Apa 27:23 - The Keyagana NT and 25 OT books

²³ Nagaemo Goti vekamo maiʼneʼna aliʼyaʼamo neʼaluva vekamo maiʼnogeno enisole vekaʼamo alino ateʼnigeno nagaetegamo emineʼniye.

Apa 27:23 ပူးပေါင်းရင်းမြစ်များ

Samu 116:16

Ala kava nene, huʼna, aliʼyakamo neʼaluva vekamo maiʼnove. Itaʼnimoʼmo aliʼyakamo neʼaliya aʼmo maiʼniya kava huʼna maiʼnove. Hatu maeka nateʼnanageʼna afa vekamo maiʼnove.

Samu 135:4

Ala kava neʼmoʼa agaiʼalefeʼmo Yekopu vayaʼmo lekana paino apateʼniyaʼmofeʼmo ala agiʼamo amiyo. Isaleli vayaʼmo agaiʼa vayaʼamo maiʼnayaʼmofeʼmo ala agiʼamo amiyo.

Samu 143:12

Nagaemo aliʼyakamo neʼaluva vekamo maiʼnovaʼmofeʼmo muki afinaʼmo kahau kayamopafiʼmo kahaume kahaume neʼviya kavatetiʼmo kame vayaʼnimo kamitimo apamagige nagupi mafaʼnemo aliʼa hosu huʼa neʼataya vayaʼmo apamagige huvo.

Hatu maeno apate'niya gemae 19:5

Inagi lapakaemo kotalakeʼnimo atafautapa alagi huʼnetapa geʼnimo akame hisayana muki vayapatiʼmo nagaiʼnilefeʼmo lekana paiʼna lapateʼnova vayaʼnimo maigae. Muki ma mopafi haneʼniya yaʼmo nagaiʼni yaʼageʼmo haneʼniyaʼmofeʼmae.

Salomoni Yokemae 2:16

Nahau nayamopafiʼmo neʼnahaiya vekamo nagaiʼni vekaʼnimo maiʼnigeʼna agaiʼa aʼamo maiʼnove. Agaemo sipisipi anagaʼamo apavalelino uʼnigeʼapaeʼmo kanale yaveyave kahaumoʼmo ause heʼniya folagapatiʼmo kahaumo neʼnae.

Salomoni Yokemae 6:3

Nahau nayamopafiʼmo nahauʼniya vekamo nagaiʼni vekaʼnimo maiʼnigeʼna agaiʼa aʼamo maiʼnove. Agaemo sipisipi anagaʼamo apavalelino uʼnigeʼa kanale yaveyave kahaumoʼmo ausemo heʼniya folagapatiʼmo kahaumo neʼnae, huno hapa paiʼniye.

Neniyo 3:17

Kagaemo huʼnana agufa kavaʼmo lagaetegamo hisanaʼmoʼmo aliʼyaʼamo neʼaluna Gotitimoʼa alopa sitopufiʼmo neleya atafatiʼmo lagufamo afaʼa alino katino lategaiye. O kini vekae, huta, kayapatiʼmo lagufamo afaʼa alino katino lategaiye.

Neniyo 3:26

Inagi Nepukanesaʼmo sitopuʼmo kipa haopaletiʼmo uno ina ge huno huʼniye. Satalakigagi Misakigagi Ameʼnagogagi hutapa lapakaemo alagi anaga Goti aliʼyaʼamo neʼaliya vayanagi emiteyo. Inagi apakaemo atafatiʼmo ataleʼa emiʼeʼnae.

Neniyo 3:28

Nepukanesaʼmo hapa painoʼaeʼmo, Vayaʼmogimo Satalakiʼagi Misakiʼagi Ameʼnagoʼagi huʼa Gotiʼapimoʼmo alita auletapa ateyo. Agaemo enisole vekaʼamo alino ateʼnigeno emineno agaefeʼmo mono huteʼa aliʼa amufa amiʼnaya vayaʼai apakufamo alino katino apateʼniye. Apakaemo geʼnimo amagiʼa ataleteʼa apakufamo falisaya kavaʼmo afaʼa amiʼnae. Gotiʼapimotefeʼmo mono hisaya kavafekeʼmo hapauʼniyaʼmofeʼmae.

Neniyo 6:16

Inagi kini vekamoʼmo vayaʼaifeʼmo hapa paiʼnigeʼa Neniyoʼmo avaleliʼa eʼa asagauʼa laiyoni anagaʼmogi kelifiʼmo yaga auʼnae. Kini vekamoʼmo Neniyofeʼmo hunoʼaeʼmo, Gotikamo muki afinaʼmo aliʼyaʼamo neʼalina Gotikamoʼmo kagufamo alino katino kategaiye, huno huʼniye.

