Apa 24:25 - The Keyagana NT and 25 OT books

²⁵ Poloʼa alagepa kavafeʼmo ava gemo huno ha paige vayaʼmogimo apakaiʼapi apakufaleʼmo apamete apamete huʼa yagaisaya kavafeʼmo ava gemo huno ha paige Gotiʼa agoti huno apatesiya kavafeʼmo ava gemo huno ha paige nehigenoʼaeʼmo Filikisiʼa koli huteno, Afaʼa ateka uvo. Henagaʼamo maiʼneʼna gekamo afiguve, huʼna hisuva afinaʼmo ge hisugeka eka naha paigane, huno ha paiʼniye.

Apa 24:25 ပူးပေါင်းရင်းမြစ်များ

1 Kini 21:27

Ehapiʼmo Ilaiyaʼa huʼniya gemo afitenoʼaeʼmo lusi kava huno alino amalagiteno kukena yaʼamo alino apake aiteno kogu kukenamo alino vaitenoʼaeʼmo neʼyaʼmo mosige kogu kukenamo vaino alinino havaege yulagefa aige huno maiʼniye.

Esala 10:3

Inagi hemenimo lagaemo Gotitimoʼeʼmo kotalakemo hu malegetao. Gotitimofeʼmo hutaeʼmo, Ani malaga aʼne anagaʼe mafaʼne anagaʼapiʼeʼmo hapa faita apatalegaune, huta ha paigune. Kagaemo ala vakeʼnimogae, huʼna, alagepa laipa lagesamo nelaminageʼa Gotitimo keʼaepa geʼamo afiteʼa atete nehaya vayaʼai geʼapiʼeʼmo afaʼa afigune. He, Goti keʼaepa gemo alagi akame hugune.

Esala 10:9

Inagi loleʼe magoʼe afinaʼmo oʼuʼnigeʼa muki Yuta nofi vayanagi Menisameni nofi vayanagi huʼa eʼa Yulusalemu taonifiʼmo naeni kaimo tuveti afinaʼmo aliʼa anupa huʼnae. Mukiʼamogimo Goti mono noʼamo haopaleʼmo aliʼa anupa nehaya yateʼmo fai maiʼneʼa atete huʼnae. Alopa koʼmo aiteno muki vayaʼmo ko apaige ani hanageke yaʼmo afole aige huʼniyaʼmofeʼmo atete huʼnae.

Samu 11:7

Na agufa kavafeʼmo hauʼniyanagenoʼaene. Ala kava neʼmo fatago vekamo maiʼnenoʼaeʼmo fatago kavafekeʼmo hauʼniyaʼmofeʼmae. Alagepa kavaʼmo nehaya vayaʼmogimo uʼa haiʼa augosafiʼmo agegae.

Samu 119:120

Nagaemo kagaefeʼmo koli nehugenoʼaeʼmo nagufamoʼmo atete nehiye. Alika fako nehana kavakaeʼmo koli nehuve.

Samu 45:7

Kagaemo alagepa kavafeʼmo lusi kava huno kahauʼnigeno hosu kavafeʼmo kaini huʼnane. Ani kavaʼmo nehanaʼmofeʼmo Gotiʼa Gotikamoʼmo uvelimo lakino katetenoʼaeʼmo lekana paino kateʼniyanageka alagepa huka kamogaga aika maisanafeʼmo magoʼe huno kamiʼnigeka kafalukamogimo aeka apakaseka alagepa huka maiʼnane, huno ha paiʼniye.

Samu 99:1

Ala kava neʼmoʼa kini vekamo maiʼneno yagaino neʼapateyanageʼa muki alu nofi vaya alu nofi vayaʼmogimo atete hiyo. Agaemo mono noʼafiʼmo lole enisole vekalaʼani anauneʼamo maleʼnaya folagapiʼmo fai maiʼniye. Ma mopamoʼmo atete hino.

Mai'naya kavane 16:12

Kini vayaʼmogimo fatago kavaʼmo hisayaʼmoʼmo yagaiʼa apateme apateme ugayaʼmonanafa kini vayaʼmogimo hosu kavaʼmo hisayaʼmoʼmo alagi hosugiye.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 1:21

Yulusalemu taoniyo, huno, akeyaʼvilagamo alagepa huka geʼnimo afiʼnanaʼmonanafa hemenimo mago kumai a kanomo hamaleʼnane. Kagaemo agoti gemo alagepa huʼa afiʼnaya vayaʼe fatago vayaʼeʼmo havaiteʼnayaʼmonanafa hemenimo kagaemo kamitimo hapaenageʼa faliʼnaya vayaʼmogimo kili paeʼnae.

