Apa 26:1 - The Keyagana NT and 25 OT books

¹ Agalipaʼa Polofeʼmo hunoʼaeʼmo, kagaikamo kaha maesana gemo afaʼa hugane, huno ha paiʼnigenoʼaeʼmo, Poloʼa ayaʼmo ataleteno agaiʼamo ha maesiya gemo hunoʼaeʼmo,

Apa 26:1 ပူးပေါင်းရင်းမြစ်များ

Samu 119:46

Nagaemo kavayafatiʼmo nehana gemo aliʼna yagaiʼnaya kini vayaʼaifeʼmo aeʼna hakalo huʼna hapa paisugenoʼaeʼmo navagage osugiye.

Mai'naya kavane 1:24

Keya aeʼna ge huʼnovana oʼafiʼnae. Nagesayafeʼmo nayaʼmo ataleʼnovana aulu hetapa oʼnageʼnae.

Mai'naya kavane 18:13

Mago vekamoʼmo ha paiʼniya gemo alagepa huno oʼafiʼneno malage huno geʼapileʼmo aeno atagaina huno hisiyaʼmoʼmo negi gemo hugiyaʼmofeʼmo avagage hugiye.

Mai'naya kavane 18:17

Hogoteno agotileʼmo uno he tiʼniya vekamoʼmo huʼniya geeʼmo, lama gemo huʼniye, huʼa apakesamo afisayaʼmonanafa no haopaleʼmo maiʼniya vekamoʼmo eno hosu kavaʼamo alino apave ligiye.

Yoni 7:51

Lagaemo keʼaepa getimo akame hisunafeʼmo fiku agoti huta atetetaeʼmo, hosu kavaʼmo huʼniye, huta osisuna agufa kavaʼmo haneʼniye. Hogoteta avayafatiʼmo hisiya gemo afiteta nehiya kavaʼmo ageteta alita fako hisuna agufa kavaʼmo haneʼniye, huno hapa paiʼnigeʼapaeʼmo

Apa 22:1

Poloʼa hunoʼaeʼmo, Nafaluʼnimogitapaʼe afoʼnimogitapaʼeʼmo geʼnimo afiyo. Nagaefeʼmo huʼapaeʼmo, ani kava nehiye ina kava nehiye huʼa nehaya gelefeʼmo mago gemo hugesuve, huno hapa paiʼniye.

Apa 25:16

Naha paiʼnayaʼmonanafa, Haʼao, Lagaemo Lomu vayaʼmogita ani agufa kavaʼmo nosune. Hogoteta agoti huʼa atesaya vekamo agotimo huta ategaune huʼa huʼnaya vayaʼai apaulagaleʼmo alita he tita ateʼnonageno agaiʼamo ha maesiya agufa gemo higeta neʼafune, huʼna hapa paiʼnove.

Apa 25:27

Nagaemo kalavusifi maiʼniya vekamo agoti huʼa atesaya gemo avoʼmo okaeʼna fiku aliʼna atesugeno visiyana kanale osugiye, huno hapa paiʼniye.

Apa 26:2

Ala kini vekamo Agalipao, huno, Kaulagaleʼmo he tiʼna maiʼneʼnaeʼmo gemo huʼna naha maesuvafeʼmo Yu vayaʼmogi agoti huʼa nateʼnaya gemo kaha paisuvafeʼmo naipamoʼmo falu huʼniye.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

Lomu 10:21

Huʼniyaʼmonanafa Gotiʼa Isaleli vayaʼaifeʼmo hunoʼaeʼmo, Nagae gemo oʼafiʼa himuʼnamu kavaʼmo nehaya vayaʼaiteʼmo yatala afinaʼmo he tiʼna maiʼneʼnaeʼmo eyo, huʼna huteʼna nahakumo aliʼna ataleʼna maiʼnove, huno hapa paiʼniye.