Neniyo 6:20

Agaemo uno kelileʼmo avaʼyi nehunoʼaeʼmo hausoli huʼnigeno ge hunoʼaeʼmo, Neniyo, huno, muki afinaʼmo neʼmaiya Goti aliʼyaʼamo neʼalina vekamogae, Gotikamoʼmo laiyoni anagaʼmogi apavayafatiʼmo kagufamo ago alino katino kateʼnifiye, huno huʼnigeno

Neniyo 6:22

Gotiʼnimoʼa enisole vekaʼamo alino ateʼnigeno emineno laiyoni anagaʼmogi apavayaleʼmo alino akanigeʼa nahaeʼa oʼneʼnae. Agaemo nageʼniyana aulagaleʼmo mago hosu kavaʼmo osuge kagaetegaʼeʼmo mago hosu kavaʼmo osuge huʼnovaʼmofeʼmae.

Malakai 3:17

Ala kava neʼmoʼa asole vayaʼaiteʼmo yagaino neʼapateya vekamoʼmo hunoʼaeʼmo, Mago vekamoʼmo hogote alagepa yaʼamo alopa moniletiʼmo miya nefaiya yaʼmo alino kesifiʼmo neʼmaleya kava huʼna nagaemo muki nofi vayapatiʼmo apavaleliʼneʼna aliʼna anupa huʼna apateteʼnaeʼmo apakaefeʼmo, lapakaemo nagaiʼni vayaʼmo maigae, huʼna hapa paiguve, huno huʼniye. Mago vekamoʼmo agaiʼa mafaʼnemoʼmo aliʼyaʼamo neʼaliya mafaʼnemo kayoʼmo oʼamino afaʼa agegeno neʼateya kava huʼna kayoʼmo oʼapamiʼna afaʼa apakegeʼna apategauve.

Yoni 12:26

Aliʼyaʼnimo alisayafeʼmo hisaya vayaʼmogi nagae nakamekeʼmo hiyo. Ani kavaʼmo huʼa aliʼyaʼnimo neʼalisaya vayaʼmogi nagae nakamekeʼmo huteʼa uʼna maisuva koteʼmo uʼa maigae. Inagi Afoʼnimoʼmo aliʼyaʼnimo neʼalisaya vayaʼai apakiʼapileʼmo alino asaga huno apategaiye, huno hapa paiʼniye.

Apa 12:23

Nehagenoʼaeʼmo Ala kava neʼmo enisole vekaʼamo emineno Helotiʼmo amagiʼnigeno hagifamoʼmo agufafiʼmo neʼnigeno faliʼniye. Agaemo Goti agiʼaleʼmo alino asaga huno oʼateʼniyaʼmofeʼmo amagiʼnigeno faliʼniye.

Apa 16:17

Ani aʼmafaʼnemoʼmo Poloʼe lagaeʼeʼmo lakame huno uneno nehunoʼaeʼmo alopa gefatiʼmo hunoʼaeʼmo, Ani vayaʼmogi Gotiʼa hogote vekamo anaga vekamo aliʼyaʼamo neʼaliya vayane. Gotiʼa lagufamo alino katino latesiya gemo aeʼa hakalo huʼa laha nepaiye, huno

Apa 18:9

Mago haniʼilagamo Poloʼa alagamuna agegekana huno ageteno afiʼniyana Ala kava neʼmoʼa, Koli osuvo.

Apa 23:11

Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.

Apa 5:19

Apateʼnayaʼmonanafa mago Ala kava neʼmo enisole vekamoʼmo haniʼilagamo emineno kalavusi nopi kitamo yakino apavalelino uno lamino kumateʼmo apateʼnenoʼaeʼmo,

Apa 8:26

Mago Ala kava neʼmo enisole vekaʼamoʼa Filipifeʼmo, Kagaemo he tika Yulusalemu kotegatiʼmo mago kaʼmo uno lamino Gasa taoni haopalegamo kaʼme kotegamo vayaʼmo oʼmaiʼnaya kotega uno lamino uʼniya kateʼmo uvo, huno ha paiʼnigeno

Lomu 1:1

Nagaemo Poloʼnamo Yesu Kalaisi aliʼyaʼamo neʼaluve. Agaemo apa vekaʼamo maiʼneʼna Goti alagepa faigoko geʼamo aeʼna hakalo huʼna hapa paisuvafeʼmo ago lekana paino natetenoʼaeʼmo nagaefeʼmo keya aeno ge huʼniye.

