Apa 26:22 - The Keyagana NT and 25 OT books

²² Gotiʼa alagepa huno naha maeme naha maeme eʼnigeʼna apaki haneʼniya vayaʼe apaki ohaneʼniya vayaʼefeʼmo aeʼna hakalo huʼna hapa paiʼna maiʼnove. Gotitegati gemo alini eʼa aeʼa hakalo huʼa hapa nepaiya vayaʼmogiʼe Moseseʼeʼmo huʼapaeʼmo, ani kavaʼmo afole aigiye, huʼa hapa paiʼnaya agufa geʼageʼmo huʼna hapa paime hapa paime eʼna maiʼnove.

Apa 26:22 ပူးပေါင်းရင်းမြစ်များ

Esala 8:31

Inagi lagaemo napa vani kaimo tuolofu afinaʼmo Ahava anitetiʼmo ataleta Yulusalemu taonifiʼmo visunafeʼmo uʼnone. Gotiʼa lagaeʼeʼmo magokepi lokaeno maiteno alagepa huno yagaino lateʼniya kavaʼmo kame vayatimogiʼe kumaya vayaʼmogi apayapatiʼeʼmo lagufamo alino katino lateʼniye.

Samu 124:8

Ala kava neʼmoʼa kokuʼnaʼmo alo hute mopamo alo hute huʼniya vekamo agaiʼafiʼmo laha neʼmaeya kavaʼmo haneʼniye.

Samu 18:47

Naha maeʼnigeʼna kame huʼna aeʼna apaka seʼnove. Agaemo naiyafiʼmo alino apateʼniye.

Samu 66:12

Kagaemo apataleʼnanageʼa kame vayatimogimo kamemo huʼa aeʼa laga seteʼa apaiyaletiʼmo aeʼa latapaiʼnae. Lagaemo atafiʼmo uge aniʼmo neheya yapatiʼmo lakaeta uge huʼnonaʼmonanafa lagufamo alika katika lateʼnanageta alagepa huta maiʼnone.

Matiyu 26:24

Vemo mafaʼnemoʼa Goti mukufiʼmo ago avoʼmo kae maleʼnaya kateʼmo ugiyaʼmonanafa kutulu yaʼmo aliʼniya vekalegamo kage kage kavaʼmo afole aigiye. Itaʼamoʼmo alino oʼateʼniyesinana agaetefeʼmo kanale huʼniyesine, huno hapa paiʼniye.

Luki 16:28

Faefuʼa konagaʼnimogi maiʼnayanageno uno lamino, ehetapiye, huno hapa paisigeʼa afiteʼapaeʼmo mani lusi kava huno apakafu kisiya koteʼmo emi oʼmegae, huno ha paiʼnigeno

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Luki 24:46

Huno hapa paitenoʼaeʼmo, Kalaisi vekamo agafu kisigeno falitenoʼaeʼmo napa tali afinaʼmo kanolufatiʼmo he tigiye.

Yoni 1:17

Ani kavatefeʼmo Gotiʼa Mosesetetiʼmo keʼaepa geʼamo lamiʼniyaʼmonanafa Yesu Kalaisitetiʼmo fiku laha maeno lamiteno lama geʼamo alino afole aino ateʼniye.

Yoni 1:45

Filipiʼa uno kahauya huno Natanieloʼmo agetenoʼaeʼmo, Moseseʼa keʼaepa gemo avoʼmo kae maleʼniya Mukufiʼmo mago vekaeʼmo ava gemo huno avoʼmo kae maleʼnigeʼapaeʼmo Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo ani kava huʼa ava gemo huʼa avoʼmo kae maleʼnaya vekamo ago ageʼnove. Agiʼamo Yesuʼa Yosefe mafaʼnemo Nasalasa taonifi vekamo maiʼnigeʼna ageʼnove, huno ha paiʼnigeno

Yoni 5:39

Lapakaemo Goti Mukufiʼmo haneʼniya geeʼmo kahauya hutapa agege lekana paige hutapa maiʼnetapaeʼmo, alagepa huta maige maige huta maisuna yaʼmo aligune, hutapa lapakesamo neʼafiyaʼmonanafa ani gemoʼa nagaefekeʼmo huʼniye.

Yoni 5:46

Moseseʼa nava gemo huno avoʼmo kae maleʼniyaʼmofeʼmo Mosese geʼaeʼmo lapakesamo afita fatago huʼnaesinana geʼnieʼmo lapakesamo afita fatago nehaesine.

Apa 10:43

Muki laginago vayaʼmogi Gotitegati gemo alini eʼa aeʼa hakalo huʼa hapa nepaiya vayaʼmogimo ava gemo huʼapaeʼmo, Gotiʼa ani vekamo agiʼaletiʼmo agaefeʼmo apakesamo afiʼa fatago nehaya vayaʼai hosu kavaʼapimo alino atalegaiye, huʼa avoʼmo kae maleʼnae, huno hapa paiʼniye.

Apa 13:29

Goti Mukufiʼmo Yesufeʼmo ava gemo huʼapaeʼmo, Ani kavaʼmo afole aigiye, huʼa huʼnaya agufa kavaʼmo agaetegamo huteʼapaeʼmo nilimo aiʼa akaiʼa alini uʼa kiʼa ateʼnayaʼmonanafa

Apa 24:14

Ani gemo nehuvaʼmonanafa magoʼe gemo aeʼna hakalo huʼna kaha paiguve. Nagaemo mago aigofe kane huʼa nehaya kateʼmo akame nehuʼna laginago vayaʼai Gotiʼapimofeʼmo mono nehuve. Muki avoʼmo kae maleʼnaya gemo Mosese keʼaepa geʼenagi Gotitegati gemo alini eʼa aeʼa hakalo huʼa hapa nepaiya vayaʼai geʼapienagi huʼna nagesamo afiʼna fatago nehuve.

