Apa 27:34 - The Keyagana NT and 25 OT books

³⁴ Maiʼnayaʼmofeʼmo lokiya gemo huʼna lapa nepauve. Afaʼa maisayafeʼmo neʼyaʼmo neyo. Magoke lapayokaʼmo aino faino lageso osisiyana alagi afaʼa maigae, huno hapa paiteno

Apa 27:34 ပူးပေါင်းရင်းမြစ်များ

Matiyu 10:30

Ani kava huno muki lapayokaʼmo magoke magoke huno lekana paino neʼage.

Matiyu 15:32

Yesuʼa geʼamo neʼafiya vayaʼaifeʼmo ge huʼnigeʼa eʼnageno hapa painoʼaeʼmo, apakaemo loleʼe magoʼe afinaʼmo nagaeʼeʼmo magokepi lokaeʼa maiʼnagenoʼaeʼmo hemenimo neʼyaʼapimo ohaneʼnigeʼna nahau huʼna neʼapatove. Noʼapilegamo aliʼna apatesugeʼa visayategamo apaka tesigeno apaunena aisiya kavafeʼmo oʼnahauʼniye, huno hapa paiʼniye.

Luki 12:7

Nama anagaʼmo ina agufa yaʼmo maiʼnagetapaeʼmo aeta apaka seta maiʼnayaʼmofeʼmo Gotiʼa magoʼe huno yagaino lapategaiyanagi koli osiyo. Gotiʼa lapayokaʼmo magoke magoke huno lekana paino ageʼniye, huno hapa paiʼniye.

Luki 21:18

alagepa huta maisageno magoke lapayokaʼmo lageso osugiye.

Apa 27:33

Ko aligefeʼmo huʼnigenoʼaeʼmo Poloʼa hunoʼaeʼmo, Lahapao ke hove, huno, Neʼyaʼmo afaʼa neyo lole salemo neʼyaʼmo oʼnetapa mositapa maiʼnae.

Filipai 2:5

Kalaisi Yesuʼa agesamo afiʼniya kava hutapa lapaipafiʼmo lapakesamo afitapa maiyo.

1 Timoti 5:23

Kagaemo kaipa kagafuʼmo kige kaitaʼmo kahauge nehigekaeʼmo anilafaʼageʼmo oʼneka nofi alagafati aniʼmo aiseʼamo lakiteka no.

1 Samiyo 14:45

Ha paiʼniyaʼmonanafa Isaleli vayaʼmogi Solofeʼmo ha paiʼapaeʼmo, Yonataniʼmo Isaleli vayaʼmo kame vayatimogi apayapatiʼmo lagufamo alino katino lateʼniya vekamo falisifiye. Alagi haʼao. Ofaligiye. Ala kava neʼmo afaʼa maiʼniya kava huno alagi ofaligiye. Mago agufa hosu kavaʼmo agaetegamo osugune. Hemenimo agaemo Gotiʼeʼmo aliʼyaʼmo aliʼniyaʼmofeʼmae, huʼa huʼnae. Apakaemo ani geʼapiletiʼmo Yonatani agufamo aliʼa katiʼa ateʼnageno ofaliʼniye.