huʼa hagenoʼaeʼmo Neviniʼmo lusi kana yaʼmo aliʼniye. Kana yaʼmo alitenoʼaeʼmo Neviniʼmo agaiʼamo Ala kava neʼmo Gotiʼamotetiʼmo lokiya vaino ateʼniye.