Apa 26:17

Nagaemo Yu vayaʼaitegaʼe alu nofi vayaʼaitegaʼeʼmo aliʼna katesugeka uka maiʼnisanageʼnaeʼmo apayapatiʼmo kagufamo aliʼna katiʼna kategauve.

Apa 26:6

Hemenimo agotileʼmo aliʼa he tiʼa nateʼnaya gemo aepaʼamo kaha paiguve. Gotiʼa akeyaʼvilaga laginago vayaʼaifeʼmo hunoʼaeʼmo, ani kavaʼmo huguve huno huʼniya kavaʼmo afole aisiyafeʼmo navayagunagu huʼna agava neʼmauva kavatefeʼmo agoti huʼa neʼnatae.

Apa 28:23

Ani gemo huteʼa Poloʼa mago afinaʼmo hapa paisiyafeʼmo lekana pai maleʼnaya afinaʼmo asole vayaʼmo Poloʼmo maiʼniya notegamo eʼnae. Poloʼa netepiʼmo aepa faino Gotiʼa neʼyagaiya kavaʼmo aepaʼaeʼmo ava gemo alino apaya malege aeno hakalo huno hapa paige huno maiʼniye. Agaemo Yesufeʼmo apakesamo afiʼa fatago hisayafeʼmo Mosese geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼefeʼmo apakesamo alino hapa paime hapa paime neʼegeno yegemo uno lamino faleʼniye.

Lomu 3:21

Ani kava huʼa maiʼnayaʼmonanafa hemenimo Gotiʼa fatago kavaʼamo agaiʼalegatiʼmo alino apave neliye. Keʼaepa geʼamo akame nehaya kavatetiʼmo noʼapamifa fikumo hapa maeno neʼapamiye. Moseseʼe Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo avoʼmo kae maleʼnaya gefatiʼmo ani kavafeʼmo ava gemo aeʼa hakalo huʼa hapa nepaiye.

1 Kolitiyani 15:3

Gotiʼa mani gemo namiʼnigeʼna lapamiʼnova gemo hogote gemo haneʼniyana Kalaisiʼa hosu kavatilefekeʼmo faliʼniye. Akeyaʼvilagamo Goti Mukufiʼmo hu maleʼniya gemoʼa hunoʼaeʼmo, faligiye, huno hu maleʼniya gelefeʼmo faliʼniye.

1 Kolitiyani 15:4

Kanolufiʼmo kiʼa ateʼnageno loleʼe magoʼe afinaʼmo utegenoʼaeʼmo ago alino he tino ateʼniye.

2 Timoti 3:11

Apaini huʼa nateʼnageka nagege kana yaʼmo aliʼnogeka nagege huʼnane. Nagaemo Atiyoki taonifinagi Lisitiya taonifinagi Aikoniyamu taonifinagi huʼa hanageke yaʼmo namiʼnageka nageʼnane. Ala kava neʼmoʼa muki hanageke kavapatiʼmo nagufamo alino katino nateʼniye.

Leveleseni 11:18

Kaipamo leka neʼapatana kavakamo afole yateʼmo afole aisigekaeʼmo faliʼnaya vayaʼmo agoti huka apatesana afinaʼmo afole neʼaiyaʼmofeʼmo malaga vayaʼmogimo lusi kava huʼa apaipamo leʼa kateʼnae. Kagaemo aliʼyakamo neʼaliya vayaʼmogimo kagaetegati gemo alini eʼa aeʼa hakalo huʼa hapa nepaiya vayanagi muki apaote vayakagi muki vayaʼmogi kagaefeʼmo koli nehaya vayanagi ala apakiʼapimo oʼaliʼnisaya vayanagi ala apaki vayanagi huka miyaʼapimo apamisana afinaʼmo ago afole aiʼniye. Ma mopafi vayaʼmo aliʼa hosu huʼa neʼapataya vayaʼmo alika hosu huka apatesana afinaʼmo ago afole aiʼniye, huʼa huʼnae.

Leveleseni 15:3

Apakaemo Moseseʼa Goti aliʼyaʼamo neʼaliya vekamo yokemo aikeli sipisipimo yokeʼamo huʼnae. Ani yokemo huʼapaeʼmo, Ala kava neʼmo kayamufaʼage Gotigae, huʼa, Magoʼe kavaʼmo nehanageʼapaeʼmo hapau neʼaiye. Apaote vayaʼaiteʼmo yagaika neʼapatana ala kini vekaʼapimogae, huʼa, nehana kavakamo kanale kavaʼageʼmo haneʼnigeka lama ge kavaʼmo nehane.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.

1 Samiyo 7:12

Inagi Samiyoʼmo mago alopa yafaʼmo alino Misipa taoniʼe Seni koʼmoʼe folagapiʼmo ani yafaʼmo faino atetenoʼaeʼmo mani yafaʼmo agiʼamo Emanisa yafane, huʼna ateʼnove. Ala kava neʼmoʼa laha maeme laha maeme eno manileʼmo laha maeʼniye. Ani yafaʼmo agimo aepaʼamo laha maeʼniya yafane, huno ateʼniye.