Apa 27:13 - The Keyagana NT and 25 OT books

¹³ Mago yasimo lakamelegatiʼmo vase vase huno alinino neʼegeʼapaeʼmo, Hemenimo kanalenageta ge huʼnona kavaʼmo afaʼa hugune, huʼa apakesa afiteʼa sipimo aeʼa neʼatafaya yate nofiʼmo aliʼa vayu huʼa sipifiʼmo maleʼnageta Kiliti ani agoʼnanenamo agiʼnaleʼmo uʼnone.

Apa 27:13 ပူးပေါင်းရင်းမြစ်များ

Samu 78:26

Agaemo, yasimo aliyo, huno huʼnigeno yegemo haine neʼeya kotegatiʼmo yasimo aliʼniye. Himamuʼaletiʼmo yasimo aliyo, huno huʼnigeno aluga aluga haopalegatiʼmo yasimo aliʼniye.

Salomoni Yokemae 4:16

Hoga haopalegatiʼmo yasimo alinika eno. Lamaga haopalegatiʼmo yasimo alinikeka hoyaʼnifiʼmo aligenoʼao alagepa atumo neʼaiya yaʼmoʼa muki haopalegamo ailino uneno hino. Nahau nayamopafiʼmo neʼnahaiya vekaʼnimoʼa hoyaʼafatiʼmo eno alagepa yosa alagamo lagino neno.

Luki 12:55

Ago ageʼnayana lusi kava huno yasimo aliʼnigeta agetetapaeʼmo alagepa koʼmo aligefeʼmo huʼniyanageno yegemo legaiye, hutapa nehagenoʼaeʼmo ani kavaʼmo afole neʼaiye.

Apa 2:11

Lagaemo Yu vayaʼe alu nofi vayaʼmogita Yu mono kavaʼmo akame nehuna vayaʼeʼmo eta maiʼnone. Lagaepatiʼmo Kaliti vayaʼmo eta maige Alapi vayaʼmo eta maige huʼnonaʼmonanafa lagae gefatiʼmo Gotiʼa lokiya kavaʼmo himamuʼaletiʼmo huʼniya kavafeʼmo ava gemo nehageta neʼafune, huʼa huʼnae.

Apa 27:12

Lusi kava huno yasimo neʼaliya afinaʼmo afole aiʼniyaʼmofeʼmo sipimo maleʼnaya yategamo alino hosuʼniye. Asole vayaʼmo sipifiʼmo maiʼnaya vayaʼmogi huʼapaeʼmo, yasimo neʼaliya afinaʼmogeta manileʼmo ataleta lakaetuta Finikisi taonifiʼmo uta avaʼyi hisunafeʼmo amalageka huta agegesune, huʼa huʼnae. Finikisi taonimoʼmo alopa agiʼamo Kiliti kotegamo yasi neʼaliya afinaʼmo sipimo aliniʼa oʼuʼa afaʼa neʼmaiya kotegamo haneʼniye.

Apa 27:21

Yatala afinaʼmo neʼyaʼmo oʼneʼa mosiʼa maiʼneʼapaeʼmo Poloʼa vayaʼai folagapiʼmo he tiʼnenoʼaeʼmo, Mani vayane, huno, Geʼnimo afitetapa Kiliti kotegamo alita oʼataleʼnonesinana mani agufa hanageke kavaʼmo afole oʼaisigeno muki yaʼmo afaʼa lageso osiyesine.

Taitasi 1:12

Mago Kiliti kotega vayapati vekamoʼmo gemo aeno hakalo huno hapa nepaiya vekamoʼmo hunoʼaeʼmo, Muki afinaʼmo Kiliti kotega vayaʼmogi aigofe gemo huge afela afugana huʼa maige aliʼyaʼmo oʼaliʼa maiʼneʼa alopa neʼyaʼmo nesayafekeʼmo apakesamo afige huʼnae, huno huʼniye.

Taitasi 1:5

Lagaemo mago aliʼyaʼamo alita hano osuʼnonanageka kagaemo alika hano hisanafeʼmo Kiliti ani agoʼnanenafiʼmo kataleʼna uʼnove. Siosi vayaʼaiteʼmo yagaiʼa apatesaya vayatama vayaʼmo muki taoniʼafi taoniʼafiʼmo lekana paika apato.