Lomu 1:9

Nagaemo amega nagufaletiʼmo Goti aliʼyaʼamo oʼaliʼna naipafatiʼmo Goti mafaʼneʼamo alagepa faigoko geʼalefekeʼmo aliʼyaʼmo neʼaluve. Nagaemo nunumuʼmo huʼna hano osuʼnofa muki afinaʼmo nunumuʼmo huʼna nelapatove. Gotiʼa nageʼniyanageno he, nehiye, huno, naha maesiya gemo afaʼa lapa paigiye.

Lomu 6:22

Aligayaʼmonanafa Gotiʼa hosu kavapatiʼmo ago hatu maeno lapateʼnigetapa Goti kalavusi aliʼyaʼamo neʼaliya vayaʼmo hamaleʼnayaʼmofeʼmo hemenimo lapaipafatiʼmo alagepa alagamo neʼaegetapaeʼmo lapaote vayaʼmo hamaleme hamaleme neʼvayanagetapa atupa afinaʼmo alagepa hutapa maige maige huta maigae.

2 Timoti 1:3

Naginago vayaʼmogi Gotitefeʼmo mono aliʼyaʼmo aliʼnaya kava huʼna nagupi mafaʼnemoʼmo hosu kavaʼmo hane, huno nosigeʼnaeʼmo mono aliʼyaʼmo neʼaluve. Ani kava huʼna kagaefeʼmo nagesamo afiteʼnaeʼmo Gotifeʼmo muki afinaʼae afinaʼaeʼmo okataleʼna felugaʼe haniʼilagaʼeʼmo hao ke heʼna nunumuʼmo nehuve.

2 Timoti 2:24

Ala kava neʼmo aliʼyaʼamo neʼalisiya vekamoʼa geletiʼmo kaveta osuno muki vayaʼaitegamo yagu yaga kavakeʼmo huge alagepa huno alino apaya malege oʼafiʼnisaya vayaʼaifeʼmo aipamo leno oʼapateno yuna aipamo kalino apatege huno maigiye.

2 Timoti 4:17

Nataleʼa uʼnayaʼmonanafa Ala kava neʼmoʼa nagae nahaopaleʼmo lokaeno maiʼnenoʼaeʼmo muki geʼamo aeʼna hakalo huʼna hano hisugeʼapaeʼmo muki alu nofi vayaʼmogimo alagepa faigoko geʼamo afisayafeʼmo lokiya vaino nateʼniye. Laiyonimoʼa nahaesiyafeʼmo nehigenoʼaeʼmo Gotiʼa nagufamo alino katino nateʼniye.

Taitasi 1:1

Nagaemo Poloʼnamo Goti kalavusifiʼmo maiʼneʼnaeʼmo aliʼyaʼamo alige Yesu Kalaisi apa vekaʼamo maige huʼneʼnaeʼmo mani gemo avoʼmo nekaove. Gotiʼa lekana paino apateʼniya vayaʼmogi apakesamo afiʼa fatago huge lama gemo alagepa huʼa afiʼneʼa Gotifekeʼmo alagepa huʼa mono huge hisayafeʼmo nagaemo aliʼyaʼmo neʼaluve.

Taitasi 2:14

Agaemo muki keʼaepa gemo amagita ataleʼnona kavategatiʼmo miya faino hatu maeno latetenoʼaeʼmo hosu kavatimo aeno kalo paeno lateʼnigeta agaiʼa vayaʼamo maiʼneta layamukiki huta alagepa kavaʼmo huta maisunafeʼmo agaiʼa agufaʼamo ofalinigana huno Gotina amiʼniye.

Himulu 1:14

Enisole vayaʼmo apauneʼapameʼe vayaʼmo maiʼneʼa Goti aliʼyaʼamo neʼaliya vayaʼmo maiʼnae. Gotiʼa fikumo hapa maeno apakufamo alino katino apatesiya vayaʼmo hapa maesayafeʼmo alino apateʼnigeʼa emineʼae.

Leveleseni 22:16

Nagaemo Yesuʼnamo siosiʼafi siosiʼafiʼmo maiʼnaya vayaʼaifeʼmo mani gemo hapa paisiyafeʼmo enisole vekaʼnimo aliʼna ateʼnogeno emineʼniye. Nagaemo Nevini hafuʼyaʼagana huʼna maige aginagoʼamo maige huʼneʼna netepiʼmo lusi kava huno aeno ha neleya kanefikana huʼna maiʼnove, huʼna ha paiʼnogeno hapa paiʼniye.