Apa 27:40 - The Keyagana NT and 25 OT books

⁴⁰ Sipimo aeʼa neʼatafaya nofiʼmo heʼa hatagauʼa ataleteʼa akamelega aiʼa atagi neʼnaya yosale nofiʼmo hakalu heʼa ataleʼnae. Yasimoʼmo ani kahaepaleʼmo sipimo avalelino visiyafeʼmo sipi agoʼyafi selimo aliʼa asagauʼa nofi aeteʼa maleʼnae.

Apa 27:40 ပူးပေါင်းရင်းမြစ်များ

Aiyeya 33:23

Kame vayaʼmogimo Saiyoni taonimo alisayafeʼmo eʼnayaʼmonanafa sipiʼapimo nofiʼamo afaʼa haneʼnigeno sipileʼmo atafauno haneʼniya seliʼmo yosaʼamoʼmo he tino lokiya vaino ohaneʼniyanageno sipimo afaʼa oʼugiye. Kame vayaʼmogi asole yaʼapimo ataleʼa apaune hesageʼa Saiyoni vayaʼmogimo aligae. Apaiyamo hosuʼnisiya vayaʼmogiʼeʼmo uʼa aligae.

Matiyu 4:18

Yesuʼa Galeliya kotega ani kotu agiʼnaleʼmo uneno nehunoʼaeʼmo anakeyana lole konagalaʼmo noyame neʼaliʼa vekalaʼmo maiʼnaʼageno anakeʼniye. Mago vekamo agiʼamo Saimoniʼmo mago alu agiʼamo Pitaʼe konagaʼamo agiʼamo Eʼnaluʼeʼmo umenimo ani kotupiʼmo yaga auʼana neʼmalaʼageno anakeʼniye.

Apa 27:17

Vayaʼmogimo sipimo aino oʼatagisiyafeʼmo alopa nofiʼmo aliʼa anipatiʼmo faiʼa faleʼa aliʼa vayu huʼa sipimo akamelegamo kiʼa ateʼnae. Ani vayaʼmogimo huʼapaeʼmo, Fiku yanageno sipimo ani kahaepafiʼmo alino agoʼya failino ugiye, huʼa huteʼa lavolavo selimo aliʼa ataleʼnageno emineʼnigeno yasimoʼa sipimo alino agoʼya failino uʼniye.

Apa 27:41

Maleʼnagenoʼaeʼmo yasimoʼmo sipimo avalelino ani agiʼnaleʼmo oʼuʼnifa anipiʼmo mago yafa avemoʼmo atafauno alagi huno maiʼniye. Aniʼmoʼa sipimo akamelegamo aeno atagiʼniye.