Aiyeya 32:11

Afa aʼne anaganagi atete hiyo. Afole aisiya kavafeʼmo lapakesamo noʼafiya aʼne anaganagi lapaipamoʼmo kana hino. Kukena yatapimo asagitapa maleteta kogu kukenamo alita vaiyo.

Aiyeya 55:6

Lapakaemo Ala kava neʼmo kahauya hutapa agegefe hisaya afinaʼmo kahauya hutapa ageyo. Lapaopaleʼmo eno maisiya afinaʼmo keya aeta nunumuʼmo hiyo.

Aiyeya 61:8

Na kava higeʼnaene. Nagaemo Ala kava neʼmoʼnamo alagepa huʼa aliʼa fako nehaya kavafeʼmo nahauʼniyaʼmofeʼmae. Kana yaʼmo apamige kumaya alige nehaya kavafeʼmo naini nehuve. Nagaemo aliʼyaʼapimo alisayafeʼmo lama geletiʼmo yagaiʼna apategauve. Nagaemo apakaeʼeʼmo alagi hanege hanege huno hanesiya kotalakemo hu malegauve.

Aiyeya 66:2

Nagaemo ma mopaʼe kokuʼnaʼeʼmo alo huʼnogeno muki ani yaʼmo nagaiʼni yaʼmo haneʼniyaʼmonanafa haiya agufa vekaeʼmo ageʼna alagepa huʼna amuse huguve. Haneʼniyaʼmonanafa nagaemo ani vekamo naunenametefeʼmo ageʼna oʼmaleʼnove, huno huge hosu kavaʼaeʼmo aipamo kana huteno geʼnimo afiteno atete huge nehiya vekamo alagepa huʼna ageʼna amuse huguve.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

Neniyo 4:27

O kini vekamogae, huʼna, kaipa kagesa afi yaʼmo kamisuva gemo afisanafeʼmo nahauʼniye. Alagamuna kavaʼmo kagaeteʼmo afole aigiyanagi hosu kavakamo ataleteka fatago kavaʼmo huvo. Feʼno yaʼapimo ohaneʼniya vayaʼaitegamo hosu kavaʼmo osuka kahau huka apato. Gotiʼa alagepa huka maisanafeʼmo asole yaʼmo kamisifi okamisifigi amalageka huka ago, huno ha paiʼniye.

Neniyo 5:30

Ani haniʼilagamo mago Mitiya ati vayaʼmogimo eʼa Mamiloni vayaʼai kini vekaʼapimo Melisasaʼa kamitimo amagiʼnageno faliʼniye.

Hamakaki 3:16

Ani kavafeʼmo ava gemo afiteʼnaeʼmo nagufamoʼmo atete huʼniye. Age aiʼnigeʼnaeʼmo navayamoʼmo atete huʼniye. Naiya nayaʼmo faliteno lokiyaʼnimo ohaneʼnigeno naipamoʼmo atete huʼniye. Ani nofi vayaʼmogi eʼa lagaeʼeʼmo kamemo hisagenoʼaeʼmo lusi hanageke yaʼmo afole aisiya afinaʼmo nahausoli osuʼna afaʼa agava maiguve.

Hagai 1:2

Inagi Hagaiʼa ina ge huno aeno hakalo huno hana paiʼniye. Ala kava neʼmoʼa asole vayaʼaiteʼmo neʼyagaiya vekamoʼmo hunoʼaeʼmo, Isaleli vayaʼmogimo huʼapaeʼmo, Ala kava neʼmo mono noʼamo kisuna afinaʼmo afole oʼaiʼniye, huʼa huʼnae.

Matiyu 22:5

Uʼa hapa paiʼnayaʼmonanafa geʼapimo oʼafiʼa atagu faeʼa u eʼa huʼnae. Mago vekamo hoyaʼalega uʼnigeno mago vekamo aliʼyaʼalega uʼniye.

Yoni 16:8

Emiʼnenoʼaeʼmo ma mopafi vayaʼai hosu kavaʼapigi fatago kavaʼnigi agoti huʼna apatesuva kavaʼnigi huno alino apave lisigeʼa agegae.

Apa 10:42

Agaemo hunoʼaeʼmo, Nagaefeʼmo nava gemo hutapa hapa paitapaeʼmo Gotiʼa afaʼa maiʼnaya vayaʼe faliʼnaya vayaʼeʼmo agoti huno apatesiya vekae, huno huteno lekana paino ateʼniye, hutapa aeta hakalo hutapa hapa paiyo, huno laha paiʼniye.

