Apa 26:11 - The Keyagana NT and 25 OT books

¹¹ Umenitata huʼna muki Yu vayaʼai mono nopiʼmo kayoʼmo apamiteʼna Yesufeʼmo huʼa faipa huʼa atesayafeʼmo apamagiʼnove. Lusi kava huno naipamo leʼnigeʼnaeʼmo alu nofi vayaʼai taoniʼapifiʼe taoniʼapifiʼeʼmo umenitata huʼna kayoʼmo apamiʼnove.

Apa 26:11 ပူးပေါင်းရင်းမြစ်များ

Matiyu 10:17

Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Maki 3:28

Lama gemo lapa nepauve, huno, Gotiʼa muki hosu kavaʼapiʼe agaefeʼmo huʼa faipa huʼa neʼataya geʼapiʼeʼmo afaʼa alino atalegaiye.

Luki 15:17

Inagi hogoteno negi nagi kavaʼmo huʼniyana ani afinaʼmo agesamo aino halo aiʼnigeno agesamo afinoʼaeʼmo, afoʼnimo aliʼyaʼamo neʼaliya vayaʼmogi magoʼe huno lusi neʼyaʼmo haneʼnigeʼa neʼnaya yafena naga teʼnigeʼna aise afinaʼmo falisuvafeʼmo huve.

Luki 21:12

Ani kavaʼmo afole oʼaiʼnisigeʼapaeʼmo hogoteʼa apaini huʼa lapatege kalavusi huʼa lapatege mono nokopiʼmo agoti huʼa lapateteʼa kalavusi huʼa lapatege hugae. Apakaemo nagiʼnilefeʼmo lapavaleli eʼa alaʼapimo yagaiʼa neʼapataya vayaʼaitegaʼe gamani vayaʼaitegaʼeʼmo aliʼa he tiʼa lapatesagetapaeʼmo nagae nava gemo huta faigoko geʼnimo hapa paigae.

Luki 6:11

Apaipamo lusi kava huno leʼnigeʼapaeʼmo, agaetegamo na agufa kavaʼmo hisune, huʼa huteʼa ge huge afige huʼa maiʼnae.

Apa 13:45

Asole vayaʼmo eʼa maiʼnageʼa Yu vayaʼmogi apaketeʼapaeʼmo apaipa kafamo hanaeʼnageʼa Polo geʼamo amagiʼa ataleteʼa Polofeʼmo huʼa faipa huʼa ateʼnayaʼmonanafa

Apa 18:6

Yu vayaʼmogimo geʼamo amagiʼa ataleteʼa huʼa faipa huʼa ateʼnagenoʼaeʼmo kukenaʼaletiʼmo mumusopamo alino kalo paeno ataletenoʼaeʼmo, Oʼafiʼnayaʼmofeʼmo lapakaemo afela hesayaʼmoʼmo nagaemo vaiʼmo oʼaligufa lapakaitapigeʼmo vaiʼmo aligae. Lapataleʼna alu nofi vayaʼaitegamo uguve, huno hapa paiteno apataleno uʼniye.

Apa 22:19

Naha paiʼnigeʼnaeʼmo, Ala kava nene, huʼna, Ago afiʼnayana nagaemo uʼna Yu vayaʼai mono nopiʼe nopiʼeʼmo uʼna haiʼna kagaefeʼmo apakesamo afiʼa fatago nehaya vayaʼmo kalavusi huʼna apatete apatete huʼnove.

Apa 22:5

Mono huʼa neʼapataya vayaʼaiteʼmo yagaino neʼapateya vekaʼe muki kanisole vayaʼmogiʼeʼmo huʼnova kavaʼnimo ago nageʼnayanageʼa afaʼa nava gemo huʼa lapa paigae. Apakaemo mago avoʼmo kaeʼa namiʼnageʼna alininuʼna Namasakasi taonifiʼmo Yu vayaʼmo apamisuvafeʼmo kaeʼa namiʼnae. Nagaemo ani vayaʼmo kalavusi huʼna apateteʼna Yulusalemu taonifiʼmo apavaleliʼna esugeʼa lusi hosu apakafu yaʼmo alisayafeʼmo uʼnove.

Apa 9:1

Ani afinaʼmo Soloʼa Ala kava neʼmo geʼamo neʼafiya vayaʼaifeʼmo lokiya gemo hunoʼaeʼmo, apamagisugeʼa faligae, huno huteno lusi kava huno ha ha hulinuneno huno mono huʼa neʼapataya vayaʼaiteʼmo yagaino neʼapateya vekaeʼmo,

Yemisi 2:7

Apakaemo lapakaefeʼmo alagepa agimo neʼaya agiʼalefeʼmo huʼa faipa huʼa neʼatae.

2 Pita 2:16

Hosimogimo apake noʼaiya afumo maiʼnayaʼmonanafa mago hosimoʼa vayaʼmogi nehaya agufa gemo huno Melamifeʼmo, hosu kavaʼmo nehane, huno ha paiʼniye. Melamiʼa gemo aeno hakalo huno hapa nepaiya vekamoʼmo negi kavaʼmo huʼnigenoʼaeʼmo ani kavaʼmo magoʼe huno osisiyafeʼmo huno atafauno ateʼniye.