Apa 25:23 - The Keyagana NT and 25 OT books

²³ Egamo Agalipaʼe Menisiʼeʼmo muki konali yaʼanimo aliteʼana eʼnaʼageʼapaeʼmo muki vayaʼmogimo anakiʼanileʼmo aliʼa asagauʼa anateʼnae. Anakaegi ati vayaʼaiteʼmo yagaiʼa neʼapataya vayanagi ani taonifiʼmo apaki haneʼniya vayanagi huʼa eʼa aliʼa anupa huʼa neʼmaiya nopiʼmo uʼa haiʼa maiʼnae. Fesitasiʼa hunoʼaeʼmo, Poloʼmo uka avalelikeno, huno ha paiʼnigeno uno avalelino eʼniye.

Apa 25:23 ပူးပေါင်းရင်းမြစ်များ

Esata 1:4

Ani neʼyaʼmo magoʼe huno apamime apamime uʼnigeʼa sigisiʼa kaimo neʼa maiʼnagenoʼaeʼmo ani kini vekamoʼa muki noʼafi konali yaʼamogi kagemi yaʼamogi muki alu ya alu yaʼamogi huno alino apave liʼniye. Ani yaʼmo ageʼnayana alagepa yaʼmo haneʼnigeno mago hogote yaʼmo haneʼnigeʼa ageʼnae.

Aiyeya 5:14

Ani hosu kavaʼmo huʼa maiʼnayaʼmofeʼmo apakaemo alino nakaisiyafeʼmo kanoluʼapimo alopa avayamo haneʼnigeno aka huteno alo huno maiʼniye. Apamogaga neʼaiya vayanagi hogote vayanagi muki afaʼa maiʼnaya vayaʼenagi huʼa kanolufiʼmo uʼa lamigae.

Neniyo 4:30

Mani Mamiloni taonimo alo huʼnova taonimo vayaʼmogi ageʼa amuse nehaya taonimo ohaneʼnifiye. Nagaiʼni ala nagiʼnilefeʼmo himamuʼniletiʼmo alo hutove, huno huʼniye.

Maki 6:21

Helotiʼa itaʼamoʼmo alino ateʼniya afinaʼmo halate afole aiʼnigeno yagita huʼnigeʼapaeʼmo yagaiʼa apateʼnaya gamani vayanagi ati vayaʼaiteʼmo yagaiʼa apateʼnaya vayanagi Galeliya kotega ala apaki vayanagi huʼa eʼa neʼyaʼmo neʼnae. Ani afinaʼmo Helotiyasiʼa Yoniʼmo amagisiya kaʼmo ageʼniye.

Apa 12:21

Mago lekana pai maleʼniya afinaʼmo Helotiʼa yagaino neʼapateya kukenaʼamo alino vaiteno yagaino neʼapateya siyateʼmo uno haino maiʼnenoʼaeʼmo asole gemo hapa paiʼniye.

Apa 25:13

Mago afinaʼmo utegeʼana mago ala kini vekamo agiʼamo Agalipaʼe aʼamo Menisiʼeʼmo Sisaliya kotegamo Fesitasiʼa agesaʼafeʼmo eʼnaʼae.

Apa 26:30

Huno ha paiʼnigeʼapaeʼmo ala kini vekaʼapimo Agalipaʼagi yagaino neʼapateya vekamo Fesitasiʼagi Menisiʼagi muki vayanagi huʼa he tiʼa kumategamo uʼa lamiʼa apakaiʼapi apakaiʼapimo ge huʼapaeʼmo, Ani vekamo kalavusi agufa kava huno oʼmaiʼniye, huʼa huʼnae.

Apa 9:15

Ala kava neʼmoʼa hunoʼaeʼmo, Nagaemo aliʼyaʼnieʼmo uno nagiʼnimo alu nofi vayaʼaifenagi yagaiʼa neʼapataya vayaʼaifenagi Isaleli vayaʼaifenagi huno aeno hakalo huno hapa paisiyafeʼmo lekana paiʼna ateʼnovanagi afaʼa uvo.

1 Kolitiyani 7:31

Ma mopafi kagemi yatefeʼmo aliʼyaʼmo neʼalisaya vayaʼmogimo ma mopafi yafekeʼmo apakesamo afiteʼa atafauʼa alagi huʼa oʼmaisaya kavaʼmo haneʼniye. Ma mopaʼe ma mopafi kavaʼeʼmo alagi ago hano hisiyafeʼmo hogo nehiye.

Yemisi 1:11

Yegemoʼmo haineno neʼagegenoʼaeʼmo lusi kava huno amuko huʼnigeno kahaumo leno falu teʼnigenoʼaeʼmo auseʼamo hali nehigenoʼaeʼmo konali yaʼamo alagi hano nehiye. Ani kava huʼa kagemi yaʼapiʼe vayaʼmo aliʼyaʼapimo neʼalisaya folagapatiʼmo faligae.

1 Pita 1:24

Goti mukufi gemoʼa ani kavatefeʼmo hunoʼaeʼmo, Muki vayaʼai amega apakufaʼamo kahaugana huno haneʼniye. Konali yaʼapimo kahaumo ausegana huno haneʼniye. Kahaumo leno falu netegenoʼaeʼmo auseʼamo asagauno neʼaiyaʼmonanafa Ala kava neʼmo geʼamo alagi hanege hanege huno hanegaiye, huno huʼniye. Apakaemo mani alagepa faigoko geʼamo ago aeʼa hakalo huʼa lapa paiʼnae.

1 Yoni 2:16

Muki ma mopafi kavaʼmo haneʼniyana apakufamoʼmo haʼye nehiya kavaʼmo hanege ageteʼapaeʼmo hapaʼye nehiya kavaʼmo hanege aliteʼa ala apakimo neʼaliya kavaʼmo hanege huʼniye. Ani kavaʼmo Goti kavaʼamo ohaneʼnifa ma mopafi kavaʼmo haneʼniye.