Apa 24:11 - The Keyagana NT and 25 OT books

¹¹ Kagaemo ani vayaʼaifeʼmo loka huka apafi gesanageʼapaeʼmo ani gemo kaha paisageka afigane. Nagaemo Gotifeʼmo mono hisuvafeʼmo Yulusalemu taonifiʼmo uʼna maiʼnogeno tuolofuʼa afinaʼmo utegeʼna hemenimo maiʼnove.

Apa 24:11 ပူးပေါင်းရင်းမြစ်များ

Apa 21:18

Egaʼamo Poloʼe lagaeʼeʼmo Yemisitegamo uʼnonageʼapaeʼmo Yemisiʼe vayatama vayaʼeʼmo maiʼnae.

Apa 22:30

Egaʼamo hogote vekamo yagaino neʼapateya vekamoʼmo Yu vayaʼmogi Polofeʼmo hosu kavaʼmo huʼniye, huʼa huʼnaya gemo aepaʼamo afisiyafeʼmo hunoʼaeʼmo, nofiʼmo hatu maetapa ateyo, huno hapa paiteno mono huʼa neʼapataya vayaʼaiteʼmo yagaiʼa neʼapataya vayaʼe kanisole vayaʼefeʼmo, Etapa alita anupa huta maiyo, huno ge huʼniye. Eʼa aliʼa anupa huʼa maiʼnagenoʼaeʼmo Poloʼa avalelineno apaulagaleʼmo alino he tino ateʼniye.

Apa 23:11

Haniʼilagamo Ala kava neʼmo afole aiteno Polo haopaleʼmo he tino maiʼnenoʼaeʼmo, Polo, huno, Koli osuka lokiya vaika maiyo. Yulusalemu taonifiʼmo nava gemo aeka hakalo huka hapa paiʼnana kava huka Lomu taonifiʼmo uka aeka hakalo huka hapa paigane, huno ha paiʼniye.

Apa 23:23

Ati vayaʼaiteʼmo hogote vekamo yagaino neʼapateya vekamoʼmo ati vayaʼaiteʼmo yagaiʼana neʼapataʼa vekalafeʼmo hunoʼaeʼmo, Tu hataletiʼa ati vayanagi sevetiʼa hosileʼmo fai maiʼneʼa uʼeʼa nehaya vayanagi tu hataletiʼa hayomo aliʼnaya vayanagi hutana Sisaliya taonifiʼmo kitamo nekuna afinaʼmo visayafeʼmo alo hiʼao.

Apa 24:1

Faefuʼa afinaʼmo utegeʼa mono huʼa neʼapataya vayaʼaiteʼmo yagaino neʼapateya vekamo agiʼamo Ananayasiʼagi vayatama vayanagi mago agotimo huno neʼapateya vekamo agiʼamo Tetalasiʼagi huʼa Sisaliya taonifiʼmo uʼnae. Uʼa yagaino neʼapateya vekamo Filikisi aulagaleʼmo he tiʼa maiʼneʼa Poloʼmo agoti huʼa ateʼnae.

Apa 24:17

Akeyaʼvilaga Yulusalemu taonifatiʼmo ataleʼnuʼna asole kafugamo maiteʼna henagaʼamo mago ofalini monimo aliteʼna vayaʼnimo hapa maesiya ofalini monimo apamisuvafeʼmo aliniʼna atagineʼna Yulusalemu taonifiʼmo eʼnove.