Apa 17:13

Ani kavaʼmo huʼnayaʼmonanafa Tesalonaika Yu vayaʼmogimo afiʼnayana Poloʼa Meliya taonifiʼmo uno maiʼneno Goti geʼamo aeno hakalo huno hapa nepaiye, huʼa huʼnageʼa afiteʼapaeʼmo eʼa alu ge alu gemo huʼa muki vayaʼai apakesamo faiʼnae.

Apa 17:2

Poloʼa nehiya kava huno uno haino mono nopiʼmo loleʼe magoʼe Sapati afinaʼmo Goti Mukufi gemo lekana paino alino apaya maleʼnigeʼapaeʼmo agaeʼeʼmo ge huge afige huʼa maiʼnae.

Apa 17:32

Poloʼa hunoʼaeʼmo, faliʼniyatetiʼmo ago he tiʼniye, huno hapa paiʼnigeʼa afiteʼapaeʼmo mago vayaʼamogimo huʼa faipa huʼa ateʼnageʼapaeʼmo mago vayaʼamogimo, Ani kavafeʼmo ava gemo magoʼe huta afigesune, huʼa ha paiʼnae.

Apa 2:37

Ani gemo afiʼnagenoʼaeʼmo apaipafiʼmo aeʼnigeʼa Pitaʼe muki apa vayaʼefeʼmo huʼapaeʼmo, Vayatimogitapae, huʼa, haiya kavaʼmo hisune, huʼa ge huʼa apafi geʼnae.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Apa 24:26

Filikisiʼa Poloʼmo kalavusifatiʼmo hatu maeʼna atesuvana mago monimo namigiye, huno agesamo afiteno magoʼe huno ge huʼnigeno eʼnigeʼana ge huge afige huʼana maiʼnaʼae.

Apa 26:28

Agalipaʼa hunoʼaeʼmo, aise afinaʼmo Kalisitini vekamo hamalesuvafeʼmo nagesamo alika naha nepaine, huno ha paiʼnigenoʼaeʼmo,

Apa 9:6

Hosimoʼmo aeno fayopayo hiyategamo akoʼya kayoteʼmo aiyamo aeno lanu paiʼnigeno agafu nekiya agufa kavaʼmo nehane, huno ha paiʼnigeno afitenoʼaeʼmo hau aiteno atete nehunoʼaeʼmo, Ala kava nene, huno, na kava hisuvafeʼmo kahauʼniye, huno afi geʼnigeno Ala kava neʼmoʼa hunoʼaeʼmo, He tika taonifilagamo ugenoʼao mago vekamoʼmo hisana kavafeʼmo kaha paigiye, huno ha paiʼniye.

Lomu 12:1

Konagaʼnimogitapae, huʼna, Gotiʼa ani kavaʼmo nehiyaʼmofeʼmo nagaemo lapa maeno hau huno lapateʼniya kavaʼaletiʼe kavaʼaletiʼefeʼmo huʼnaeʼmo, Lahapao ke hovanagi Gotikeʼmo lapakufamo amiyo. Ofaliʼniya ofalinimo aunemeʼe ofalinimo aote ofalinimo Gotiʼa amuse huno lapatesiya agufa ofalinimo amiyo. Ani agufa kavaʼmo lapakesafatiʼmo mono hisaya kavaʼmo haneʼniye.

Lomu 14:12

Inagi mukiʼamogita lamete lamete huta Gotifeʼmo hutaeʼmo, ina kavaʼmo huʼnove, ma kavaʼmo huʼnove, huta ha paigune.

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

2 Kolitiyani 6:2

Ani kavatefeʼmo hunoʼaeʼmo, Fikumo hapa maeʼna neʼapamuva afinaʼmo gekamo afiʼnove. Apakufamo aliʼna katiʼna neʼapatova afinaʼmo kaha maeʼnove, huno huʼniye. Afiyo, huʼna, hemenimo vayaʼmo fikumo hapa maeno neʼapamiya afinaʼmo haneʼniye. Afiyo, huʼna, hemenimo vayaʼai apakufamo alino katino neʼapateya afinaʼmo haneʼniye.

Galesiya 3:22

Huʼniyesinaʼmonanafa Goti mukufiʼmo avoʼmo kae maleʼniya gemoʼa hunoʼaeʼmo, hosu kavaʼmoʼa muki ma mopafi vayaʼmo kalavusi huno apateʼniye. Yesu Kalaisifekeʼmo apakesamo afiʼa fatago nehaya kavatetiʼmo fikumo hapa maeʼna apamiguve, huno hu maleʼniya yaʼmo apakesamo afiʼa fatago nehaya vayaʼmo alino apamisiyafeʼmo kalavusi huno apateʼniye.

