Apa 26:7 - The Keyagana NT and 25 OT books

⁷ Felugaʼe haniʼilagaʼeʼmo tuolofuʼa nofi vayatimogi Gotifeʼmo mono huge apakesamo afiʼa fatago huge huteʼa ani gelefeʼmo apavayagunagu huʼa agava neʼmaiye. Ala kini vekamo Agalipao, huno, Navayagunagu huʼna agava neʼmauva kavatefeʼmo agoti huʼa neʼnatae.

Apa 26:7 ပူးပေါင်းရင်းမြစ်များ

Esala 6:17

Mono noʼmo aote hanesiyafeʼmo lekana paiʼa ateteʼapaeʼmo vani hataletiʼa ve pulumakagi tu hataletiʼa ve sipisipigi fo hataletiʼa sipisipi aikeligi huʼa apavaleliʼuʼa mukiʼamo Gotitefeʼmo ofalinimo huʼnae. Apakaemo hosu kavaʼapilefeʼmo ofalinimo huʼnae. Tuolofuʼa Isaleli nofi vayaʼmo maiʼnaya kava huʼa hosu kavaʼapilefeʼmo tuolofu ve mememo apavaleliʼeʼa tuolofu Isaleli nofi vayaʼaitefeʼmo apamagiʼa ofalinimo huʼnae.

Esala 8:35

Mamiloni vayaʼmogi eʼa kame huteʼa kalavusi huʼa apateteʼa apavaleliʼa Mamiloni kotegamo uʼnageʼapaeʼmo halate Yulusalemu taonifiʼmo atagineʼa eʼnaya vayaʼmogimo Isaleli vayaʼmogita Gotitimotefeʼmo ofalinimo huʼnae. Apakaemo tuolofuʼa Isaleli nofi vayaʼaitefeʼmo tuolofuʼa ve pulumakamo ofalini huge naeti sigisiʼa ve sipisipimo ofalini huge seveti seveniʼa sipisipi aikelimo ofalini huge hosu kavaʼapilefeʼmo tuolofuʼa ve mememo ofalini huge huʼnae. Muki ani afu ofalinimo Ala kava netefeʼmo huʼnaya ofalinimo atafiʼmo alagi leno saga lino ataleʼniye.

Samu 135:2

Ala kava neʼmo noʼafiʼmo he titapa maiʼnaya vayaʼenagi Gotitimo mono noʼamo kumateʼmo he titapa maiʼnaya vayaʼenagi hutapa Ala kava neʼmo agiʼaleʼmo alitapa asaga hiyo. Agaemo alagepa Gotiʼmo maiʼniyaʼmofeʼmo agiʼaleʼmo alitapa asaga hiyo. Lapamogaga aisaya kavaʼmo haneʼniyaʼmofeʼmo agiʼalefeʼmo yokemo hiyo.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Luki 2:25

Mago vekamo Yulusalemu taonifiʼmo maiʼniya vekamo agiʼamo Simiyoniʼa fatago kavaʼmo huno Goti keʼaepa geʼamo akame huteno Isaleli vayaʼmo hapau vaisiya afinafeʼmo agava maiʼniye. Aote Aunemeʼamoʼmo agaeteʼmo eminenoʼaeʼmo,

Luki 22:30

Yagaiʼna apatesuva koteʼmo hiʼyalamuʼnileʼmo siyateʼmo fai maiʼnetapa neʼyaʼmo nege aniʼmo nege huta maiʼnetapaeʼmo Isaleli vayaʼmo tuolofuʼa nofi vayaʼaiteʼmo yagaiʼa neʼapataya vayaʼai siyateʼmo fai maiʼnetapa yagaita apatesayafeʼmo lekana paiʼna lapateʼnove, huno hapa paiteno

Apa 20:31

Ani kavaʼmo hugayaʼmofeʼmo alagepa hutapa yagaiʼnetapa huʼnova geeʼmo lapakesamo afiyo. Loleʼe magoʼe kafugafiʼmo felugaʼe haniʼilagaʼeʼmo naulagafatiʼmo naunumo uno nelamigeʼnaeʼmo mukiʼamogitapaeʼmo, ehetapiye, huʼna lapa paime lapa paime eʼnove.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Apa 26:2

Ala kini vekamo Agalipao, huno, Kaulagaleʼmo he tiʼna maiʼneʼnaeʼmo gemo huʼna naha maesuvafeʼmo Yu vayaʼmogi agoti huʼa nateʼnaya gemo kaha paisuvafeʼmo naipamoʼmo falu huʼniye.

Apa 26:3

Kagaemo muki Yu vayaʼmogitamo nehuna kavatiʼe lagesa neʼafuna kavatiʼeʼmo ago ageʼnanaʼmofeʼmo magoʼe huno naipamoʼmo falu nehiye. Kahao ke hove. Alaga okahaeʼninageka geʼnimo afiyo.

Apa 28:20

Ani kavaʼmo afole aiʼniyaʼmofeʼmo lapaketeʼnaeʼmo ani gemo lapa paisuvafeʼmo huve. Isaleli vayaʼmogimo apavayagunagu huʼa agava maiʼnaya vekalefeʼmo kalavusi huʼa nateʼnageʼna hemenimo maiʼnove, huno hapa paiʼniye.

Filipai 3:11

Atupaleʼmo uʼna avaʼyi huteʼna muki faliʼnaya vayapatiʼmo alagepa huʼna he tisuvafeʼmo amalageka huʼna nayamukiki nehuve.

1 Tesaloniyani 3:10

Lagaemo uta lapa maeta lapakesamo afita fatago huʼnaya kavatapimo alita kosita atesunafeʼmo muki afinaʼmo felugaʼe haniʼilagaʼeʼmo laipafiʼmo nunumuʼmo huta nelapatone.

1 Timoti 5:5

Apakaiʼapigeʼmo maiʼnisaya kogu aʼne anagaʼmogimo Gotifeʼmo aliʼa amufa amiteʼapaeʼmo nunumuʼmo huʼa apatege felugaʼe haniʼilagaʼeʼmo nunumuʼmo huge huʼa neʼmaiye.

Yemisi 1:1

Nagaemo Yemisiʼnamo Gotiʼe Ala kava neʼmo Yesu Kalaisiʼeʼmo aliʼyaʼanimo neʼaluve. Nagaemo tuolofuʼa Yu nofi vayaʼmo kotapimo ataletapa atagu faetapa uteta huʼnaya vayaʼmogitapaeʼmo ge lapamamaeʼna mani gemo avoʼmo nekaove.