Apa 26:2 - The Keyagana NT and 25 OT books

² Ala kini vekamo Agalipao, huno, Kaulagaleʼmo he tiʼna maiʼneʼnaeʼmo gemo huʼna naha maesuvafeʼmo Yu vayaʼmogi agoti huʼa nateʼnaya gemo kaha paisuvafeʼmo naipamoʼmo falu huʼniye.

Apa 26:2 ပူးပေါင်းရင်းမြစ်များ

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Matiyu 10:19

Agoti huʼa lapatesagetapaeʼmo na agufa gemo huteta haiya agufa gemo huta geʼapileʼmo aeta atagaina huta hapa paigune, hutetapa lapakesa alaʼamo oʼafiyo. Ani afinaʼmo afole aisigenoʼaeʼmo Goti Aunemeʼamoʼmo hapa paisaya gemo lapamigiye.

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Luki 21:12

Ani kavaʼmo afole oʼaiʼnisigeʼapaeʼmo hogoteʼa apaini huʼa lapatege kalavusi huʼa lapatege mono nokopiʼmo agoti huʼa lapateteʼa kalavusi huʼa lapatege hugae. Apakaemo nagiʼnilefeʼmo lapavaleli eʼa alaʼapimo yagaiʼa neʼapataya vayaʼaitegaʼe gamani vayaʼaitegaʼeʼmo aliʼa he tiʼa lapatesagetapaeʼmo nagae nava gemo huta faigoko geʼnimo hapa paigae.

Apa 25:26

Aliʼna atesuvafeʼmo huʼnovana mago gemo avoʼmo kaesuva gemo alinino ala kava vekaʼnimotega visiya gemo ohaneʼniye. Geʼnimo ohaneʼniyaʼmofeʼmo kini vekamo Agalipao, huno, kagaetegaʼe muki vayaʼaitegaʼeʼmo avaleliʼna eʼnove. Hisiya gemo afitetapa naha paisageʼnaeʼmo avoʼmo kaegauve.

Apa 26:1

Agalipaʼa Polofeʼmo hunoʼaeʼmo, kagaikamo kaha maesana gemo afaʼa hugane, huno ha paiʼnigenoʼaeʼmo, Poloʼa ayaʼmo ataleteno agaiʼamo ha maesiya gemo hunoʼaeʼmo,

Apa 26:19

Poloʼa hunoʼaeʼmo, Ala kini vekamo Agalipao, huno, ani kokuʼnapati huʼniya gemo amagiʼna oʼataleʼna uʼna Namasakasi taonifinagi Yulusalemu taonifinagi muki Yutiya kotegagi huʼna uʼna Yu vayaʼaifeʼmo ani gemo aeʼna hakalo huʼna hapa paiteʼna uʼna alu nofi vayaʼaifeʼmo aeʼna hakalo huʼna hapa paiʼnove. Nagaemo huʼnaeʼmo, lapaipamo alitapa afe letetapa aitapa atagi netapa Gotitega etetapa muki vayaʼmo alita apave lisayafeʼmo apaipamo aliʼa afe nelaya vayaʼmogi nehaya agufa alagepa kavaʼmo hiyo, huʼna hapa paiʼnove.

Apa 26:26

Ala kini vekamoʼmo ani kavafeʼmo ava gemo ago afiʼniyaʼmofeʼmo koli osuʼna aeʼna hakalo huʼna ha nepauve. Ago afole yategamo afole aiʼniyaʼmofeʼmo ago afiʼnovana ani kavafeʼmo ava gemo ago afiʼniye.

Apa 26:3

Kagaemo muki Yu vayaʼmogitamo nehuna kavatiʼe lagesa neʼafuna kavatiʼeʼmo ago ageʼnanaʼmofeʼmo magoʼe huno naipamoʼmo falu nehiye. Kahao ke hove. Alaga okahaeʼninageka geʼnimo afiyo.

Apa 26:7

Felugaʼe haniʼilagaʼeʼmo tuolofuʼa nofi vayatimogi Gotifeʼmo mono huge apakesamo afiʼa fatago huge huteʼa ani gelefeʼmo apavayagunagu huʼa agava neʼmaiye. Ala kini vekamo Agalipao, huno, Navayagunagu huʼna agava neʼmauva kavatefeʼmo agoti huʼa neʼnatae.