Galesiya 5:23

yagu yaga huʼa maige apaipa apakesaleʼmo alagepa huʼa yagaiʼa atege huʼa neʼmaiya kavaʼmo haneʼniye. Magoke keʼaepa gemoʼa mani kavaʼmo osiyo, huno huʼniya gemo ohaneʼniye.

2 Timoti 4:1

Ala kava netimo Yesu Kalaisiʼa muki vayaʼai apaulagaleʼmo afole aiteno agoti huno apatetenoʼaeʼmo vayaʼamogitaleʼmo yagaino lategaiye. Nagaemo agae aulagaleʼe Goti aulagaleʼeʼmo huʼnaeʼmo,

Taitasi 1:8

Oʼmaigayaʼmonanafa nata vayaʼaiteʼmo alagepa huʼa yagaiʼa apatege alagepa kavafeʼmo hapauge alagepa apaipa apakesaleʼmo yagaiʼa atege fatago kavaʼmo huge apaote kavaʼmo huge hapauʼniya kavateʼmo yagaiʼa atege huʼa maiʼnisaya vayaʼmogigeʼmo maigae.

Himulu 12:21

Ageteʼapaeʼmo lusi kava huʼa koli huteʼa apamoʼya aiʼnigenoʼaeʼmo Moseseʼa hunoʼaeʼmo, lusi kava huʼna atete huteʼna koli nehuve, huno huʼniye.

Himulu 3:13

Hosu kavaʼmoʼa humi lapateteno alino lokiya lapaipamo kalino lapategaiyanagi muki afinaʼae afinaʼaeʼmo konagatapieʼmo hutapaeʼmo, atafauta alagi hiyo, hutapa alita lokiya vaita apateyo. Akeyaʼvilagamo Gotiʼa hunoʼaeʼmo, hemenimo afiyo, huno huʼniya gemo hemeni kanatapimo hano osuno afaʼa haneʼniyaʼmofeʼmo hemenigeʼmo konagatapimo alita he titapa apateyo.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

Himulu 9:27

Gotiʼa hunoʼaeʼmo, muki vayaʼmo magoke afinaʼmo falitesageʼna agoti huʼna apategauve, huno hu maleʼniye.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.

1 Pita 3:15

Lapamoʼya oʼaitapa Gotifekeʼmo lapaipafiʼmo koli hutetapaeʼmo, Ala kava netie, hutapa lapaipafiʼmo hiyo. Vayaʼmogimo lapakaefeʼmo huʼapaeʼmo, na kava higetapaeʼmo Gotifeʼmo agava maiʼnetapa lapavayagunagu nehae, huʼa lapafi gesagetapaeʼmo geʼapileʼmo aeta atagaina hutapa hapa paisayafeʼmo muki afinaʼmo alo hutapa maiyo. Himuʼnamu gemo osutapa Gotifekeʼmo koli hutetapa alagepa gemo hutapa hapa paiyo.

2 Pita 1:6

Agetetapa afiʼnaya kavaʼmo aliʼnetapaeʼmo anileʼmo lapakufaleʼmo yagaitapa ateyo. Lapakufaleʼmo yagaitapa ateʼnetapaeʼmo anileʼmo oʼataleta atafautapa alagi hiyo. Oʼataleta atafautapa alagi hutapa maiʼnetapaeʼmo anileʼmo Gotifeʼmo mono hiyo.

1 Yoni 3:10

Muki vayaʼmogi fatago kavaʼmo nosaya vayaʼmo Goti mafaʼneʼamo oʼmaiʼnae. Konagaʼapieʼmo nohapaiya vayaʼmogimo ani kavaʼmo huʼa Goti mafaʼneʼamo oʼmaiʼnae. Ani kavatetiʼmo Goti mafaʼnemo maiʼnafi Satani mafaʼnemo maiʼnafi huʼa apakegae.

1 Yoni 3:7

Aise mafaʼneʼnimogitapae, huʼna, fiku yanagetapa apateʼnisageʼa humi lapategae. Kalaisiʼa fatago vekamo maiʼniya kava huʼa alagepa kavaʼmo nehaya vayaʼmo fatago vayaʼmo maiʼnae.

1 Samiyo 12:7

Inagi lapakaemo alagepa hutapa lapaketafo hiyo. Nagaemo Ala kava neʼmo aulagaleʼmo Ala kava neʼmoʼa lapakaetegaʼe lapakinago vayaʼaitegaʼeʼmo huʼniya fatago kavatefeʼmo agoti huʼna lapategauve.